Karta Pawulo aalebeliye akudda Roma 6:1-23
6 Kivano nnere ddi? Nnere odidelave werana dhotheega wihina opama wohinifwanelela wenjhedhedheye?
2 Mwebaribarene naari! Woona wi nniwoona ninga nili ookweene mwaha wa yothega, nnande addi odhowagave nthegaga?
3 Obe nyu kamunonne wihina iyo nimanle obaddiziwa mwa ndina na Kiristu Yesu, nihibaddiziwa muukwani mwaaye?
4 Bumwahaya, nihikoyiwa mmahame vamodha nuliye wodhela obaddiziwa wehu muukwani mwaaye, mowindala ninga Kiristu avenyihiwiye muukwani wodhela kopolo ni nthithimiho Naababe, eyo yereye wihina ni iyowa nithukule mweddelo wa egumi exa.
5 Nakala owiwanana nuliye muukwani mwaaye, mwebaribarene nnere okala owiwanana nuliye muvenyihiwani mwaaye muukwani.
6 Mwaha nihinona wihina emuthu yehu yakale ehikomeliwa vantxikwani nagoyi nuliye, wi mwiili wehu wohilogomana oyelele kopolo onniwana, teto nihidhowegeve nigaali adhaari a yothega.
7 Mwaha ole akwile, dhoothega dhaye dhihileveleliwa.
8 Ohiya eyenove, nakwa vamodha ni Kiristu, nikanne ebaribari wihina nnere okalawo nuliye.
9 Vano Kiristu avenyihiwiye muukwani, iyo nihinona wi kanadha akwaga; teto okwa kunadha omugonjhiha.
10 Wodhela okwa waye, oliye akwile dila modha baahi wihina athimihe dhootheega. Mbwenye peeno oliye anakalawo wihina eregena efunelo ya Mulugu.
11 Mwamakalelo mamodhave, mwiwonege ninga muli ookwene wodhela yothega, mbwenye mulabihedhege egumi yenyu wihina mweregena efunelo ya Mulugu ninga anamahara a Yesu Kiristu.
12 Mowindala, kamuhiye wihina yothega ethongege egumi yenyu, yuthukulelagani wiwelela dhofuna dhewa.
13 Teto kamudidele opeleka egumi yenyu wa yothega, newene kamulabihedhe mwiili weenyu ninga epano yowerana dhithu dhabure, mbwenye mwiipeleke vamentoni va Mulugu ninga athu evenyihiwe muukwani; wula mpelekaga egumi yenyu wa Mulugu ninga epano yowerana dhithu dhowogowa.*
14 Yothega kinafwanelela wulamulelani woona wi nyu kamuneddihiwa ni nlamulo, mbwenye muneddihihiwa ni opama wohinifwanelela.
15 Kivano nnaawoge ddi? Woona wi kanneddihiwa ni nlamulo, mbwenye nneddihiwa ni opama wohinifwanelela, eyo enatapulela wi nthegege? Mwebaribarene naari!
16 Nyu kamunonne wi mwipeleka mmadani mwa muthu wihina mmwiwelelege, munakala adhaari a muthu yoyo munamwiwelelinyu naarive wa yothega enathukulela okwa, obe wiwelela winathukulela okala owogowa?
17 Mbwenye oothithimihiwa akale Mulugu, naarive kale mugaali adhaari a yothega vano munowiwelela ni muriminyu wamutene dhohudhiha mwakenlinyu.
18 Hee, woona wi muhooboliwa muuthegani, vano nyu muli adhaari wodhela wogowa.
19 Ginawoga ni madhu ookweya wihina monelemo pama; mowindala ninga mpelekilinyu yaano dhenyu ninga adhaari a dhithu dhonyakavala ni dhahiniwanana ni malamulo mwaalupaga malamuloya, mbwenye vano mpeleke yaano dhenyu ninga adhaari wodhela wogowa winuthukuleleni okala oweela.
20 Mwaha mudhidhi mwaalinyu adhaari a yothega nyu kamwalamuleliwa ni wogowa.
21 Mudhidhi yole dhowima baani mwakumihinyu? Dhithu peeno dhinukalihani manyazo. Mwaha omakuthulo wa dhithu ndha fuukwa.
22 Mowindala, vano moboliwinyu muuthegani mukala adhaari a Mulugu, yowima munakumihinyu fuweela teto omakuthulowa si egumi yohimala.
23 Yowakela ya yothega fuukwa, mbwenye nvaho wamahala Mulugu onavahiye, sigumi yohimala wodhela Yesu Kiristu, Nabwiya ehu.
News
Português
17/02/2014
Notícias
Manyawa
Liberado
Manyawa
Pendente
(ID#513700)
Dhopadduwa
^ Obe: “dhapama.”
