OHUDHERA 7
Omwene wa Mulugu ddi?
1. Omwene wa Mulugu ddi?
Enamweriha Yesu okala Mwene oofwanelela sivi?—MARCOS 1:40-42.
Omwene wa Mulugu othonga oli odhulu. Onere ovenyihavo omwene dhatedhene, ni efunelo ya Mulugu enerege wereya odhulu vamodha ni elabo ya vati. Omwene wa Mulugu muthenga wa pama. Vohilegela, omwene oyo onere wakwaneliha yofuna yaathu yokanna othonga wapama. Onere wawiwananiha athu atene veelaboni ya vati.—Omwileri Daniel 2:44; Mateus 6:9, 10; 24:14.
Omwene onofuneya okanna mwene. Jeova amusakule mwanaye, Yesu Kiristu, wi akale Mwene Mumweneni Mwaye.—Omwileri Apocalipse 11:15.
2. Mwahaya bwaddi Yesu akala Mwene oofwanelela?
Mwaana a Mulugu ohufwanelela okala Mwene mwaha dapama ni onowakihedha ele eli yapama. (Mateus 11:28-30) Wona wi Yesu anathongege agali odhulu, onere okanna kopolo dhowakaviherana athu mwilaboni ya vati. Yesu agavenyihiwe muukwani, ohudhowa odhulu ojhehaga omononi wojha wa Jeova. (Hebreus 10:12, 13) Vogomihera Mulugu ohunvaha kopolo dhowambelana othonga.—Omwileri Daniel 7:13, 14.
3. Anathonge vamodha ni Yesu baani?
Nikuru nnithaniwa “oweela” binathongege ni Yesu odhulu. (Daniel 7:27) Oweela owambela osakuliwa yaali arumiwi oororomeleya a Yesu. Ofiyedha mwapeno Jeova annana wasakulave alobwana ni ahiyana oororomeleya wihina ekale oweela. Moligana ni Yesu, aliwa enovenyihiwa muukwani ni mwili womuzimuni.—Omwileri João 14:1-3; 1 Coríntios 15:42-44.
Enadhowe odhulu eli athu angasi? Yesu awithanile “nikuru noyevela.” (Lucas 12:32) Omagomihedhowa enere wakwana 144 000. Enerege othonga elabo ya vati vamodha ni Yesu.—Omwileri Apocalipse 14:1.
4. Yesu agambele othonga, epadduwe ddi?
Omwene wa Mulugu wambele othonga yaka ya 1914. * Nibasa nowambela Yesu eriliyena ninga Mwene funvokedha Sathana elabo ya vati vamodha ni ademoniywaye. Sathana ahinyanyuwa ni oroma watota makathamiho veelaboni ya vati. (Apocalipse 12:7-10, 12) Oroma venvo, makathamiho aathu ehinjhiva mowaguva. Dala, koddo, oredda ni oddiginyeya weelabo “yintelelo” enatonyihedha wi vohilegela Omwene onere olamulela elabo ya vati.Omwileri Lucas 21:7, 10, 11, 31.
5. Omwene wa Mulugu onere ddi?
Wodhela mabasa olaleya wapela elabo yatene ya vati, Omwene wa Mulugu onnana wawiwananiha athu nikuru ninddimuwa a malogo aamatene. Matxikwi aathu owiyeviha ennana omwiwelela Yesu. Omwene wa Mulugu onere wabarela athu yala dhithu dha bure dhagujhuliwaga elabo ya vati. Mowindo atene yaale enafuna okaviheriwa ni Omwene wa Mulugu ehudhere othongiwa ni omwiwelela Yesu.—Omwileri Apocalipse 7:9, 14, 16, 17.
Muwari mwa yaka 1000, Omwene wa Mulugu onere wakwaneliha efunelo ya Mulugu anniyena naathu omambelelo. Elabo yatene enere okala parayizu. Omamalelowa, Yesu onere omuhogolosela Babe Omwene. (1 Coríntios 15:24-26) Ohumunona muthu onafuniwe omwaddela dha Omwene wa Mulugu?—Omwileri Salmo 37:10, 11, 29.
^ paragarafu 6 Wafunaga ononave mwaha yovuhulela ya mBibliyani enatonya yaka ya 1914, osugwe epaddi 217-220 ya livuru O Que Nos Ensina a Bíblia?
