OHUDHERA 32
Omwene wa Mulugu onna olamulela!
Omwene wa Mulugu obanjhe olamulela yaka ya 1914. Bumudhidhi yoyo ebanjhe malabo ookuthula wa anamathonga wamwilaboni. Nnonne aavi? Nnafuna none makalelo Bibliya asorihiye wodhela muselu oyo ni makalelo eri elabo okuma yaka ya 1914.
1. Ethu baani awogile Bibliya?
Livuru na Daniel nnonikavihera wonelamo wi Omwene wa Mulugu waabajhe othonga omagomihero wa mudhidhi onithaniwa ‘mudhidhi mitanu naminli.’ (Daniel 4:16, 17) Nuuvira yaka mazana ni mazana Yesu withana mudhidhi oyo ninga ‘mudhidhi wathomeliwe malogo’ teto oliye ohudhiha wi mudhidhi oyo kunamale. (Lucas 21:24) Ninga nnafunihu ohudhera, mudhidhi mitanu naminli dhigomme yaka ya 1914.
2. Dhithu baani dhinapadduwa okuma yaka ya 1914?
Anamahara a Yesu yahimukoha wihina enone mudhidhi waabajhe othonga Omwene wa Mulugu ni omabajho wa malabo ala okuthula. Aliwa omukoha yegi: ‘Dhego ndha dhinereye alini, yintelelo yothonga wawo ni omakuthulo wa dhithu dhatedhene sivi?’ (Mateus 24:3) Mudhidhi Yesu aakulaga ahisoriha dhithu dhowinjhiva dhaapadduwege oliye abajha othonga mumweneni wa Mulugu. Dhithu ndho sindha koddo, dala ni oddiginya wa elabo. (Omwileri Mateus 24:7.) Bibliya anasoriha makalelo yakale athu ‘malabo okuthula’ ni mwaha wa yeyo, okalawo ‘kayakalege ethu yokweya.’ (2 Timóteo 3:1-5) Okuma yaka ya 1914 ofiyedha peeno, dhithu dha dhinothabwa.
3. Mwahaya bwaddi Omwene wa Mulugu nubajha othonga dhithudha mwilaboni dhigathabwa orusa?
Yesu nuumala othomiwa wihina akale Mwene a Omwene wa Mulugu, ethu yobajha eriliyena fuuwana ni Saddana vamodha ni ademoniyu aye odhulu. Vano Saddana ogonjhihiwa. Bibliya anihina ‘oliye ohuvokeriwa elabo yavati, vamodha ni angero aye.’ (Apocalipse 12:9, 10, 12) Saddana ohuthabwa onyanyuwa mwaha ohunona wihina anere otolosiwa mowaguva. Bumwahaya, oliye anowatota makathamiho ni goyi mwilaboni yatene. Bumwahaya dhithu ndha dhithabwa orusa! Mbwenye Omwene wa Mulugu onere wamariha makathamiho amatene.
OHUDHERE DHITHU DHIMODHA
Ohudhere wodhela ethu enanithukulela orumedha wihina omwene wa Mulugu obanjhe olamulela yaka ya 1914. Teto wone ethu baani enahoweleya wihina neregena.
4. Dhovuhulela dha mBibliyani dhinotonya yaka ya 1914
Mulugu ahimurohiha mwene oBabiloniya Nabukodonosori, yoroha eyo, yoniha ethu afuna werana Yehova osogolo. Daniel ahitapulela yoroha ele teto yoroha eyo yere wakwanela ni onamathonga wa Nabukodonosori teto ni Omwene wa Mulugu. — Mmwileri Daniel 4:17. a
Mmwileri Daniel 4:20-26, mwamala mulabihedhe kwaduru wihina mwawakule makoho enaharela:
-
(A) Nabukodonosori arohile ddiniya? — Musugwe versu 20 ni 21.
-
(B) Yapadduwe ddi ni muthanko? — Musugwe versu 23.
-
(C) Yapaduwe ddi omagomihero wa “mudhidhi mitanu naminli”? — Musugwe versu 26.
Yoroha ela ya muthanko eniwanana aavi ni Omwene wa Mulugu?
YOVUHULELA (Daniel 4:20-36)
Omwene
(A) Muthanko munlubale
Ere ohiya othonga
(B) “Mmorihe muthanko” ofiyedha ‘ovira mudhidhi mitanu naminli’
Ere ohogolowela othonga
(C) “Munere ohogoloseliwa omwene weenyu”
Wakwanela wobajha . . .
-
(D) Muthanko aali aani? — Musugwe versu 22.
-
(E) Ahile othonga mudhidhi baani? — Mmwileri Daniel 4:29-33.
-
(F) Ethu baani yampadduwele Nabukodonosori omagomihero wa “mudhidhi mitanu naminli”? — Mmwileri Daniel 4:34-36.
WAKWANELA WOBAJHA
Omwene
(D) Nabukodonosori, Mwene oBabiloniya
Ere ohiya othonga
(E) Egavinre yaka ya 606 Yesu ahinadhe, Nabukodonosori otaduwa kuhandaga olamulela muwari mwa yaka tanu nabili
Ere ohogolowela othonga
(F) Nabukodonosori ohogolowela ninga vaariye teto obajha othonga
Wakwanela wanabili wa yovuhulela ela . . .
-
(G) Muthanko ola aali aani? — Mmwileri 1 Crónicas 29:23.
-
(H) Mudhidhi baani aliwa ehiliwa othonga? Nnone avi wihina Yesu agali mwilaboni yavati aliwa kiyathonga? — Mmwileri Lucas 21:24.
-
(I) Onamathonga oyo ohogolowele othonga wuuvi ni mudhidhi baani?
WAKWANELA WANABILI
Omwene
(G) Mamwene aamwaana eEzarayeli yathonga mumweneni wa Mulugu
Ere ohiya othonga
(H) Jeruzale ogujhuliwa, vano mamwene aamwaana Ezarayeli ohiya olamulela muwari mwa yaka 2520
Ere ohogolowela othonga
(I) Yesu obajha olamula odhulu ninga Mwene a Omwene wa Mulugu
Mudhidhi mitanu naminli yaka ngasi?
Dhipaddi dhimodha dha Bibliya dhinonikavihera wonelamo dhipaddi dhimodha ndha. Motajhiha, livuru na Apocalipse nnowoga wihina mudhidhi miraru nimeya enakala malabo 1260. (Apocalipse 12:6, 14) Vano, mudhidhi mitanu naminli enakala malabo 2520. Malabo mamodha Bibliya analiganiha kadda labo ni yaka. (Ezequiel 4:6) Emodhave elabihedhiwa ni yovuhulela ya livuru na Daniel enawoga wodhela mudhidhi mitanu naminli: ni madhu mamodha enaganiwa yaka 2520.
5. Elabo ehisadduwa okuma yaka ya 1914
Yesu ahiwoga makalelo yakale elabo oliye abajha othonga. Mmwileri Lucas 21:9-11, mwamala muthapanye makoho enaharela:
-
Dhithu baani dhiniwanana ni yolebela ela ononiwe dhereyaga?
Murumiwi Pawulo ahiwoga makalelo yakale athu malabo okuthula a omwene wa mwilaboni. Mmwileri 2 Timóteo 3:1-5, mwamala muthapanye makoho enaharela:
-
Ononamo wi athu enowerana dhithu dhisorihiwe vala?
6. Nnofuna okavihera Omwene wa Mulugu
Mmwileri Mateus 24:3, 14, mwamala muthapanye makoho enaharela:
-
Mabasa manlubale enapariwa enoniha wihina Omwene wa Mulugu onna olamulela baavi?
-
Onakavihere avi mabasa ala?
Omwene wa Mulugu onna othonga teto onna waddamela mudhidhi wihina Omwene ola othongege elabo yatene. Mmwileri Hebreus 10:24, 25, mwamala muthapanye makoho enaharela:
-
Kadda muthu wahiyo erege ddiniya ‘oonaga wihina labo nna ninna waddamela’?
Wahanone ethu yakavihere ni yaavuluse athu amodha, were ddiniya?
MUTHU AKOHA EGI: “Mwahaya bwaddi yaka ya 1914 ekala yinlubale mwigumini mwa Anamona a Yehova?”
-
Waamwakule avi?
OVIRISEDHA
Dhovuhulela dha mBibliyani ni dhithu dhinereya mwilaboni ela dhinowoniha wihina Omwene wa Mulugu ohubajha olamulela. Nalaleyaga ni nadhowaga omutugumanoni nnooniha wihina nnorumedha wi Omwene wa Mulugu onna olamulela.
Ogwaddela
-
Livuru na Daniel nihiwoga wodhela mudhidhi mithano naminli. Epadduwe ddiniya nufiya omakuthulo wa mudhidhi oyo?
-
Enuthukulela ddiniya orumedha wihina omwene wa Mulugu obanjhe othonga yaka ya 1914?
-
Onoonihe avi wihina onorumedha wi Omwene wa Mulugu onna olamulela?
WEGI ONONE DHITHU DHIMODHA
Osugwe dhithu anamawoga thalako ni athu amodha enawogiwa wodhela dhithu dhipadduwe mwilaboni okuma yaka ya1914.
“Mudhidhi ekalelo yapama esaddunwiwa mowaguva” (Despertai!, Abril a 2007)
Woone makalelo yovuhulela ya Mateus 24:14 esaddunliwa egumi ya mulobwana dhala.
“Miyo godhiveliwa ojogari beisebol ohiya dhithu dhatedhene!” (A Sentinela, n.º 3 a 2017)
Nnonne avi wi yovuhulela ya Daniel kapitulu 4 enowiwanana no Omwene wa Mulugu ?
“Omwene wa Mulugu obanjhe othonga mudhidhi baani? — Epaddi 1” (A Sentinela, 1.º a Outubro de 2014)
Nnonne avi wihina “mudhidhi mitanu naminli” dhinawogiwa va Daniel kapitulu 4 dhagomele yaka ya 1914?
“Omwene wa Mulugu obanjhe othonga mudhidhi baani? — Epaddi 2” (A Sentinela, 1.º de Novembro de 2014)
a Osugwe dhohudhera bili dhogomihera epaddi eni “Wegi onone dhithu dhimoha” ya yohudhera ela.
