Ninga nonilihu ohudhera ovirile, Mulugu kanarumedha gereja dhatedhene. Mbwenye iyo podi omwebedha mpaddusi ehu mwamakalelo apama. “Makalelo apama owebedha [obe, gereja]” oliye anarumeedhiye baavi? (Tiago 1:27, nota) Kabe noone Bibliya anahudhihiye.

1. Webedha wehu, widheelege wuuvi?

Webedha wehu widheelege mBibliyani. Yesu ohuwoga ni Mulugu egi: ‘Madhu enyu bebaribari.’ (João 17:17) Ohiya ohara ndhe Madhu a Mulugu enawogiwa, gereja dhowinjhiva dhinavaha thima dhilemelelo ni dhohudhiha dhaathu. Mbwenye Yehova kanaarumedha ale ‘enasukuma malamulo’ aye. (Omwileri Marcos 7:9.) Niwelelaga ele Bibliya anawogiye nnohagalasa murima wa Yehova.

2. Nimwebedhege aavi Yehova?

Nimwebedhege Yehova baahi mwaha oliye Mpaddusi. (Apocalipse 4:11) Bumwahaya kanilabihedhege dhikwamuthu obe oweela, mwaha odhivela wehu ni webedha wehu fwa Yehova baahi. — Omwileri Isaías 42:8.

Webedha wehu wikale ‘woweela ni onarumedha’ Yehova. (Romanos 12:1) Eyo enatapulela wiwelela malamulo aye. Motajhiha, athu enamwiwelela Yehova enowiwelela malamulo aye wodhela matelo. Teto kinamujha soola, kinajha murombwe dhoviriganiha ogogo ni kinalezela. a

3. Mwahaya bwaddi nigahowela omwebedha Yehova vamodha ni athu amodha?

Yehova anafuna ndhowege omutugumanoni mwaha anonidhivela ni ohunona wihina eyo enere onihagalasa malabo amatene. Natugumanaga vamodha ni athu amodha podi onvuwiha ni omwebedha Yehova. Makalelo owerana eyo fumwibela jhibo Yehova. (Omwileri Salmos 104:33.) Jhibo dhinonivaha ofuru ‘wonvuwiha Yehova . . . mmulogoni.’ (Salmos 111:1, 2) Ohiya eyo nadhowa omutugumanoni nnolibihana mmodha ni mukwaye.

 OHUDHERE DHITHU DHIMODHA

4. Kanilabihedhege dhikwamuthu namwebedhaga Mulugu

5. Omwebedha Yehova baahi winonibarela wodhela dhohudhiha dhowoota

 6. Nnomwebedha Mulugu mmutugumanoni mwehu

Nnonvuwiha Yehova ni nnowalibiha amodha naakulaga omutugumanoni. Mmwileri Salmos 22:22, mwamala muthapanyedhe makoho enaharela:

• Onodhiveliwa ovuruwana dhowakula omutugumanoni?

• Onofuna wiwegeredha wihina waakule omutugumanoni?

7. Yehova onohagalala nawaddelaga athu amodha ndhe nihudherihu

Podi wawaddela ebaribari ya mBibliyani athu mwamakalelo ohiyana-iyana. Mmwileri Salmos 9:1 ni 34:1, mwamala muthapanyedhe nikoho nnaharela:

• Wohudhera dhithu dhowinjhiva dha mBibliyani. Dhithu baani onafuniwe wawaddela athu amodha?

 OVIRISEDHA

Nnomuhagalasa mpaddusi ehu namwebedhaga oliye baahi, nanvuwihaga mmutugumanoni ni nawaddelaga athu amodha ndhe nihudherihu.

Ogwaddela

• Nnahudhere aavi omwebedha Mulugu mwamakalelo anafuniye?

• Mwahaya bwaddi egahoweleya omwebedha Yehova baahi?

• Mwahaya bwaddi egahoweleya omwebedha Yehova vamodha naathu amodha enafuna werana efunelo yaye?