OHUDHERA 33
Dhithu baani dhineerena omwene wa Mulugu?
Omwene wa Mulugu onna olamulela. Mohulegela, onere odhana dhithu dhapama mwilaboni yavati. Kabeni noone dhithu dhapama dhineerena Omwene wa Mulugu.
1. Omwene wa Mulugu onaadhena avi murenddele ni opama?
Yesu Mwene a Omwene wa Mulugu, anere watolosa athu abure vamodha ni anamathonga a mwilaboni mukoddoni ya Armajedo. (Apocalipse 16:14, 16) Eyo yapadduwa, mpaganyo wa mBibliyani onihina: ‘Mohulegela, athu abure kidha ekalawo.’ (Salmos 37:10) Alabiheraga Omwene wa Mulugu, Yesu ammadhana murenddele ni opama mwilaboni yavati. — Omwileri Isaías 11:4.
2. Efunelo ya Mulugu yakwanela mwilaboni yavati egumihu enakale avi?
Kubuwela okalaga mwilaboni muri athu apama ni ororomeleya, enamudhivela Yehova ni enadhivelana! Siyeyo enapadduwege muMweneni mwa Mulugu, woona wihina ‘athu oowoma murima enere wakela elabo yavati wihina ekalegemo malabo amatene.’ (Salmos 37:29) Kavo muthu anabulelege, teto athu atene emmakalagawo malabo amatene.
3. Athu abure yatolosiwa Omwene wa Mulugu onere ddi?
Athu abure yatolosiwa Yesu ammalamulelaga muwari mwa yaka 1000. Mudhidhi yoyo, oliye vamodha naa 144 000 emmakavihera athu mwilaboni yavati okala ologomana. Omakuthulo wa yaka 1000, elabo yatene emmakala Parayizu, athu atene emmahagalalaga mwaha emmawiwelelaga malamulo a Yehova. Nuwindo Yesu ommahogolosela Ababe Omwene. ‘Ndina na Yehova nimmelihiwa’ mwamakalelo nahinelihiwigiwa. (Mateus 6:9, 10) Vano emmoneyaga pamadhene wihina Yehova Namathonga anaapwatha athu. Voharela, Yehova ammamutolosa Saddana ni ademoniyu aye vamodha ni muthu di muthu anaasakule ohiwelela onamathonga Waye. (Apocalipse 20:7-10) Mwaha wa Omwene wa Mulugu egumi enakale yologomana malabo amatene.
OHUDHERE DHITHU DHIMODHA
Woone mwahaya nigaroromela wi Mulugu ommalabihera omwene waye wihina akwanihere mpaganyo dhaye dha mBibliyani wodhela osogolo.
4. Omwene wa Mulugu ommamariha onamathonga waathu
Bibliya onnawoga egi ‘athu yathongaga enowatotela goyi amodhaya.’ (Eclesiastes 8:9) Yehova ommalabihera Omwene wi amarihe obure ola watene.
Mmwileri Daniel 2:44 ni 2 Tessalonicenses 1:6-8, mwamala muthapanye makoho enaharela:
-
Yehova ni Yesu enawerele ddi anamathonga a mwilaboni naaleya enakavihera?
-
Wubuwelaga dhithu dhatedhene ohudheriwe wodhela Yehova ni Yesu mwahaya bwaddi okalana ebaribari wihina otoriha wewa onaakale wapama?
5. Yesu mwene ologomana
Woona wi Yesu Mwene a Omwene wa Mulugu anere odhana dhithu dhapama wihina akavihere athu mwilaboni yavati. Musugwe VIDIYU. Vidiyu ela enere wooniha wihina Yesu onnafuna wakavihera athu ni wihina Mulugu onvaha kopolo dhowakaviherana.
Dhithu enrena Yesu agaari mwilaboni yavati, dhinoniha dhithu aneriyena Mumweneni mwa Mulugu. Mareeliho baani ewogiwe vala onawunleliwe? Mwileri dholebela dha mBibliyani dhinawoga wodhela mareeliho ayo.
|
YESU AGAARI MWILABONI YAVATI . . . |
YESU AGAARI ODHULU . . . |
|---|---|
|
|
|
|
|
|
|
|
6. Omwene wa Mulugu ommadhana osogolo wapama
Omwene wa Mulugu ommavaha athu egumi yapama ninga Mulugu afuneliye. Athu emmakalagawo malabo amatene mParayizu mwilaboni yavati. Musugwe VIDIYU, wihina moone makalelo Yehova anakwanihedhiye efunelo yaye mwilaboni yavati amulabiheraga Yesu.
Mmwileri Salmos 145:16, mwamala muthapanye makoho enaharela:
-
Onakala avi mwaha onona wi Yehova anere ‘wakavihera efunelo ya dhithu dhatedhene dhinna egumi?’
ATHU AMODHA ENAWOGA YEGI: “Kadda muthu eragana epaddi yaye, makathamiho mwilaboni.”
-
Makathamiho baani Omwene wa Mulugu onamarihewa, onamathonga wa mwilaboni ohunandiwa wamariha?
OVIRISEDHA
Omwene wa Mulugu ommerana dhithu dhatedhe anafuna Mulugu. Ommasaddula elabo wihina ekale Parayizu, mwinaakale athu apama enamwebedhege Yehova malabo amatene.
Ogwaddela
-
Omwene wa Mulugu oneelihe ndina na Yehova ni makalelo baani?
-
Mwahaya bwaddi nigarumedha wihina omwene wa Mulugu onere wakwanihedha mpaganyo dha mBibliyani?
-
Dhithu dhatedhene dhapama dhineerena Omwene onunleliwe woona dhakwanelaga sivi?
WEGI ONONE DHITHU DHIMODHA
Woone yotapulela ya Armajedo.
Wileri wodhela dhithu dhinapadduwe muwari mwa yaka 1000 wa onamathonga wa Yesu. Teto wileri wi woone dhithu dhinapadduwe mudhidhi oyo wamala.
“Enapadduwe ddi labo nootorihiwa?” (A Sentinela, 1.º a Setembro a 2012)
Woone makalelo murala oniwubuweliwa ogaari mparayizu.
Artigu ani:“Makoho owinjhiva yogithuwathuwiha”, woone makalelo mulobwana ampolitikani afwanyiwe dhowakula dha makoho aye.
“Bibliya anosaddula egumi yaathu” (A Sentinela, 1.º a Janeiro a 2012)
