ANAMATONYIHEDHA Anamatonyihedha ethomiwe wihina yukavihere. Nnowuloba wi okale owiwanana ni aliwa wawiwelelaga mathonyihedho ewa yuthonyihedhaga vohiya karo, mota, jhinga obe moweddedda, okoya mburo ni muselu dhimodha.

DHORIMELA NI DHODDODDIWA Dhego dhatedhene dhiddoddiwe mwinyaya ahinoniwe, dhiveleliwe mburo winakala dhorimela ni dhoddoddiwa. Akala we ohurimeliwa yego, odhowe waje mburo yola. Ahima ooddoddiwa eveleliwe mburo yola. Wihina eyo yahereye, abaabi enofwanela wawing’anela aniiwa ni ekirati vamodha.

DHOVELELA Wihina musonkano ola okale woriya ni onikavihere onfiyedha Yehova, dhihinongiwa korowa wihina dhegeredhiwe mpaddo dhowakwanela, maradiyu ovuwihana madhu, sinema dhowonela vidiyu ni mabasa mamodha. Dhovelela dhawo ni murima watene dhinere okavihera oliva korowa dhinongiwe ni wakavihera mabasa waapela elabo yatene yavati. Dhinofwanyeya kaxa dhili mburo dhohiyana-hiyana dhilebiwe wihina dhikweyihe werana yovelelawo. Dhovelela dhatedhene dhinnakeliwa pama. Teto we podi werana dhovelela dhawo olabihedhaga site donate.pr418.com. Dhovelela dhatedhene dhinowakeliwa. Nikuru nolamulela nnowutamalelani wodhela okavihera wenyu wa mabasa Omwene.

OBADDIZA Mburo waaliba obaddiziwa onere opwehiwa osogolo wa tiribuna, dhahikalawo muselu dhimodha. Aliba obaddiziwa egirati mburo wewa mwaha wa obaddiza ohunaambele, Sabadu mambesi. Kadda muthu adhegena tuwalya naye ni dhowara dhofwanelela obaddiziwana.

MABASA OWIVELELA Akala we onofuna okavihera mabasa vamusonkanoni, owoge naale enaaholela Mabasa Owivelela.

MBURO Onolobiwa wihina wawubuwelege akwawo. Akala onofuna okoya mburo, nnowubusedha wi wakoyele bahi amudhawo, ale enathanana niwe, ni ale enamuhudhera Bibiliya niwe. Nnowuloba wi onahiye ethu vampaddoni wula ohumukoyele muthu.

WAKAVIHERA AREDDA Nnafuna nuwubusedhe wi epaddi ela yegeredhiwe wihina yakavihere ale enafwanyiwe oredda morurumusa.