OHUDHERA 6
Njhehedho baani niliwo wodhela anookwa?
1. Muthenga baani dhapama dhiliwo wodhela anookwa?
Yesu agaafiyile Obetaniya, murudda waddamele Ojerusale, anfwannye mukwaye Lazaru agakwile ni egavirile malabo mannayi. Marta ni Mariya, arogoliye Lazaru, yahidhowa omahame wa Lazaru vamodha ni Yesu. Ogavirile mudhidhi vang’ono, athu owinjhiva yahafwanya. Onoowedha wubuwela ohagalala yanna Marta ni Mariya Yesu aganvenyihale Lazaru muukwani?—Omwileri João 11:21-24, 38-44.
Marta ahinona muthenga dhapama wodhela anookwa. Oliye ahinona wihina Jeova anere wavenyiha anookwa wihina ehogolowele okalawo mwilaboni ya vati.—Omwileri Jó 14:14, 15.
2. Empadduwa ddi muthu akwa?
Mulugu ahimwaddela Adawu egi: “We oli nthubi, onthubini onere ohogolowelawo.”—GÉNESIS 3:19..
Athu yubiwe onthubini wa thaya. (Génesis 2:7; 3:19) Iyo kanili muzimu dhinna mwili wemuthu. Iyo nili dhopaddusiwa dhomwilini, bumwahaya nakwa kawo ethu enahala ekalagawove. Nakwa, ogogo wehu onothima; dhowubuwela dhehu, odhivela wehu ni ntxiga nehu dhatedhene dhinothima. Bumwahaya Lazaru agavenyihiwe muukwani kawogile ethu wodhela anookwa, mwahaya anookwa kinubuwela ethu.—Omwileri Salmo 146:4; Eclesiastes 9:5, 6, 10.
Mulugu onowatabusa athu yakwa othukuthani wa motho? Wona wi Bibliya anawoga wi anookwa kinubuwela ethu, thukutha ya motho ohudhiha wowoota onamuruwaniha Mulugu. Yubuwelo ela yowatabusa athu othukuthani wa motho enomutakalela Mulugu.—Omwileri Jeremias 7:31.
3. Anookwa enowoga ni iyo?
Anookwa kinawoga newene kinona. (Salmo 115:17) Mbwenye angero abure binawoga naathu yisinjhedhaga okala ninga athu ekwile. (2 Pedro 2:4) Jeova onokoddiha owooga naathu ekwile.—Omwileri Deuteronómio 18:10, 11.
4. Anaavenyihiwe muukwani baani?
Matxikwi ni matxikwi aathu ekwile enere ovenyihiwa muukwani wihina ekalegewove mwilaboni ya vati. Naari ale yerilena dhithu dhabure ni ekwile ehimunonile Mulugu enere ovenyihiwa muukwani.—Omwileri Lucas 23:43; Atos 24:15.
Aliba ovenyihiwa muukwani enere ohudhera ebaribari ya Mulugu ni enere okanna nroromelo ni Yesu wodhela omwiwelela. (Apocalipse 20:11-13) Ale enaavenyihiwe muukwani ni enerena dhithu dhapama enere ojhavo egumi yamukalakala mwilaboni ya vati. Omwileri João 5:28, 29.
5. Ovenyihiwa waanookwa onanihudhiha ddi wodhela Jeova?
Mulugu ohunivaha njhehedho novenyihiwa muukwani mwaha womuruma Mwanaye onikwela hiyo. Ovenyihiwa wula muukwaani winanihudhiha odhivela ni mahala ohinifwanelela a Jeova. Anookwa yavenyihiwa muukwani, wasakule ogumana naani?—Omwileri João 3:16; Romanos 6:23.
