Matewuji 1:1-25
1 Livuru nnawoga wodhela egumi ya Yesu Kiristu,* mwaana Davidi, mwaana Abaraawu:
2 Abaraawu ombala Izaki;Izaki ombala Jako;Jako ombala Juda ni ahima amodha;
3 Juda ombala Pereji ni Zera, mayiwa aali Tamari;Pereji ombala Ejironi;Ejironi ombala Rawu;
4 Rawu ombala Aminadabi;Aminadabi ombala Nazo;Nazo ombala Salmoni;
5 Salmoni ombala Bowaji, mayeya aali Rahabe;Bowaji ombala Obedi mayeya aali Ruti;Obedi ombala Jese;
6 Jese ombala mwene Davidi.Davidi ombala Salomawu mayeya aali mwadha Uriya;
7 Salomawu ombala Robowawu;Robowawu ombala Abiyaji;Abiyaji ombala Aza;
8 Aza ombala Jeyozafa;
Jeyozafa ombala Jeyorawu;Jeyorawu ombala Uziya;
9 Uziya ombala Jotawu;Jotawu ombala Akaji;Akaji ombala Ezekiya;
10 Ezekiya ombala Manaseji;Manaseji ombala Amoni;Amoni ombala Josiya;
11 Josiya ombala Jekoniya ni ahima amodha, mudhidhi amwaana Ezarayeli ethukuleliwaga oBabiloniya.
12 Nuumala othukuleliwa oBabiloniya, Jekoniya ombala Seyaltiyeli;Seyaltiyeli ombala Zorobabeli;
13 Zorobabeli ombala Abiyudi;Abiyudi ombala Eliyaki;Eliyaki ombala Azori;
14 Azori ombala Sadoki;Sadoki ombala Akimu;Akimu ombala Eliyudi;
15 Eliyudi ombala Eliyazar;Eliyazar ombala Mataa;Mataa ombala Jako
16 Jako ombala Juze, mamune Mariya, amaye Yesu, anithaniwa Kiristu.
17 Mowindala malogo amatene okuma Abaraawu ofiyedha Davidi yaali 14, vano okuma Davidi ofiyera mudhidhi amwaana Ezarayeli yathukuleliwiwa oBabiloniya yaali malogo 14, okuma mudhidhi amwaana Ezarayeli yathukuleliwiwa oBabiloniya ofiyedha Kiristu obaliwa yaali malogo 14.
18 Obaliwa wa Yesu Kiristu wereyile mudhidhi Mariya amaye Yesu, egaveviwe ni Juze, Mariya okanna wari wodhela muzimu wotxena,* ehinatelane.
19 Woona wi Juze mamune Mariya aari muthu apama ni kafuna omuthukuliha manyazo, Juze ofunaga omwihiya ahiwogile ethu.
20 Mbwenye Juze nuwubuwela dhithu ndha, mungero a Yehova owoga nuliye murohani egihina: “Juze, mwaana Davidi, kuwove omuthukulela mwariyo Mariya vaade vawo, mwaha oliye arubale* mwaha muzimu wotxena.
21 Mariya anere ombala mwaana, mwanamulobwana, onvahe ndina na Yesu,* mwaha oliye anere wawobola athu aye mudhoothegani mwewa.”
22 Dhithu dhatedhene ndha dhipadduwe wihina yakwanele madhu aawogile Yehova wodhela namavuhulela aye egihina:
23 “Kasugwani! Mwananamwali ahinagonege ni mulobwana anere okanna wari, ambale mwaana, mwanamulobwana, ni anere ovahiwa ndina na Emanuweli”, ndina nna nnatapulela “Mulugu ali ni iyo.”
24 Juze nuvenya werana dhatedhene mungero a Yehova awogiliye ni omuthukula mwariye ni okalagana vamodha.
25 Mbwenye Juze kaamugonihe Mariya ofiyera ombala mwaana mwanamulobwana, vano Juze onvaha ndina na Yesu.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ Obe: “Mesiya.”
^ Obe: “Kopolo dha Mulugu.”
^ Obe: “Anna wari.”
^ Ni Ebarayiko Jesua obe Jozuwe enatapulela “Yehova nvulusi.”
