Mulugu anafuna nikalegewo malabo amatene mwilaboni ya vati mparayizu ni murenddele nuuhagalala!

We podi wikoha: ‘Dhinere wandeya?’ Bibliya annawoga wi Omwene wa Mulugu onere werana ndhodha. Anoowoga wi Mulugu anafuna athu ehudhere dha Omwene ni mpaganyo dhaye. — Salmos 37:11, 29; Isaías 9:7.

Mulugu onoonifunana opama.

Ninga babi di babi anaafuniyena opama anaye, babihu oodhulu anonifunana murenddele wamukalakala. (Isaías 48:17, 18) Mulugu onopaganya wi muthu ‘aneerana efunelo yaye anere okalawo ni mukalakala.’ — 1 João 2:17.

Mulugu anafuna niharege mpido waye.

Bibliya anoowoga wi Mpaddusi ehu anoofuna ‘onihudhiha dila dhaye’ wihina ‘neddege mumpidoni mwaye’. (Isaías 2:2, 3) Oliye ohegeredha ‘nlogo nnithaniwa ni ndina naye.’ — Atos 15:14.

Mulugu anafuna nimwebedhege mowiwanana.

Ohiya wabalalesaga athuya, webedha wotxena wa Yehova onowatugumanya nuudhivela webaribari. (João 13:35) Wapeela elabo yatene, anaahudhiha athu makalelo omulabela Mulugu mowiwanana baani? Nnowuloba wi ofwanye yowakulaya mburuxurani muna.