Nnowutamalela vanlubale mwaha wojha mudhidhi wilerigi buruxura nna wi waanone pama Anamona a Yehova, mabasa enapariwa ni makalelo eriwa owegeredheya. Nnorumedha wi buruxura nna nihukavihera onona wi nili ale enerana efunelo ya Yehova peeno. Nnowukongomedha odhowagave ohudheraga dha Mulugu, wawaddelege amudhawo ni akwawo ndhe onahudheriwe, nnowukongomedha odidela odhowa mmutugumanoni mwehu dha eekiristawu. — Hebreus 10:23-25.

Wahudheragave dha Yehova onere woona wi oliye anuwudhivela. Vano onere wonelamo wi onofwanelela omudhivela oliye. (1 João 4:8-10, 19) Ki onoonihe addi wi onomudhivela Mulugu labo ni labo? Mwahaya bwaddi sapama wawiwelela malamulo a Mulugu? Enuukavihere ddi witaganyihedha ni iyo wi nerena efunelo ya Mulugu? Namahudhiha awo a Bibliya anere ohagalala wukavihera wi ofwanye dhowakula dha makoho yala enuukavihere we vamodha ni emudhi yawo wi ‘mukalenave odhivela wa Mulugu, wula mujhehaga . . . egumi yohimala’. — Judas 21.

Iyo nnowuloba wi odidele wunnuwela mudila yeebaribari wodhela ohudhera livuru nna . . .