Matewuji 4:1-25
4 Nuumala, Yesu othukuleliwa mwiddeddereni ni muzimu* wihina eehiwe ni Ddiyabo.
2 Nuumala malabo 40 mutana ni mahiyu ahijhile ethu,* oliye ovoliwa.
3 Vano Ddiyabo omususedha owoga nuliye egihina: “Akala we oli mwaana a Mulugu, kaasaddule mabwe ala ekale pawu.”
4 Vano Yesu omwaakula: “Dholebela dhinawoga dhegihina: ‘Muthu kanakalelawo ni yoojhave baahi, mbwenye anakalawo mwaha wa madhu enakuma muwano mwa Yehova.’”
5 Nuwindo Ddiyabo omuthukulela oJeruzale, omugweliha mburo wootama otempulu
6 owoga nuliye egihina: “Akala we oli Mwaana a Mulugu kivokedhe vati, mwaha dholebela dhinawoga: ‘Mulugu anere waruma angero aye, edhe yukapule,* wihina nnyalo nawo nihivade nibwe.’”
7 Yesu omwakula egihina: “Ni eyoya ehilebiwa: ‘Kumwehe Yehova, Mulugu awo.’”
8 Vano Ddiyabo omuthukulela mwango wootama omooniha omwene waatene wa elabo yavati ni nthithimiho newa.
9 Nuwindo owoga egihina: “Ginere wuvaha dhatedhene ndha wagikokorela ni wagebedha vang’ono.”
10 Yesu omwakula: “Ogivenyelevo Saddana! Dhihilebiwa: ‘Omwebedhege Mulugu awo Yehova, omulabelege oliyeene baahi.’”
11 Vano Saddana omwihiya, angero odha wambela omukavihera.
12 Yesu nuwiwa wihina Juwawu ohufugeliwa mukambura, odhowa oGalileya.
13 Ohiya eyo, nukuma oNazare, odhowa okalaga oKafarnawu sere-sere ya niya, murudda wo Zebulawu ni woNafitali,
14 dhithu ndha dhipadduwile wihina yakwanele madhu a namavuhulela Izayiya enawoga yegihina:
15 “Nyu akudda Zebulawu ni akudda Nafitali, munakala dila enadhowa oniya, kobela emodha ya Jordawu, oGalileya winakala athu a malogo mamodha!
16 Athu enakala muyihini ehoona waara winlubale, teto athu enakala murudda wa yiihi yowoopiha* ehifwanyiwa waara.”
17 Obajha mudhidhi yole odhowa osogolo Yesu wambela olaleya egihina: “Muthwaruwe, mwaha Omwene wodhulu ohaddamela.”
18 Yesu eeddaga sere-sere ya niya yoGalileya, wafwanya alobwana abiili yaali oddibila: Simawu aalemeliwe ni ndina na Peduru, ni ddibileya Andere, ereyaga nthavi newa muniya, mwaha yaali anamameza.
19 Oliye wawaddela egihina: “Mugiharege, mwaha ginafuna mukale anamameza aathu.”
20 Mohilegela, aliwa wahiya mathaviwa omuharaga.
21 Vasogolova wafwanya alobwana amodha abiili yaari oddibila: Tiyagu, mwaana Zebedewu, ni ddibileya Juwawu. Aliwa yaali mmwanddeyani ni baabiwa Zebedewu yasonaga mathaviwa, vano Yesu wawithana.
22 Mohilegela aliwa ohiya mwanddeyiwa ni omwihiya baabiwa, omuharaga.
23 Yesu ovira murudda waatene woGalileya, ahudhihaga musinagoga mwewa, alaleyaga muthenga dhapama dha Omwene, aavulumusaga athu yaali aredda ni yanna mahoso ohiyana-iyana.
24 Matikiniho aatene aweriyena ovuwa elabo yatene yoSiriya, vano aliwa wathukula aatene yaale yaali aredda ni yavoreyiwa vanlubale, yanna ademoniyu, aliba ejhilejhile, aliba oragala waadhowana waali Yesu, oliye wavulumusa.
25 Mowindala, muthithi waathu wakuma oGalileya, oDekapoli, oJeruzale, oJudeya ni kobela emodha yoJordawu, wambela omuhara.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ Obe: “kopolo dha Mulugu.”
^ Obe: “athugaga.”
^ Lit.: “yuthukule mmadani.”
^ Obe: “athu yahinna ejhehero.”
