Dhilebiwe ni Lukaji 20:1-47
20 Malabo yaale, Yesu aahudhihaga athu mutempulu ni alaleyaga muthenga dhapama, anddimuwa aanamakutha, anamaleba ni anamaholela odha
2 aliwa omukoha yegihina: “Kanaddele, oneerana dhithu ndha ni kopolo dhawani? Ki uvahile baani?”
3 Yesu wawakula egihina: “Ni miyowa ginere wukohani ethu emodha ni nyuwa mugakule:
4 Obaddiziwa wa Juwawu waadhele odhulu obe waathu?’’
5 Mbwenye aliwa wambela onong’ona vikaleliwa yegihina: “Nera: ‘Wodhulu’ oliye anere onikoha: ‘Kito mwihinamurumedhela ddi oliye?’
6 Mbwenye neera: ‘Onakuma waathu’, muthithi ola oli avala enonipwesa ni mabwe mwaha enamoona Juwawu ninga namavuhulela.”
7 Nuwindo aliwa omwakula yegi kiyanonne wadheliwa.
8 Vano Yesu wawakula egihina: “Ni miyoya kaginuwaddelani muthu anagivaha kopolo dhowerana dhithu dhendha.”
9 Nuwindo oliye wambela wawaddela nladdaniho athu ale yaali vevale egihina: “Ahikalawo mulobwana dhaala aalile munddaye wa uva, vano mundda ole ohiya mmadani mwa anamalima, omaga olenddo odhowa elabo emodha omalawo malabo owinjhivene.
10 Nufiya mudhidhi wohadda omuruma mudharaaye wihina agumane ni anamalima ale wi envahe dhowima vang’ono. Nuwindo, anamalima ale omwihidda mudhaari ole omuukutha, aliwa omuruma odhowaga yahinvahile ethu.
11 Mbwenye oliye omuruma mudhaari mmodha. Nuulaya aliwa omuukutha, omutota manyazo, omuruma odhowaga yahinvahile ethu.
12 Oliye omuruma mudhaari anatharu; nuulaya aliwa omporosa ni omwigara.
13 Mwaha wa yeyo, muliba mundda ole wa uva owoga egihina: ‘Ki vano geere ddi? Ginere omuruma mwanaga ginamudhivelimi. Podi wera mwanaga ola enere omuriha.’
14 Numoona mwana ole, anamalima ale owoga vikaleliwa yegihina: ‘Anahalena munddaya diyola. Kabeni nimpe, nihalena dhithu dhaye.’
15 Nuwindale aliwa omuhidda, onvokedha ode wa mundda ole wa uva, ompela wengo. Vano mwinnya a mundda ole wa uva, anawerena ddi anamalima ale?
16 Ahogolowa anere wapa anamalima ale, munddaya ole wa uva aavahe athu amodha.”
Nuwawiwa madhu yala aliwa owoga yegihina: “Eyo newene kinaapadduwe!”
17 Mbwenye Yesu wasugwa pamadhene ni owoga egihina: “Madhu ala elebiwe vala enatapulela ddi: ‘Nibwe ameesili ekoddiliwa thi nibwe nathimana’?
18 Yole anamothele vanibweni avala anere onyenyiwa. Teto yoyo anamotheliwe nibwe nna anere otatakanyeya.”
19 Vano anamaleba ni anddimuwa aanamakutha osayelaga makalelo wihina emwihidde mudhidhi yole mwaha yahinona wihina musibe ole awogile awubuwelaga aliwene. Mbwenye yowawova athu yalivo.
20 Vano nuwona dhithu eeriyena aliwa waruma athu yagunliwa moviteya wihina ekalege ninga athu owogowa,* wihina emukone ni madhu aye, yindo yampeleke waanamathonga ni mmadani mwanddimuwa a musadoro.
21 Vano aliwa omukoha yegihina: “Namahudhiha, nihinona wi dhithu munawoginyu ni munahudhihinyu sebaribari, ni kamunasayela wahagalasa athu, mbwenye munahudhiha dila ya Mulugu mowiwanana ni ebaribari:
22 Munoonamo aavi enowenyeya omuliva Sezare musoko obe naari?”
23 Mbwenye Yesu nunona obure wewa, wawaddela egihina:
24 “Kagoniheni korowa modha ya denariyu. Oliye wakoha egihina: “Kove ela ni madhu ala elebiwe vala bawani?”Aliwa omwakula yegihina: “Ya Sezare.”
25 Oliye wawaddela egihina: “Akala siyeyo, mmulive Sezare ele eli ya Sezare, mbwenye ya Mulugu mmulive Mulugu.”
26 Nimakalelo yala awakunliye aliwa kiyandile omukona vaari vaathu yaale mbwenye aliwa otikina ni yowakula yaye ni kuukanna yowoga.
27 Mudhidhi yole yahikalawo asadusewu amodha yawoga yegi kawili ovenyihiwa muukwani, omwaddamela Yesu ni omukoha yegihina:
28 “Namahudhiha, Moyizeji ahileba egihina: ‘Muthu akwa ahimwihiyile mwaana ddibileya amutele mamukweleya wihina nihimo nne na ddibile nnakwele.’
29 Epadduwe sowihina, yahikalawo addibila 7. Owambela otela mbwenye okwa ahimwihiyile mwaana
30 opadduwa emodhave ni anabili
31 ni anathaaruya omutela muhiyana yola. Wereya emodhave ni aatene yala 7; aliwa okwa ehahiyile ahima.
32 Vano omakuthulowa muhiyanaya okwa.
33 Mowindala, wafiya mudhidhi wovenyihiwa anookwa aatene yala 7 mamuneya anakale aani? Mwaha aatene yahimutela.”
34 Yesu wawaddela egihina: “Ahima omakuthulo wa dhithu dhatedhene enootela ni enooteliwa,
35 mbwenye athu enna oneeti wowakela egumi malabo yayo oosogolo, ale ennavenyihiwe muukwani kinaatelege newene kinaateliwege.
36 Ebaribariya sowi aliwa kinadha ekwaga mwaha eli ninga angero ni ahima a Mulugu, mwaha wokala ahima oovenyihiwa muukwani.
37 Mbwenye anookwa eneere ovenyihiwa muukwani mwaha Moyizeji ohuwoga agaali vanikupuni numwithana Yehova egi, ‘Mulugu Abaraawu, Mulugu a Izaki, Mulugu a Jako.’
38 Oliye kahiyo Mulugu aanokwa mbwenye aathu ookalawo, mwaha vamentoni vaye athu aatene ekwile ehikalawo.”
39 Anamaleba amodha omwakula yegihina: “Namahudhiha nyu muhuwoga pama.”
40 Mwaha wa yeyo aliwa kiyandile omukoha newene ethu emodha.
41 Nuwindo oliye wakoha egihina: “Mwahaya bwaddi mugawoga wi Kiristu mwaana a Davidi?
42 Mwaha mwinnyene Davidi ohuwoga mu livuru na Salmo egihina: ‘Yehova owoga nNabwiya aaga egihina: “Okarati moono waaga woojha,
43 ofiyedha miyo wapweha amwiddani awo vati va manyalo awo.”’
44 Kito akala Davidi anamwithana Nabwiya, dhinandeya addi oliye okala mwanaye?”
45 Wula muthithi watene onvuruwanaga oliye wawaddela anamahara aye egihina:
46 “Pole-pole ni anamaleba, enadhiveliwa wawara malaya oolapa ni enadhiveliwa olojheliwa yakala omerkado* ni enadhiveliwa okarati mburo dhobajha dha musinagoga ni mburo dhathima yakala vamathangani,
47 aliwa enowaherula amaamukwele, teto othabwawa enowawerana malobelo oolapa. Aliwa enere otorihiwa mwa makalelo oopiha mbani.”
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ Obe: “apama.’’
^ Obe: “vamusika.”
