OHUDHERA 29

Muthu akwa enapadduwa ddi?

ORUMIHE

Ohukweliwa muthu onamudhiveliwe? Mudhidhi yoyo we podi wikoha wegi: ‘Muthu akwa enapadduwa ddi? Eyo enatapulela wi kanidha nawoona athu nnadhivelihu?’ Yohudhera ela ni enaharela, nnere woona wi dhowakula dha mBibliyani solibiha.

1. Muthu akwa enapadduwa ddi?

Yesu aliganihe okwa nnikove. Muthu agonelavo kanoona dhithu dhinapadduwa mmanbalo mwaaye. Okwa onaligana aavi nnikove? Muthu akwa, kanoona ethu. Kanoona widdela newene kanona wi ari yeeka, podive akala owadhivela akwaye namudhaye. Bibliya onihina ‘anookwa kinonne ethu.’ — Omwileri Eclesiastes 9:5.

2. Onona ebaribari wodhela anookwa winanikavihera aavi?

Athu owinjhiva enowoova okwa — ni enowawoova anookwa! Dhithu Bibliya ananihudhihiye wodhela okwa dhinonikavihera. Yesu ohuwoga egi: ‘Ebaribari enere wuwobolani.’ (João 8:32) Gereja dhimodha dhinihina muthu ohukanna muneba onakalawove muthu akwa, mbwenye Bibliya kanahudhiha ndo. Muthu akwa kanoona goyi. Woona wi anookwa kinoona dhithu dhinereya, aliwa kinanoniha goyi. Bumwahaya kinahoweleya wapiyela makanga anookwa, walobelela newene ohiddiha vela.

Athu amodha enihina enowandeya othapanya nanookwa. Mbwenye eyo kahi ebaribari. Ninga nonilihu, ‘anookwa kinonne ethu.’ Muthu awoga egi gihithapanya ni mukwaga obe mmudhaga akwile, athapanye ni ademoniyu enisinjhedha okala anookwa. Bumwahaya onona ebaribari wodhela anookwa winonibarela ohuthapanya nademoniyu. Yehova anowoga wi kanixixe othapanya naanokwa mwaha ohunona wi wivolosiha ni ademoniyu ethu yowoopiha.— Omwileri Deuteronómio 18:10-12.

OHUDHERE DHITHU DHIMODHA

Onone dhithu dhimodha dhinapadduwa muthu akwa. Teto onere ohudhera wi Yehova Mulugu oodhivela kadha amoniha goyi muthu akwa. Onona muselu oyo onere wukavihera omuroromelagave Mulugu ehu Yehova.

3. Ohudhere ebaribari wodhela anookwa

Wapela elabo yatene, athu ehikanna moonelo wohiyana-hiyana wodhela ethu enapadduwa muthu akwa. Ebaribari wi moonelo ndha kahi dhebaribari.

Athu amurudda wawo, muthu akwa enihina enampadduwela ddi?

Wegi woone anahudhiha Bibliya, Musugwe VIDIYU.

VIDIYU: Empadduwa ddi nakwa? — Epaddi (1:19)

Mmwileri Eclesiastes 3:20, mwamala muthapanyedhe makoho enaharela:

Mowiwanana ni versu ndha, empadduwa ddi nakwa?
Muthu akwa ehikalawo epaddi enakalawove?

Bibliya anowoga wodhela okwa wa Lazaru, mukwaye Yesu. Mmwileri João 11:11-14, moone ethu Yesu awogiliye yampadduwele Lazaru. Mwamala muthapanyedhe makoho enaharela:

Yesu aliganihe okwa ni ddi?
Oliganiha wula winanihudhiha ddi wodhela muthu akwa?
Onoonamo wi enawoga Bibliya enowoneleyamo?

4. Onona ebaribari wodhela anookwa winonikavihera

Onona ebaribari wodhela okwa winonikavihera ohuwova anookwa. Mmwileri Eclesiastes 9:10, mwamala muthapanyedhe nikoho nnaharela:

Anookwa podi onerela ethu yabure?

Athu amodha enubuwela wi enohoweleya wakuthela mukutho anookwa wihina yaarihe, ninga olobela ni ohiddiha vela. Ohudhera ebaribari ya mBibliyani winonikavihera oherana dhithu ndha. Mmwileri Isaías 8:19 ni Apocalipse 4:11, mwamala muthapanyedhe nikoho nnaharela:

Mubuwelo wawo, Yehova anakala aavi muthu aalobelelaga obe aalobaga nikavihero anookwa?

Ebaribari wodhela anookwa winonibarela wodhela dhilemelelo dhinamukula Yehova

5. Sohagalasa onona ebaribari wodhela anookwa

Athu owinjhiva ehihudhera wi yakwa, enere woona goyi mwaha wa dhithu dhabure yeriliwana. Sapama onona wi muthu akwa kanoona goyi — vamodha naale yerilena dhithu dhabure. Mmwileri Romanos 6:7, mwamala muthapanyedhe nikoho nnaharela:

Bibliya onihina muthu akwa dhothega dhaye dhihithimihiwa, obe, vamentoni va Mulugu ohuliva dhothega dhaye. Vano monelo wawo muthu akwile anere otabusiwa mwaha wa dhothega dhaye?

Nahudheragave wodhela Yehova nnere woona wi oliye kadha ahiya athu ekwile yoonaga goyi. Mmwileri Deuteronómio 32:4 ni 1 João 4:8, mwamala muthapanyedhe makoho enaharela:

Ninga nilerihu versu ndha, Mulugu anna dhikalelo ndha enowandeya wawonihaga goyi athu ekwile?
Onohagalala onona ebaribari wodhela anookwa? Mwahaya bwaddi?

ATHU AMODHA ENAWOGA YEGI: “Miyo ginowoova dhithu dhinagipadduwele gakwa.”