Yesu ahiwoga ni anamahara aye egi: ‘Ndo, muhiye wi waara wenyu wamoneyege athu atene, wi yawone mabasa apama munaparinyu ni emuthithimihe Babinyu ali odhulu.’ (Mateus 5:16) Bumwahaya nigalabihedha pama tekonolojiya ela yovanene ni internetiya. Site yehu, jw.org, thi ntxelana nnawoga muselu dha ndhe nnarumedhihu ni mabasa Anamona a Yehova. Onaafwanyemo ddi mu site?

Dhowakula dha makoho a Bibliya aathu owinjhiva enakohesiwa. Onere ofwanyamo dhowakula dha makoho ofuneya. Motajhiha, taratadu ninna musolo Goyi enodha emale?, Ebaribarene anookwa enere ohogoloseliwa okalawo? enofwanyeya mu site ni ewogelo dhowakwana 600. We podi omwileri Tradução do Novo Mundo okwaranya dhiwogelo 130, ni malivu ohiyana-iyana enakavihera omwiwelelamo Bibliya, ninga livuru O Que Nos Ensina a Bíblia? ni marevista maxa a A Sentinela ni Despertai!. Malivuru ala owinjhiva podi wileriwa obe ovuruwaniwa on-line obe okitihiwa ninga MP3, PDF ni EPUB. We podi opida livuru na ewogelo emodha wi onvahe muthu anawoga ewogelo yeyo. Ehikalamo malivuru a vidiyu a ewogelo ya mada wakwana dhiwogelo 20. Onofwanyamo wileriwa wa Bibliya ninga darama, thalako dha mBibliyani, jhibo dhohagalasa dhofwanelela wiwa mudhidhi wowithuwa.

Muselu dhebaribari dha Anamona a Yehova. Dhinoheliwamo muselu dhixa, ni vidiyu dhinawoga mabasihu olaleya elabo yatene, dhinapadduwa ni Anamona a Yehova ni wilibihera wehu wi nikavihere mabasa enapariwa yapadduwa ngovi ndhithu dhimodha elabo yatene. Onere ofwanyamo muselu dha musonkano wa malabo mararu dhinereye, ni muselu dha Ofiliyale.

Ala makalelo ohiya wi waara webaribari wamoneye athu atene ofiyedha winagomela elabo. Athu a elabo dhatene, naari enakala elabo yo Antártida, enokaviheriwa. Nnolobela wi ‘madhu a Yehova emwadheyegeve mowaguva’ elabo yatene wi athithimihiwege Mulugu. — 2 Tessalonicenses 3:1.

▪ Site jw.org enakavihera addi athu owinjhiva onona ebaribari ya mBibliyani?

▪ Onafuna otole ddi mu site mwehu?