Korintiyu anabiili 3:1-18
3 Enohoweleya iyo wiwoneyiha dila biili ninga kamunnonne? Ninga eneera athu amodha, nnohowela wuwonihani makarta enooniha wi iyo nere orumiwa? Nnohowela wihina munlebele makarta ninga yala? Naari.
2 Nyu muli karta nehu, nlebiwe mmurimani mwehu, nnoniwe ni nnileriwa naathu aatene.
3 Mwaha enowoneya wi nyu muli karta na Kiristu, nlebiwe ni iyo adhaari a Mulugu, ohiya ni tinta, mbwenye ni muzimu wa Mulugu ookalawo; teto ohiya vamabweni, mbwenye mmurimani. *
4 Nihikanna nroromelo nna wodhela Mulugu mwaha wa Kiristu.
5 Kahi wihina nili oofwanelela ni nnaapara mabasa ala ni kopolo dhehu mbwenye Mulugu dineriha wi nikale oofwanelela ni naapare mabasa ala.
6 Duliye anivahile kopolo wihina nikale adhaari ohiya a nlamulo nlebiwe, mbwenye adhaari a nipangano nixa ni muzimu; mwaha nlamulo nlebiwe nnathukulela okwa, mbwenye muzimu onavaha egumi.
7 Akala nlamulo nnathukulela okwa nlebiwe vamabweni ndhile ni nthithimiho ofiyedha amwaana Izarayeli kuhandaga osugwa kove ya Moyizeji mwaha waara wa kove yaye neere orimela,
8 nerege mabasa enapariwa ni muzimu wotxena kinna nthithimiho ninlubale?
9 Mwaha akala nlamulo nnathukulela okwa nihikanna nthithimiho, mabasa enathukulela wogowa ehithabwa okanna nthithimiho!
10 Nthithimiho na nlamulo kahi ethwene naliganihiwa ni nthithimiho na nipangano nixa.
11 Akala ele yadhile ni nthithimiho ehivira, ele eli yamukalakala ehikanna nthithimiho nowinjhiva!
12 Woona wihina nihikanna ejhehedho eyo, nnowoga nihanganyedhaga,
13 teto kannerana ninga Moyizeji akunela kove yaye ni guwo wihina amwaana Izarayeli ehonege omagomihedho wa ele yaamale.
14 Mbwenye mubuwelo wewa kuwonelamo ethu. Mwaha nivanove mubuwelo wewa kunoonelamo okalaga ninga okuneliwe ni guwo teto kinanda wonelamo nipangano nakale, woona wi guwo eyo enavenyihiwavo wodhela Kiristu.
15 Ohiya eyo, murima dhewa dhihikuneleya ofiyedha peeno, mwaha wa yeyo kinanda wonelamo dholebela dha Moyizeji.
16 Mbwenye, muthu amuhogolowela Yehova, guwo ele enovenyihiwawo.
17 Mowindo, Yehova Muzimu, teto vinakala muzimu wa Yehova, otapuwa winookalavo.
18 Vano, aatene iyo nihikuneeliwe kove yehu nnatonyihedha nthithimiho na Yehova ninga espelyu, nnosadduliwa wi nliganege ni Mulugu, wihina ntonyihedhege pamadhene nthithimiho naye, ndo ninga Yehova ali Muzimu, * munafuneliye.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ Lit., “mabwe esasanyiwe ni mwiili oli murima.”
^ Obe: “muzimu wotxena wa Yehova.”
