OHUDHERA 13
Gereja dhowoota dhinaalapeliha aavi athu ni Mulugu?
Akala Mulugu odhivela, mwahaya bwaddi gereja dhinihina dhinomulabela Mulugu dhigerana dhithu dhabure? Mwebaribarene gereja ndha sowota, dhinomwinkedha Mulugu. Gereja dhowoota dhinaalapeliha aavi athu ni Mulugu? Ki oliye anonamo aavi? Ethu baani aneriyena osogolo?
1. Gereja dhowoota dhinaalapeliha aavi athu ni Mulugu wodhela dhithu dhinahudhihiwa?
Gereja dhowoota ‘dhihisaddula ebaribari ya Mulugu ni dhohudhiha dhowoota.’ (Romanos 1:25) Motajhiha, gereja dhowinjhiva kadhinahudhiha ndina na Mulugu. Mbwenye Bibliya onihina sofuneya olabihedha ndina naaye. (Romanos 10:13, 14) Yapadduwa ethu yabure, apadiri, pastori ni anamasogolela gereja amodha enihina: “Ela efunelo ya Mulugu.” Mbwenye eyo kahi ebaribari. Mulugu kaneerana dhithu dhabure. (Omwileri Tiago 1:13.) Mowukuliha dhowoota ndha dhinowalapeliha athu ni Mulugu.
2. Gereja dhowoota dhinaalapeliha aavi athu ni Mulugu wodhela ndhe dhineriwana?
Bibliya onihina dhothega dha gereja dhowoota ‘dhihugelana ofiyedha odhulu.’ (Apocalipse 18:5) Muwari mwa yaka dhowinjhivadhene, gereja dhinowivolosiha mpulitikani ni dhinokavihera koddo. Ohiya eyo, dhihitota ni dhihirumedha wihina matxikwi ni matxikwi aathu epiwe. Anamaholela gereja amodha enowugela dhorela ejheehaga wihina makiristawu ewa elive. Anamaholela gereja kinasamalela athu ninga Yehova anasamaleliye. Aliwa enihina erumiwe ni Mulugu mbwenye dhowera dhewa dhinowoniha wihina eyo kahi ebaribari. Aliwa newene kimunonne Mulugu. — Omwileri 1 João 4:8.
3. Mulugu anonamo aavi gereja dhowoota?
Akala dhowera dha gereja dhowoota dhinowutakalela, ki Yehova? Anamaholela gereja enowaalapeliha athu ni Mulugu ni kinasamalela anamahara ewa. Yehova onowadhivela athu ni onotakaleliwa ndhe enerana anamasogolela gereja. Yehova onopaganya wihina mohulegela anere ogujhula gereja dhowoota ni ‘kadhidha dhikalawo.’ — Apocalipse 18:8, 21.
OHUDHERE DHITHU DHIMODHA
Yohudhera ela nnere woona (1) dhithu Mulugu anubuweliye wodhela gereja dhowoota, (2) dhithu dhabure gereja dhowoota dheriliwana ni (1) mwahaya bwaddi kunahowela ohiya ohudhera wodhela Yehova mwaha wa dhithu dhinerana gereja.
4. Mulugu kanarumedha gereja dhatedhene
Athu owinjhiva enubuwele wi gereja dila dhohiyana dhinanthukulela wa Mulugu. Eyo ebaribari? Mmwileri Mateus 7:13, 14, mwamala muthapanyedhe nikoho nnaharela:
-
Bibliya anawoga ddi wodhela dila enathukulela egumi?
Musugwe VIDIYU. Mwamala muthapanyedhe ponto dhinaharela.
-
Bibliya onihina gereja dhatedhene dhinomuhagalasa Mulugu?
5. Gereja dhowoota kadhinoniha odhivela wa Mulugu
Gereja dhowoota dhinowalapeliha athu ni Mulugu mwa makalelo ohiyana-iyana. Makalelo manlubaleya eneriwana fukavihera koddo. Kabe noone yotajhiha. Musugwe VIDIYU, mwamala muthapanyedhe makoho enaharela.
-
Gereja dhowinjhiva dherilena ddi mudhidhi wa Koddo Yanabili ya Elabo Yatene?
-
Ononamo aavi yeriliwana?
Mmwileri João 13:34, 35 ni 17:16. mwamala muthapanyedhe makoho enaharela:
-
Yehova onakala aavi gereja dhivolosihaga mukoddoni?
-
Gereja dhowoota dhinnathabwa otota dhithu dhowinjhiva dhabure. Dhithu baani woniliwe dhinoniha wi gereja dhowoota kadhinoniha odhivela wa Mulugu?
Gereja dhowoota kadhinoniha odhivela wa Mulugu
6. Mulugu anafuna avenyihemo athu eli mu gereja dhowoota
Mmwileri Apocalipse 18:4, a mwamala muthapanyedhe nikoho nnaharela:
-
Gereja dhowoota dhinowaleketha athu. Mwaha wonona wihina Mulugu anofuna wakavihera athu eri mu gereja dhowoota ononamo aavi?
7. Odidele ohudhera wodhela Mulugu eebaribari
Onere ohiya dhithu dhabure dhinerana gereja dhowoota dhulapelihe ni Mulugu? Omubuwele mwaana ahiniwelela dholaga dhapama dha ababe. Mwaana ole ovenyavo vaade obajha werana dhithu dhabure. Babe kanarumedha dhithu dhinerana mwanaye. Yere okala yapama omuwoga obure babe mwaha wa dila athukule mwanaye?
-
Yere okala yapama omuwoga obure Yehova ni ohiya ohudhera wodhela oliye mwaha wa dhithu dhinerana gereja?
ATHU AMODHA ENAWOGA YEGI: “Kaginafuna wivolosiha mugereja, dhinatota makathamiho baahi.”
-
Moonelo wawo eyo ebaribari?
-
Mwahaya bwaddi dhithu dhabure dhinerana gereja kadhinahowela wulapeliha ni Yehova?
OVIRISEDHA
Gereja dhowoota dhinowalapeliha athu ni Mulugu. Dhinerana eyo wodhela ohudhiha ni werana dhithu dhabure. Mulugu anere ogujhula gereja dhowoota.
Ogwaddela
-
Ononamo aavi wodhela ndhe dhinerana ni dhinahudhiha gereja dhowoota?
-
Mulugu anonamo aavi gereja dhowoota?
-
Mulugu anerele ddi gereja dhowoota?
WEGI ONONE DHITHU DHIMODHA
Woone makalelo menli enoniha wihina gereja dhowoota kadhinerana efunelo ya Mulugu.
“Gereja dhatedhene dhinoligana? Dhatedhene dhinathukulela wa Mulugu?” (Epaddi ya mu jw.org)
Mwahaya bwaddi Yehova agafuna wihina nimwebedhege vamodha ni athu amodha?
“Enohoweleya okala epaddi ya gereja yowegeredheya?” (Epaddi ya mu jw.org)
Kasugwa yopadduwa ya padiri dhala abanjhe wanganyedha gereja yaye. Naari dhigarive ndo oliye kaaselele oveda ebaribari wodhela Mulugu.
“Mwahaya bwaddi padiri adhe ahiye gerejaye?” (Despertai!, a Fevereiro a 2015)
Muwari mwa yakadhene athu enomotedha Mulugu. Bumwahaya athu owinjhiva enubuwela wi Mulugu kananipwatha ni dabure. Ohudhere ebaribari wodhela dhowoota ndha tharu.
“Dhowoota dhinaalapeliha athu ni Mulugu” (A Sentinela, a 1.º a Novembro a 2013)
a Wihina woone mwahaya bwaddi Bibliya agaliganiha gereja dhowoota ni muhiyana anithaniwa Babiloniya munddimuwa, osugwe Wonelamo 1.
