OHUDHERA 04
Mulugu baani?
Okuma kale athu enowawebedha a mulugu owinjhiva, a mulugu aalobwana ni aahiyana. Mbwenye Bibliya anamuwoga Mulugu mmodha ‘ali munlubale wapitha amulugu atene.’ (2 Crónicas 2:5) Mulugu yoyo baani? Mwahaya bwaddi adhe akalege munlubale wapitha a mulugu amodha? Mulugu oyo anofuna wihina ohudhere wodhela oliye. Nnafuna noone makalelo ohudhera wodhela Mulugu yoyo yohudhera ela.
1. Ndina na Mulugu baani? Enoniha ddi wi Mulugu anafuna onone ndina naaye?
MBibliyani, Mulugu anowoga ndina naaye. Oliye anowoga egi: ‘Miyo gili Yehova. Nna thi ndina naaga.’ (Omwileri Isaías 42:5, 8.) Yotapulela ya ndina na Mulugu nowi Yehova ni Ebarayiku siila ‘Oliye anoweriha wihina yereye.’ Yehova anofuna wihina athu enone ndina naaye. (Êxodo 3:15) Enanivaha ebaribari ddi wihina Yehova anafuna athu enone ndina naaye? Oliye oheriha wi ndina naaye nlebiwe mBibliyani dila dhokwaranya 7000! a Athu owinjhiva enawoga wi Mulugu ndina naaye di “Mulugu” obe enolabihedha mwithaneliwo ninga “Nabwiya”, “Mpaddusi” ni “Akopolo dhatedhene.” Mbwenye Mulugu eebaribari “oodhulu, ni amwilaboni ela ya vati” anohowela withaniwa ni ndina naaye, Yehova. — Deuteronómio 4:39.
2. Bibliya anawoga ddi wodhela Yehova?
Athu enowawebedha a mulugu owinjhiva, mbwenye Bibliya anawoga wi Yehova dili Mulugu eebaribari. Mwaha wa ddi? Dhihikalawo dhithu dhowinjhiva. Kavo anna owedha ompitha Yehova. Bumwahaya agithaniwa ‘Namadhulu-dhulu a elabo yatene.’ (Omwileri Salmos 83:18.) Oliye da “Kopolo dhatedhene” mwaha ohukanna kopolo dhowerana anafuniye. Oliye ‘ohupaddusa dhithu dhatedhene’ dhili elabo yodhulu ni elabo ya vati. (Apocalipse 4:8, 11) Yehova kanna omabajho ni kanadha akanna omakuthulo. — Salmos 90:2.
OHUDHERE DHITHU DHIMODHA
Ohudhere ohiyana oliwo wodhela mwithaneliwo ni ndina na Mulugu nihinaligana ni ndina nimodha. Teto woone makalelo Yehova anuwaddeliye ndina naaye ni mwahaya bwaddi a gerana yeyo.
3. Mulugu ohukanna mwithaneliwo dhowinjhiva, mbwenye anna ndina nimodha baahi
Vihikala ohiyana wodhela mwithaneliwo ni ndina na muthu? Wihina woone yowakulaya, osugwe VIDIYU, mwamala muthapanyedhe makoho enaharela:
-
Ohiyana baani orivo wodhela ndina ni mwithaneliwo ninga “Nabwiya”?
Bibliya anowoga wi athu enowawebedha a mulugu owinjhiva ni a nabwiya owinjhiva. Omwileri Salmos 136:1-3, mwamala muthapanyedhe nikoho nnaharela:
-
“Mulugu aamulugu” baani, ki “Nabwiya aanabwiya” baani?
4. Yehova anafuna onone ndina naaye ni olabihedhege
Ethu baani enuthukulela orumedha wi Yehova anafuna onone ndina naaye? Osugwe VIDIYU, mwamala muthapanyedhe nikoho nnaharela.
-
Mwahaya bwaddi ogona wi Yehova anafuna wi athu enone ndina naaye?
Yehova anafuna athu elabihedhege ndina naaye. Omwileri Romanos 10:13, mwamala muthapanyedhe makoho enaharela:
-
Mwahaya bwaddi olabihedha ndina na Yehova ekala ethu yofuneya?
-
Muthu ubuwelaga ndina nawo onohagalala?
-
Walabihedhaga ndina na Yehova oliye ononamo avi?
5. Yehova anafuna wandane nuliye
Woone yopadduwa ya muhiyana dhaala oKamboja anithaniwa Soten. Oliye anowoga egi, onona ndina na Mulugu ni yotapulelaya “ethu yapama mwigumini mwa muthu.” Osugwe VIDIYU, mwamala muthapanyedhe makoho enaharela:
-
Egumi ya Soten esadduwe avi nuumala onona ndina na Mulugu?
Wafunaga wandana ni muthu enohoweleya onona ndina naaye. Omwileri Tiago 4:8a, mwamala muthapanyedhe makoho enaharela:
-
Yehova anuvaha konviti baani?
-
Onona ni olabihedha ndina na Mulugu nnukavihera avi wandana nuliye?
ATHU AMODHA ENAWOGA YEGI: “Mulugu ali mmodha. Bumwahaya, podi omwithanaga ni makalelo ononniwe.”
-
Onorumedha wihina Mulugu ndina naaye di Yehova?
-
Mulugu anofuna wihina athu elabihedhege ndina naaye. Wamwaddelemo avi muthu mmodha monelo ola?
OVIRISEDHA
Yehova ndina na Mulugu eebaribari. Oliye anofuna wihina nandane nuliye. Bumwahaya, ethu yofuneya onona ni olabihedha ndina na Yehova.
Ogwaddela
-
Mwahaya bwaddi Yehova ahiyana ni a mulugu atene?
-
Mwahaya bwaddi sofuneya olabihedha ndina na Mulugu?
-
Enuvaha ebaribari ddi wi Yehova anafuna mwandane?
WEGI ONONE DHITHU DHIMODHA
Woone dhithu tanu dhinoniha wi Mulugu ohukalawo.
Woone mwahaya bwaddi sapama orumedha wi Mulugu kanna omabajho.
“Ampadduse Mulugu baani?” (A Sentinela, 1.º a Agosto a 2014)
Kannonne makalelo naromoliwa ndina na Mulugu kale. Naarive dhigari ndo ohudhere mwahaya bwaddi ekala yapama olabihedha ndina naaye.
“Yehova baani ki mwahaya bwaddi ndina naaye nikala nathima?” (Epaddi ya mu site jw.org)
Omwithana Mulugu ni ndina naaye obe ni mwithanelo waye emodhave? Sugwa mwahaya bwaddi nigawoga wi Mulugu anna ndina nimodha baahi.
a Wafunagave onona yotapulela ya ndina na Mulugu, ni ethu yathukulele athu amodha okumihamo ndina nna mBibliyani, omusugwe Apendisi A4 a Tradução do Novo Mundo da Bíblia Sagrada.
