OHUDHERA 36

Okale oororomeleya

ORUMIHE

Okale oororomeleya

Athu atene enofuna wandana naathu oororomeleya. Ni Yehovaya anofuna wandana naathu ororomeleya. Mbwenye okala oororomeleya mwilaboni ela mudhanle ohuroromeleya kinakweya. Naarive dhigari ndo mwahaya bwaddi sapama okala ororomeleya?

1. Ethu enlubale enanithukulela okala oororomeleya ddi?

Nakala athu oororomeleya nnowoniha wihina nnomudhivela ni nnomuriha Yehova. Kubuwela: Yehova ohunona dhatedhene nnubuwelihu ni nnerihuna. (Hebreus 4:13) Oliye anowoona nathoma okala oororomeleya ni anovaha thima ororomeleya wehu. Madhu aye enowoga yegi: ‘Yehova anotakaleliwa ni muthu ahinawoga ebaribari, mbwenye onowandana naale eri oororomeleya.’ — Provérbios 3:32.

2. Nnande aavi okala oororomeleya kadda labo?

Yehova anafuna wi ‘niwogege ebaribari mmodha ni mukwaye.’ (Zacarias 8:16, 17) Eyo enatapulela ddi? Eyo enatapulela wihina nathapanyaga naaddibila, amudhihu, akwihu oomabasani vamodha ni anamathonga kanotege newene kanibibiddelege ebaribari. Muthu oororomeleya kaniiya newene kanajhela akwaye. (Omwileri Provérbios 24:28 ni Efésios 4:28.) Teto muthu oororomeleya anoliva musoko dhatedhene. (Romanos 13:5-7) Obe iyo ‘nnofuna werana dhatedhene nuuroromeleya.’ — Hebreus 13:18.

3. Mwahaya bwaddi ekala yapama okala oororomeleya?

Nanoniwa ninga athu oororomeleya nnororomeliwa. Ndo, nnokavihera wihina mmulogoni mukale athu oororomeleya, ninga emudhi yowiwanana. Ohiya eyo nnere okanna yowubusedha ya murima yapama. Ororomeleya wehu ‘onowoomihedha dhohudhiha dha Mvulusi ehu Mulugu’ ni wathukulela athu amodha ohudhera wodhela Yehova. — Tito 2:10.

OHUDHERE DHITHU DHIMODHA

Woone makalelo ororomeleya onapathiwa wandana wawo ni Yehova. Teto woone makalelo okala oororomeleya mwa dhithu dhohiyana-iyana dha kadda labo.

4. Ororomeleya onomuhagalasa Yehova

Mmwileri Salmos 44:21 ni Malaquias 3:16, mwamala muthapanyedhe makoho enaharela:

Mwahaya bwaddi kahi yapama wubuwelaga wihina Yehova kanona dhithu nnerihuna?
Ononamo avi, Yehova anakala avi nawogaga ebaribari naarive ehiri yokweya?

Anamwani yawogaga ebaribari enowahagalasa makolo ewa. Nawogaga ebaribari, nnomuhagalasa Yehova

5. Okale oororomeleya mwadhatedhene

Athu owinjhiva enubuwela wihina kadhinandeya okala oororomeleya mwadhatedhene. Mbwenye woone mwahaya bwaddi ekala yapama okala oororomeleya mwadhatedhene. Musugwe VIDIYU.

VIDIYU: Enanihagalasa ddi? — Mubuwelo wapama (2:32)

Mmwileri Hebreus 13:18, mwamala muthapanyedhe makalelo okala oororomeleya . . .

vamuralani
omabasani obe oskola
ni epaddi dhimodha dha mwigumini

6. Ororomeleya winonikavihera

Okala oororomeleya podi onidhelana makathamiho. Mbwenye okala oororomeleya ethu yapama. Mmwileri Salmos 34:12-16, mwamala muthapanyedhe nikoho nnaharela:

Ororomeleya onuukavihere avi okanna egumi yapama?

Anamwani yawogaga ebaribari ababi enodhiveliwa. Bumwahaya nawogaga ebaribari Yehova anohagalala
Anamatelana oororomeleya enolibiha matelo ewa
Anamalaba oororomeleya enororomeliwa napatarawu ewa

ATHU AMODHA ENAWOGA YEGI: “Woota vang’ono kahi ethu yabure.”