OHUDHERA 01

Bibliya anukavihere ni makalelo baani?

ORUMIHE

Atenihu nihikanna makoho enapatha egumi yehu ninga: goyi, okwa ni wodhela osogolo. Dhithu dha kadda labo ninga osapela murala wehu ni okanna murala wohagalasa dhinonthuwa-thuwiha. Athu owinjhiva ehonelamo wi Bibliya onowakula makoho ofuneya a mwigumi. Ohiya eyo, anonivaha dholaga dhapama wihina nikanne egumi yohagalala. Ononamo wi Bibliya podi omukavihera muthu omunonniwe?

1. Makoho anawaakula Bibliya baavi?

Bibliya onowakula makoho ofuneya ninga: Egumi ebanjhe avi? Nipadduseliwe ddi? Athu enoonela ddi goyi? Empadduwa ddi muthu akwa? Naarive athu efunaga murenddele, mwilaboni mudhalele ddi koddo? Enaapadduwe ddi ni elabo ya vati? Kahi yabure okoha ndala. Matxikwi ni matxikwi aathu ehonelamo wi Bibliya onowawakula makoho ala mowoneleyamo.

2. Bibliya anaanikavihere avi ohagalala kadda labo?

Bibliya anovaha dholaga dhapama ni anookavihera murala okanna ohagalala webaribari. Ononikavihera owanana dhithu dhinanthuwathuwiha ni ohagalala ni mabasa nnaparihu. Livuru nna nnere wukavihera onona makalelo Bibliya anahudhihiye wodhela dhithu ndha ni dhithu dhimodha. Wamala woona podi wera onere orumedha wi ‘dholebela dhatedhene obe Bibliya aamutene . . . anookavihera.’ — 2 Timóteo 3:16.

Livuru nna kannanpitha Bibliya. Mbwenye, nnere wukavihera omunona pamadhene Bibliya. Bumwahaya, wilibihere wileri dholebela ndha dhatedhene dhiri mulivuruni muna, teto oliganihe ele anawoga Bibliya ni ele onahudheriwe.

OHUDHERE DHITHU DHIMODHA

Kasugwa makalelo Bibliya anaakaviheriye athu, ethu enukavihere odhiveliwa omwileri Bibliya ni mwahaya bwaddi ekala yapama okanna muthu wi ukavihere omoonelamo Bibliya.

3. Bibliya podi oniholela

Bibliya analigana ni waara. Ni onowoga dhithu dhinapadduwe osogolo.

Omwileri Salmos 119:105, mwamala muthapanyedhe makoho enaharela:

Namaleba a Salmos ola amoonelamo avi Bibliya?
Onamoonelamo addi Bibliya?

4. Bibliya podi wakula makoho ehu

Kasugwa makalelo Bibliya amukaviheriye purusora dhala ofwanya dhowakula dha makoho anniyena muwari mwa yaka dhowinjhivadhene. Osugwe VIDIYU, mwamala muthapanyedhe ponto dhinaharela.

VIDIYU: Kuyelele ejhehedho! (1:48)

Nvidiyuni, makoho baani anna purusora ola?
Omuhudhera Bibliya wimukavihere avi?

Bibliya anonikongomedha ofwanya dhowakula dha makoho ehu. Omwileri Mateus 7:7, mwamala muthapanyedhe nikoho nnaharela:

Makoho baani wafuniwe wi Bibliya awakule?

5. We podi odhiveliwa omuhudhera Bibliya

Athu owinjhiva enodhiveliwa omwileri Bibliya, eyo enothabwa wakavihera vanlubale. Osugwe VIDIYU, mwamala muthapanyedhe nikoho nnaharela:

Omwileri Bibliya (2:05)

Nvidiyuni, mwahaya bwaddi azombwe ale kiyadhiveliwa wileri?
Ki enaathukulela omwileri Bibliya ddi?

Muthenga wa mBibliyani ononivaha ejhehedhelo ni ononlibiha. Omwileri Romanos 15:4, mwamala muthapanyedhe nikoho nnaharela:

Onofunave onona mpaganyo wa mBibliyani wolibiha ni wa ejhehedhelo?

6.Athu amodha podi onikavihera omoonelamo Bibliya

Athu owinjhiva ehonelamo wi sapama okaviheriwa ni athu amodha ohiya omwileri Bibliya yekiwa. Omwileri Atos 8:26-31, mwamala muthapanyedhe nikoho nnaharela:

Nnande addi omoonelamo Bibliya? (Osugwe versu 30, 31.

Mulobwana dhala oWetiyopiya ohowela nikavihero wihina amonelemo Bibliya. Athu owinjhiva peeno enowoonelamo wi sapama okaviheriwa ni muthu mmodha wihina emonelemo Bibliya

ATHU AMODHA ENAWOGA YEGI: ‘Muthu amwilerigi Bibliya anajhavo mudhidhi ebewene.’