OHUDHERA 07

Omunone pama Yehova

ORUMIHE

Omunone pama Yehova

Monelo wawo Yehova dowi ddi? Onamonamo ninga muthu akopolo, mbwenye athambwe wulapela ninga thendderi dhili odhulu? Obe ononamo wi kahiyo muthu, mbwenye analigana ni kopolo dha elabo ninga dari? Yehova baani? Bibliya anowoga dhikalelo dha Mulugu teto anowoga wi oliye anowupwatha.

1. Mwahaya bwaddi kannanda omoona Mulugu?

Bibliya va João 4:24 onihina: ‘Mulugu muzimu.’ Yehova kanna nyama ni makuva ninga iyo. Oliye muzimu onakala odhulu mburo nahinandihu omoona.

2. Yehova anna dhikalelo baani?

Ebaribari wi kannanda omoona Yehova. Mbwenye nahudhera wodhela oliye nnere woona wihina ohukalawo ni ohukanna dhikalelo dhapama. Bibliya onihina ‘Yehova anodhiveliwa opama ni kadha aasukuma ale enamuroromela.’ (Salmos 37:28) Teto oliye ‘da nthebwa ni da thagaraga,’ obe oliye onowaweddela thagaraga athu, thabwa-thabwa ale enona goyi. (Tiago 5:11) ‘Yehova onowawaddamela ale enna murima woohoseya, teto onowavulusa ale egwerebeyile.’ (Salmos 34:18, nota) Wahinona wi dhowera dhehu dhinomuhagala obe dhinomukuula Yehova? Ni makalelo baani? Muthu eragana dhithu dhabure Yehova anosimwela ni anowukuwa. (Salmos 78:40, 41) Vano muthu eragana dhithu dhapama Yehova anohagalala. — Omwileri Provérbios 27:11.

3. Yehova anoniha addi wi anonidhivela?

Ekalelo yunlubale ya Yehova fudhivela. Mwebaribarene Bibliya anihina ‘Mulugu odhivela.’ (1 João 4:8) Iyo kannoona odhivela wa Yehova namwilerigi Bibliya baahi, mbwenye nnowona odhivela waye ndhithu apaddusiliye. (Omwileri Atos 14:17.) Motajhiha, kasugwa makalelo anipaddusiliye. Ohunivaha ekalelo yowona kore dhowoma, ovuruwana jhibo dhapama ni woona oodhiva najhaga. Oliye anafuna wi nihagalalege.

OHUDHERE DHITHU DHIMODHA

Woone dhithu Yehova analabihedhiye wihina erena dhithu dhotikiniha. Teto, wone makalelo Yehova anonihiye dhikalelo dhaye.

4. Muzimu wotxena kopolo dha Mulugu

Iyo nnaapara mabasa ni mada. Ki Yehova? Analabihedha ddi? Analabihedha Muzimu waye wotxena. Athu amodha enubuwela wi muzimu wotxena muthu, mbwenye Bibliya anihina muzimu wotxena kopolo Mulugu analabihedhiye wihina aaparena mabasa anafuniye. Omwileri Lucas 11:13 ni Atos 2:17, mwamala muthapanyedhe ponto dhinaharela:

Nnowona wi iyo podi oloba muzimu wotxena, Mulugu anere onivaha. Ki vano, ononamo wi muzimu wa Mulugu muthu obe kopolo dha Mulugu? Mwaha wa ddi?

Yehova onolabihedha muzimu waye wotxena wihina erena dhithu dhotikiniha. Omwileri Salmos 33:6 ni 2 Pedro 1:20, 21, mwamala muthapanyedhe ponto enaharela:

Nimakalelo baani Yehova alabihedhiye muzimu waye wotxena?

5. Yehova ohukanna dhikalelo dhapama

Moses ali mudhaari ororomeleya a Mulugu. Naari dhigari ndo, oofuna onona wodhela Mpaddusi. Bumwahaya Moses adhe awogege ni Yehova egi: ‘Gaaddeleni dila dhenyu, wihina miyo gunoneni.’ (Êxodo 33:13) Vano Yehova omwaddela Moses dhikalelo dhaye. Omwileri Êxodo 34:4-6, mwamala muthapanyedhe ponto dhinaharela:

Dhikalelo dha Yehova ahudhere Moses sivi?
Ekalelo baani ya Yehova enathabwa wudhivela?

6. Yehova onowapwatha athu

Kale akudda Eberewu yaali nlogo na Mulugu vano okala adhaari a elabo yo Wijipitu. Yehova akala avi oonaga nlogo naaye noonaga goyi? Onvuruwane AWUDIYU ni omuharihege, obe omwileri Êxodo 3:1-10. Mwamala, muthapanyedhe ponto dhinaharela:

AWUDIYU: Yehova ahoona goyi yewa (2:45)

Yehova anakala avi awoona athu yonaga goyi? (Osugwe versu 7 ni 8.)
Ononamo wi Yehova onofuna wakavihera athu? Ononamo wi oliye ohukanna kopolo dhowakaviherana? Mwaha wa ddi?