Korintiyu anabiili 11:1-33
11 Miyo gohowela mwahagihiye owoga vang’o ninga gili taduwa. Mbwenye, mwebaribarene nyu munna ogivilelana!
2 Mwaha miyo ginowunla ajhe, ajhe enaligana ni ya Mulugu, mwaha gahupaganyani kadda muthu wa nyu wihina eere wawerana matelo yaakale a mulobwana mmodha baahi ali Kiristu, wihina guupelekeni ninga mwihiyana ahinagonege ni mulobwana.
3 Mbwenye ginowoova wihina enadha yupadduweleni ethu emodhave yampadduwele Eva aalekethiwe ni nowa yooxaga, muthu uuleketheni ofiyedha ononga mubuwelo weenyu, vano muhiye omuhara Kiristu ni murima waamuteene ni okanna mweeddelo wapama ndala ninga anafuneliye.
4 Mwebaribarene, akala muthu onodha omulaleyaga Yesu mmodhene oohiyana nuule nnamulaleyihu obe akala nyu muhaakela muzimu wohiyana nuule mwakenlinyu obe muthenga dhapama dhohiyana ni ndhe murumedhilinyu nyu munoovilelana dhithu ndho mwamakalelo ookweya.
5 Mwaha kaawo ethu enooniha wihina miyo gili mung’onoya vaari vaarumiwi enyu eniwona ninga bathimaya.
6 Mbwenye naarive gahikovelele owoga pama, miyo gihikanna enonelo yowinjhiva; mwebaribarene nnowuwonelihamoni mwamakalelo aamatene mwa dhaatedhene.
7 Mwaha miyo wiyeviha wihina nyu muthithimihiwe ni wulaleyani ni murimaaga waatene muthenga dhapama dha Mulugu mwamahala, gihithega?
8 Miyo gahirumedha wakela nikavihero na mulogo ekalaga ninga ginowawiyela wihina gulabeleni.
9 Naarive dhigaali ndo, mudhidhi gaalimi ni nyu, gaahikanna ethu, miyo kagamunyonya muthu, mwaha addibila yadheela oMasedoniya yogikavihera ndhithu gahowelimi mwa dhaatedhene. Hee, gokala pasope wihina gihithabwege wunyonyani ni gineerege odhowave geeragana ndo.
10 Mowindala ninga ginaharimi ebaribari ya Kiristu, kaginaaselele owoga ni withukula muselu yoola murudda dho Akaya.
11 Mwahaya bwaddi? Gerege mwaha kaginuudhivelani? Mulugu ohunona wihina ginowudhivelani.
12 Ehikalawo athu amodha enithukulela yeeraga nili arumiwi ninga iyo. Bumwahaya gineerege odidela werana dhithu gineeresimina wihina aliwa ehikanne ethu enaathukulelege withukula.
13 Mwaha athu ayo arumiwi owoota, anamalaba owoota, eniikaliha arumiwi a Kiristu wula ehili.
14 Eyo kahi yootikiniha, woona wi Saddana onowisaddula wiwoneyihaga ninga mungero owaara.
15 Mowindo, iyo kannatikina wi nadhaarayeya enowisaddula okalaga ninga adhaari owogowa. Mbwenye omakuthulo wewa onaakale mowiwanana ni mabasa yapanriwa.
16 Ginoowogave gegihina: ahikalewo muthu anubuwelege wi miyo gili taduwa. Mbwenye akala nyu munubuwela ndo, girumeedheni ninga taduwa, wihina nimiyoya giithukule vang’ono.
17 Vano ginowoga, mbwenye kaginahara yotajhiha ya Nabwiya, mbwenye ginawoga ninga taduwa anathabwa wiroromela.
18 Woona wi athu owinjhiva enowiithukulana dhithu dhamwilaboni nimiyoya gineerege withukula.
19 Nyu muthambwe okanna “thotho” mwahaya bwaddi kinuurusani wavilelana ataduwa?.
20 Mwebaribarene nyu munonvilelana ole anafuna wi mukale adhaari, anafuna wuwiyelani dhithudhinyu, anuujhelani dhithudhinyu, ole aniithukula vaari veenyu ni ole anuuvahani nikofi wintoni weenyu.
21 Nawogaga ndo nnowinyemula, mwaha enakala ninga kaninna kopolo. Mbwenye akala athu amodha enowiithukulana dhithudhiwa, nimiyoya giwogaga ninga taduwa ginowithukulana dhaaga.
22 Aliwa akudda Eberewu? Nimiyoya gili mukudda Eberewu. Aliwa amwaana Ezarayeli? Nimiyoya gili Mukudda Ezarayeli. Aliwa odhuulu wa Abarawu? Nimiyoya gili odhuulu wa Abarawu.
23 Nerege aliwa arumiwi a Kiristu? Ginowakula ninga taduwa: Miyo gihoniha okala murumiwi a Kiristu wapitha aliwa, gihithabwa olaba vanlubale, gihivolosihiwa mukambura dila dhowinjhivadhene, gihithabwa owaxuliwa teto malabo owinjhivene gahala neena nuupiwa;
24 dila tanu maJudewu egiwaxulaga, mbwenye kadda dila yoogivada muwaxu-waxu 39 *,
25 malabo mararu gihiwaxuliwa ni muwaxu-waxu, labo nimodha ginovonyiwaga ni mabwe, gihera dila tharu gihalaga neena nuukwa mbara ni baruku, gihoona goyi mbara mutana ni mahiyu;
26 gihedda olenddo dhowinjhiva, gahifwanyiwa woova mwaha wa otekuma wa mwihinjhe, ginosegedhiwaga naambava, gahiiddiwa naathu a nlogo naaga, gahiiddiwa ni amalabo, gihigumanana dhithu dhowopiha dha musidadi, dha mwiddeddereni, dha muniya, widdiwa ni addibila owoota,
27 gihaapara mabasa oorusa ni oogomiha, gihimala emahiyudhene gihiddoddaga nikove, gihikwa dala ni nthona dila dhowinjhivadhene, gihimala malabo owinjhivene gihoonaga yoojha, giriidhiwaga ni gihinna yowara.
28 Ohiya dhithuve ndha baahi, malabo aamatene miyo ginothuwathuwela mulogo dhaatene.
29 Muthu akwerebeya nimiyoya ginokwerebeya, teto muthu amweeriha mukwaye oyelela nroromelo, miyo ginootakaleliwa.
30 Yahoweleyaga miyo withukula, gineerege withukula mowiwanana ndhithu gihinandimi werana.
31 Mulugu ni Baabi a Nabwiya Yesu, Ole anafwanelela othithimihiwa malabo aamatene, ohunona wihina kaginowoota.
32 Odamasku, musadoro a mwene Areta, ahaapweha anamasugwera sidadi * yaakudda Demasenu wihina egimage,
33 mbwenye addibila ogipweha mmuddangani ni ogikitihedha vajanelani txinga ya luwani yeele, vano fandilimi woobowa mmadani mwaaye.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ Lit “muwaxuxu 40 ovenyihavo mmodha.”
^ Obe “Luwani.”
