OHUDHERA 25
Mulugu anipaddusele ddi?
Bibliya onihina egumi yaathu ‘kinalegela ni ehidhala makathamiho.’ (Jó 14:1) Mulugu afuna wi egumihu ekalege ndala? Yofuna ya Mulugu aapaddusaga athu yaali evi? Nnere ofiya labo yofuna eyo yakwanele? Onere ohagalala onona dhowakula dha mBibliyani.
1. Egumi annifunana Yehova siivi?
Yehova anonifunana egumi yapama. Nuupaddusa elabo yavati Mulugu ompaddusa Adawu ni Eva ompweha mparayizu, mundda wo Ideni. Nuwindo “Mulugu wareeliha egihina: ‘Mwaabale ahima mwinjhivane, mudhale elabo yatene yavati.’” (Génesis 1:28) Yehova afuna yayarege ahima, esaddule elabo wihina ekale parayizu ni yasugwerege anenyama. Efunelo ya Mulugu yaari yowi athu ekanne egumi yapama malabo amatene.
Ebaribari dhithu kadhipadduwe ninga Mulugu mwafuneliye, a mbwenye efunelo yaye kisadduwe. (Isaías 46:10, 11) Mulugu onofuna wi athu owiwelela ekalewo malabo amatene ni wi ekanne egumi yologomana. — Omwileri Apocalipse 21:3, 4.
2. Nnande aavi okanna egumi yohagalasa ovanene?
Yehova onipadduse ni ‘dala yomuzimuni,’ obe ni efunelo yomunona ni omwebedha oliye. (Omwileri Mateus 5:3-6) Oliye anafuna nikanne wandana woliba nuliye, ‘neddaga mudila mwaaye nimudhivelaga’ ni nimwebedhaga oliye ‘nimurima waatene.’ (Deuteronómio 10:12; Salmos 25:14) Nerana yeyo enere okanna ohagalala webaribari naarive nifwanyiwaga makathamiho. Naamulabelaga Yehova egumihu enokanna osogolo.
OHUDHERE DHITHU DHIMODHA
Ohudhere wodhela odhivela winlubale Yehova onniyena ononihiye mudhidhi apaddusaga elabo yavati wihina nikalegemo. Teto woone dhithu Bibliya anahudhihiye wodhela egumi yehu.
3. Yehova anafuna athu ekanne egumi yohagalasa
Musugwe VIDIYU, mwamala muthapanyedhe makoho enaharela.
-
Mulugu apaddusele ddi elabo yavati?
Mmwileri Eclesiastes 3:11, mwamala muthapanyedhe nikoho nnaharela:
-
Ohudhere ddi wodhela Yehova va yolebela ela?
4. Efunelo ya Yehova wodhela iyo kisadduwe
Mmwileri Salmos 37:11, 29 ni Isaías 55:11, mwamala muthapanyedhe nikoho nnaharela:
-
Nnone aavi wi efunelo ya Yehova kisadduwe?
Nyumba ehinasamaleliwa podi wegeredhiwa. Nimakalelo mamodhave, athu kinasamalela elabo yavati, mbwenye Mulugu anere wegeredha elabo ela wihina ale enamudhivela ekalegemo
5. Omwebedha Yehova winonivaha egumi yapama
Onona mwahaya bwaddi ndhe nipaddusiwege winonihagalasa. Musugwe VIDIYU, Mwamala muthapanyedhe nikoho nnaharela.
-
Egumi ya Terumi esadduwe aavi nuuhudhera mwahaya bwaddi ndhe nipaddusiwege?
Mmwileri Eclesiastes 12:13, mwamala muthapanyedhe nikoho nnaharela:
-
Woona wi Yehova ohunerela dhithu dhowinjhiva, ethu baani nnahowelihu werana?
MUTHU AKOHA EGI: “Mwahaya bwaddi ndhe nipaddusiwege?”
-
Waamwakule aavi?
OVIRISEDHA
Yehova anafuna nikalelegewo malabo amatene ni nikanne egumi yologomana. Naamulabelaga Yehova nimurima waatene, nnohagalala peeno ni osogolo.
Ogwaddela
-
Yehova anfunana ddi Adawu ni Eva?
-
Nnonne aavi wi efunelo ya Mulugu wodhela athu kisadduwe?
-
Egumawo enakanne osogolo wapama ni makalelo baani?
WEGI ONONE DHITHU DHIMODHA
Woone dhithu dhinoniha wi mundda wo Ideni wahikalawo mwebaribarene.
“Mundda wo Ideni — thalako obe wahikalawo?” (A Sentinela, 1 a Janeiro, a 2011)
Woone mwahaya bwaddi nihanganyedhaga wi elabo yavati enere okalawo malabo amatene.
Woone Bibliya anawogiye wodhela egumi yehu.
John ubuwela wi ohukanna dhithu dhatedhene ahoweliye mwigumini mwaaye. Woone makalelo oliye onenliyemo wi dhikala dhithu dhinamuhalela.
a Yohudhera enaharela nnere woona enongeye.
