Dhili muwari mwa Marku 2:1-28
2 Nuwindo, nuuvira mwanamalabo Yesu ohogolowela oKafarnawu, vano athu nuwiwa wihina ohuhogolowela owaniwa ovuwiha muthenga ole.
2 Vano athu owinjhiva otugumana ofiyedha ohoneyagavo mburo newene vamulago, nuwindo oliye wambela wawaddela Madhu a Mulugu.
3 Ni omudhana mulobwana dhaala ooragala agathukuliwe naalobwana annayi.
4 Woona wihina muthithi waathu wahithabwa winjhiva, kiyandile omuthukulela mburo vaali Yesu, mbwenye aliwa otatarula vadhulu vanyumba ele mwaali Yesu, ni omukitihela venvo mulobwana ole aakinantile vamaakani.
5 Yesu nuwoona nroromelo yanniwana, oliye owoga ni muliba ooragala ole egihina: “Mwanaga, dhoothega dhawo dhihileveleliwa.”
6 Mwaha wa yeyo, anamaleba amodha wambela onong’ona vikaleliwa yegihina:
7 “Mwahaya bwaddi mulobwana ola agawoga nimakalelo yala? Oliye anna oruwana dhithu dhotaleleya. Baani analevelela dhoothega ahili muthu mmodha baahi, Mulugu?”
8 Mbwenye vohilegela Yesu nunona yubuweliwa mmurimani mwewa, oliye wakoha egihina: “Mwahaya bwaddi mugubuwela dhithu dhabure mmurimani mweenyu?
9 Enakweya ddi owoga ni muliba oragala ola, ‘dhoothega dhawo dhihileveleliwa,’ obe ‘Kaathukule maakaawo weeddege’?
10 Vano wihina munone wi Mwaana Muthu ohuvahiwa kopolo yolevelela dhoothega elabo yavati . . .” oliye owoga ni muliba oragala ole egihina:
11 “Miyo ginowoga gegihina: Kavenya, kaathukule maakaawo, odhowege vaade vawo.”
12 Nuwindo, vohilegela oliye ovenya, waathukula maakaye weeddaga athu emusugwaga. Vano athu aatene yaali vevale otikina, ni omuthithimiha Mulugu yegihina: “Kannonege ethu ninga yela.”
13 Vasogolova, oliye odhowa sere-sere ya niya; muthithi waatene waathu odha valiye, oliye wambela wahudhiha.
14 Voharelava, oliye omoona Levi mwaana Alfewu, agakaratile, akukusaga musoko, vano owoga nuliye egihina: “Okale namahara aaga.” Nuwindo, oliye ovenya omuharaga.
15 Labo dhaala Yesu agakaratile vaade va Levi, anamakukusa musoko ni aliba oothega owinjhiva ojhaga* vamodha ni Yesu ni anamahara aye, mbwenye athu owinjhiva yowahara.
16 Mwaha wa yeyo anamaleba aAfarizewu numoona wihina oliye ajha naanamathega ni anamakukusa musoko, wakoha anamahara aye yegihina: “Oliye onojha ni anamakukusa musoko vamodha naanamathega?”
17 Yesu nuwawiwa, oliye wawaddela egihina: “Athu agumi kinamuhoowela mediku, mbwenye aredda binamuhoowela. Miyo kagidhele wawithana athu owogowa* mbwenye athu oothega.”
18 Anamahara a Juwawu ni Afarizewu yothuga nuwindo aliwa omususedha Yesu ni omukoha yegihina: “Mwahaya bwaddi anamahara a Juwawu ni anamahara aAfarizewu egathuga, mbwenye anamahara eenyu kinathuga?”
19 Vano Yesu wakoha egihina: “Akwaye namatela enoothuga wula egaali vamodha nnamatelaya? Akala eli vamodha nnamatelaya kinahowela othuga.
20 Mbwenye nnere ofiya nlabo namatela ole ahinaakaliye vamodha naakwaye, nlabo nenno enere othuga.
21 Kaavo anatxapela* guwo* yoodduwa ni esaala exa. Mwaha esaala exa enere oweta guwo yoodduwa, vano otaleyawa winere othabwa.
22 Emodhave, kinenyeya omuthukula vinyu muxa omweeka thumba noodduwa. Yereya ndo, thumbana nnotala, vano vinyuya ni thumbana nnere oyeleleya. Mbwenye anathukuliwa vinyu muxa, weekiwa thumba nixa.”
23 Labo dhaala na Sabadu, Yesu aviraga mmunddani mwa tirigu, anamahara aye wambela onvulula tirigu wula yeeddaga.
24 Mwaha wa yeyo, Afarizewu nuwoona ele yeeriwana omukoha yegihina: “Kasugwa! Mwahaya bwaddi anamahara awo egaalupa malamulo a Sabadu?”
25 Oliye wawakula egihina: “Nyu kamunilerigi ele Davidi eeriliyena, oliye vamodha naalobwanaye nuvoliwa dala?
26 Obe kamunubuwela yereye ni Abiyatar namakutha munlubale, Davidi nuuvolowa nyumba ya Mulugu atakuna pawu dhootaleleya, dhakoddihiwa muthu bure-bure otakuna, yahili anamakutha baahi ni aavahamo alobwanaye yaali vamodha nuliye?”
27 Oliye wenjhedhedhave egihina: “Sabadu akalelewo mwaha wa muthu, muthu kapaddusiwe mwaha wa Sabadu.
28 Mwaha Mwaana Muthu di Nabwiya a Sabadu.”
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ “vameza.”
^ Obe: “apama.”
^ Obe: “anasonela.”
^ Obe:“yoowara.”
