Mulugu anafuna wi athu ekanne egumi yohagalala mwilaboni ya vati. Oliye ohupaddusa elabo ya vati ni dhatedhene dhilimo mwaha wi ohukanna odhivela naathu. Vohilegela, oliye onere wavaha athu atene mwilaboni ya vati osogolo wapama. Anere omariha dhithu dhatedhene dhinanitotela goyi.​—Omwileri Jeremias 29:11.

Kawo onamathonga wandile omariha obure, oredda ni okwa. Mbwenye dhihikalawo muthenga dhapama. Vohilegela, Mulugu anere ovenyihavo onamathonga watene waathu vano atikitere onamathonga waye. Athu a Mulugu enere ojhavo murenddele ni egumi yapama.​—Omwileri Isaías 25:8; 33:24; Daniel 2:44.

Goyi enaamale bahi Mulugu aavenyihavo athu abure veelaboni ya vati. (Sofonias 2:3) Dhithu ndha dhinaapadduwe alini? Madhu a Mulugu yahiwoga dhopadduwa ndha dhinaathusa athu ovaneene. Dhopadduwa dhinereya peno dhinotonyihedha wihina uhaddamela mudhidhi wi Mulugu amarihe obure.​—Omwileri 2 Timóteo 3:1-5.

Nihudhere dha Mulugu mBibliyani. Bibliya ali ninga jhangala nnadhela wa babi oodhivela. Ononaddela makalelo okanna egumi ya pama peno ni makalelo okanna egumi yohimala veelaboni ya vati osogolo. Mweebaribarene, athu amodha kinadhiveliwe wuwona okaviheriwaga omunonelamo Bibliya. Mbwenye gari yokalana egumi yapama osogolo kifwanelele oyelela.​—Omwileri Provérbios 29:25; Apocalipse 14:6, 7.