Obajha kale, eskola dha Omwene dhintelelo dha Anamona a Yehova. Oxagihiwa wa vayekiwa enovahiwa ale enivelela okala anamalaleya omwene a mudhidhi watene, wi ‘elaleye mowakwanela’. — 2 Timóteo 4:5.

Eskola ya mabasa oopiyonero. Omagomo wa yaka yobajha ya mabasa a mudhidhi watene, piyonero anowithaniwa wi adhowe oskola ya malabo matanu nammodha. Yolubaya fumukavihera piyonero olibiha wandana waye ni Yehova, owomihedha makalelwaye atene olaleya ni okala owimmela txithi aaparaga mabasaye.

Eskola ya Anamalaleya Oomwene. Eskola ya mweri minli yegeredhiwe wi yaxagihe apiyonero enna yaka dhowinjhiva dha mabasa enenya ohiya elabo yewa wi yakavihere murudda winahalela anamalaleya. Apiyonero ayo enahara mweddelo wa Namalaleya munlubale aali elabo ya vati, Yesu Kiristu. Enakala ninga kadda piyonero dinawoga egi: ‘Gili vala! Girumeni!’. (Isaías 6:8; João 7:29) Otamela elabo emodha kinakweya, enofuneya okanna egumi yojajala. Makalelo a murudda, mweddelo ni dhoojha podi okala dhohiyana nindhe elemeliwa. Malabo mamodha enohoweleya ohudhera ewogelo emodha. Eskola ela enowakavihera addibila, arogola ni anamatelana eri apiyonero enna yaka 23 ofiyedha 65 okanna dhikalelo dhomuzimuni ni wenjhedhedha enonelo yewa wi elabihedhiwe pamadhene ni Yehova vamodha nnikuru naye.

Eskola ya Bibliya yo Jileyadi ya sanjhala yosugwera. Ni Ebarayiku “Jileyadi” enatapulela “Mbwabwadda wa anamona”. Okuma yaka ya 1943, athu okwaranya 8000 ehudhere eskola yela ehithomiwa okala amisiyonariyu wi evahe onamona ‘ofiyedha winagomela elabo’. (Atos 13:47) Yaka amisiyonariyu efiyiliwa oPeru kuwali mulogo. Ovanene dhihikalawo mulogo dhokwaranya 1000. Yambeliwa olaleya elabo yo Japão, Anamona a Yehova yaliwo kayakwana 10. Peeno ehikalawo Anamona a Yehova owakwana 200 000. Mweri mitanu dhinavira muthu agali oJileyadi makaleloya ohudhera fuutiba Madhu a Mulugu. Apiyonero avayekiwa, amisiyonariyu, addibila enalaba oBeteli obe anameeddela mulogo, podi withaniwa wi yahudhere eskola ela, wi yawaralihe mabasa olaleya elabo yatene.

• Mwahaya bwaddi ekalawo Eskola ya Mabasa Oopiyonero?

• Anithaniwa wi adhowe Eskola ya Anamalaleya Oomwene baani?