OHUDHERA 27
Okwa wa Yesu onuvuluse ni makalelo baani?
Mwaha wa Adawu ni Eva ohumwiwelela Mulugu, nnowona goyi ni nnokwa. a Mbwenye nihikanna ejhehedhelo. Yehova ohumuruma mwanaye Yesu Kiristu wihina anivuluse muuthegani ni muukwani. Bibliya anoohudhiha wihina okwa wa Yesu ohuliva yowobola. Yowobola, muthengo onaliviwana ethu. Muthengo apelekile Yesu sigumi yaye yologomana. (Omwileri Mateus 20:28.) Yesu ohuleva ofuru anniyena wokala mwilaboni ni mukala-kala. Ndo, oliye ofugula dila wihina naakele dhithu ayelele adawu ni Eva. Okwa wa Yesu winowoniha makalelo oliye vamodha ni Yehova enandhiveliwa. Yohudhera ela enere wukavihera wenjhedhedha otamalela mukutho wa Yesu.
1. Okwa wa Yesu onanikavihere avi peeno?
Iyo niri athu othega, bumwahaya nigerana dhithu dhinamukula Yehova. Mbwenye, mwaha wa mukutho wa Yesu iyo podi oleveleliwa dhothega dhehu. Negi nileveleliwe enohoweleya othwaruwa, omuloba nikurumuwelo ni wilibihera wihina nahimorelege yothega emodhave. Nerana ndo, nnere okanna wandana wapama ni Yehova. (1 João 2:1) Bibliya annawoga egihina: ‘Mwaha wi Kiristu ohukwa dila emodha baahi wi oobole dhothega dhehu nimukala-kala, muthu mmodha owogowa, wodhela ohogowa, ohuudhanani wa Mulugu.’ — 1 Pedro 3:18.
2. Okwa wa Yesu onanikavihere avi osogolo?
Yehova ohumuruma mwanaye wihina apeleke egumaye yologomana ‘wi athu aatene enaamuroromele yahitolosiwe, mbwenye ekanne egumi yohimala.’ (João 3:16) Mwaha wa mukutho wa Yesu, Yehova ammamariha dhithu dhatedhene dhabure dhinereya mwaha ohiwelela wa Adawu. Eyo enatapulela wihina naroromelaga mukuthu wa Yesu, nnere okanna ofuru wokala malabo amatene mParayizu mwilaboni yavati!— Isaías 65:21-23.
OHUDHERE DHITHU DHIMODHA
Wonelemo mwahaya bwaddi Yesu adhe anikwelege, ni makalelo okwa waye onukaviheriwa.
3. Mukutho wa Yesu ononobola muuthegani ni muukwani
Musugwe VIDIYU, mwamala muthapanyedhe nikoho nnaharela.
-
Ofuru baani ayelele Adawu mwaha wohimwiwelela Mulugu?
Mmwileri Romanos 5:12, mwamala muthapanyedhe nikoho nnaharela:
-
Yothega ya Adawu enapatha egumi yawo nimakalelo baani?
Mmwileri João 3:16, mwamala muthapanyedhe nikoho nnaharela:
-
Yehova amurumele ddi Yesu mwilaboni yavati?
-
Adawu aari muthu ologomana, mbwenye mwaha ohiwelela, atene iyo nihithega ni nnokwa
-
Yesu aari muthu ologomana, mwaha okala owiwelela, athu atene podi okala ologomana ni okalawo malabo amatene
4. Okwa wa Yesu winowakavihera athu atene
Musugwe VIDIYU, mwamala muthapanyedhe nikoho nnaharela.
-
Dhinandeya avi okwa wa muthu mmodha wakavihera athu atene?
Mmwileri 1 Timóteo 2:5, 6, mwamala muthapanyedhe nikoho nnaharela:
-
Adawu aari muthu ologomana, mbwenye mwaha wa yothega yaye athu atene ehikanna yothega ni enookwa. Yesu aari muthu ologomana. Mwamakalelo baani ariye “yowobola yowakwanela” yaathu atene?
5. Yowobola nvaho Yehova anivahiliye
Athu yandanne ni Yehova, enoona yowobola ninga nvaho munlubale. Motajhiha, mmwileri Gálatas 2:20, mwamala muthapanyedhe nikoho nnaharela:
-
Murumiwi Pawulo oniha avi wihina yowobola mukono anvahile Yehova?
Adawu nuuthega, wigulihedha okwa vamodha naathu atene. Vano Yehova wuvaha egumi yamwanaye wihina okanne ofuru wokalawo malabo amatene.
Mwebaribarene Yehova ahukuuwa vanlubale numoona mwanaye oonaga goyi. Mmwileri João 19:1-7, 16-18, mwamala muthapanyedhe nikoho nnaharela:
-
Wubuwelaga dhuwerele Yehova ni mwanaye, ononamo avi?
MUTHU AKOHA EGI: “Dhinandeya aavi muthu mmodha waakwela athu atene?”
-
Waamwakule avi?
OVIRISEDHA
Yehova podi onilevelela dhothega dhehu mwaha wa okwa wa Yesu. Okwa wa Yesu winonivaha gari yokalawo malabo amatene.
Ogwaddela
-
Yesu akwele ddi?
-
Dhinandeya avi egumi yologomana ya Yesu okala yowobola yowakwana ya athu atene?
-
Okwa wa Yesu onuukavihere avi?
WEGI ONONE DHITHU DHIMODHA
Woone mwahaya bwaddi egumi yologomana ya Yesu egithaniwa yowobola.
“Makalelo baani mukutho wa Yesu oriwa ‘yowobola yaathu owaadda’?” (Epaddi ya mu jw.org)
Woone ethu enahoweleya werana wihina nivulusiwe.
“Madhu owi ‘Yesu ovulusa’ enatapulela ddi?” (Epaddi ya mu jw.org)
Yehova anolevelela yothega yinlubale?
“Wakuliwa wa Makoho a mBibliyani” (A Sentinela, 1.º a Maio a 2013)
Woone makalelo ohudhera wodhela mukutho wa Kiristu wimukaviheriwa mulobwana dhaala osaddula ekalelo yaye.
a Yothega kahi yoviriganihave anerana muthu mmodhaya. Ni enagiwana ekalelo ninnihuna yowerana ethu yabure mwaha wa obaliwa ni Adawu ni Eva.
