Mwa yaka dhowinjhivadhene Anamona a Yehova ehalabihedha, ehapida ni ehagawa a Bibliya oohiyana-iyana. Mbwenye iyo wonelamo wi nomuhowela Bibliya muxa aakavihere athu ofwanya ‘enonelo yeebaribari’, Mulugu anafuna ndo wa athu atene. (1 Timóteo 2:3, 4) Vano yaka ya 1950 iyo obajha omugawa Bibliya Tradução do Novo Mundo mpaddi mmodha, muli ewogelo exa. Bibliya oyo ohutapuleliwa mororomeleya dhiwogelo dhokwaranya 130.

Ohoweleya Bibliya okweya omwiwelelamo. Wavira mudhidhi dhiwogelo dhinosadduwa, a Bibliya amodha enowalabihedha madhu orusa wawonelamo amodha madhu ehinoniwe. Ohiya eyo ehifwanyiwa malivuru a mBibliyani akale ororomeleya elebiwe ni mada enaligana ni malivuru obajha a mBibliyani, yenjhedhedhe enonelo ebarayiku, aramayiko ni egeregu.

Ohoweleya Bibliya anawoga mororomeleya madhu a Mulugu. Ohiya wenjhedhedha obe ovugula madhu a Mulugu, aliba omutapulela Bibliya enohowela ohara pamadhene malivuru olebiwa ni mada akale. Mbwenye, Dholebela dhotaleleya dhowinjhiva kunafwanyamo ndina na Yehova.

Ohoweleya Bibliya anvahege thima Mwinnyaya. (2 Samuel 23:2) Mu Tradução do Novo Mundo ndina na Yehova nihiviriseliwa ofiyedha mburo dhowakwana 7000, mmalivuruni akale a Bibliya, ninga enoonihiwa vatiinvo. (Salmos 83:18) Numala ovediwa ni otibiwa yopurelavoya yaali Bibliya owoma omwileri. Woona wi onawoga mubuwelo wa Mulugu ni onowoneleyamo pamadhene. Podi okanne Bibliya Tradução do Novo Mundo ni owogelo yawo obe ohukanne nnowuloba wi waaje mudhidhi kadda labo wawileri madhu a Mulugu. — Josué 1:8; Salmos 1:2, 3.

• Mwahaya bwaddi ohoweleya Bibliya muxa?

• Anahowela onona ebaribari ya Mulugu onofwanela ere ddi?