Mwahaya bwaddi athu ala ekala ohagalalene? Aliwa eli va musonkanono ninga adhari a Mulugu akale — yaxagihiwe wi yeregena musonkano miraru kadda yaka — iyo nnojhejhiha musonkano dhehu nuthaba. (Deuteronómio 16:16) Kadda yaka nihikana musonkano miraru: musankano minli dha murudda, musankano mmodha wa malabo mararu. Musonkano ndha dhinanikavihera addi?

Musonkano onolibiha wandana wehu wekiristawu. Amwana Ezarayeli yohagalala yamwibelaga Yehova va “musonkanoni”, ni iyoya nnodhiveliwa otugumana mudhidhi ola wavayekiwa wafiya. (Salmos 26:12, nota; 111:1) Mutugumano ndha dhinonivaha gari yowanona Anamona a Yehova a mulogo dhimodha obe dhilabo dhohiyana-hiyana. Wafiya mudhidhi wowithuwa nnojha vamodha va musonkanoni, wera ndo winonikavihera wandana. (Atos 2:42) Mudhidhi oyo wowithuwa kadda muthu onowona odhivela onanandaniha ni ‘addibilihu a munroromeloni’ a elabo dhohiyana-hiyana. — 1 Pedro 2:17.

Musonkano ononikavihera wunnowelavo epaddi yomuzimuni. Musonkano ndho dhowakavihera Amwana Ezarayeli ‘wonelamo madhu’ a Dholebela. (Neemias 8:8, 12) Ni iyoya nnovaha thima dhoxagiha nnavahiwihu va musonkanoni. Kadda musonkano onokanna musoloya. Wodhela mwaha dhohiyedhana, nnohudhera werana efunelo ya Mulugu mwigumini mwehu. Niwaga dhapadduwele addibila amodha eli owimelene txithi munroromeloni naari efwanyiwaga makathamiho enonlibiha vanlubale. Va musonkanoni wa malabo mararu, darama dha mBibliyani dhinawoniha athu egawanre muwarelo wa kale dhinonihudhiha makalelo Bibliya ariye ebaribari. Musonkano dhatedhene athu enafuna woniha wipeleka wiwa wa Mulugu enobaddiziwa.

• Mwahaya bwaddi musonkano oliwa muddhi wohagalasa?

• Onapurewo ddi wadhowa omusonkanoni?