OHUDHERA 37

Bibliya anawoga ddi wodhela mabasa ni korowa?

ORUMIHE

Onowabihaga othuwathuwa wodhela mabasa ni korowa? Podi okala ethu yorusa ofwanya ganyo ni mudhidhi mmodhave omwebedha Yehova mwamakalelo oofwanelela. Mbwenye Bibliya anonivaha dholaga dhapama dhinanikavihera.

1. Bibliya anawoga ddi wodhela mabasa?

Mulugu anafuna nihagalalege ni mabasa nnaparihu. Bibliya onihina ‘kayiwo ethu yathima mwigumini mwa muthu yahili . . . wajhavo mabasa anapariye.’ (Eclesiastes 2:24) Yehova muthu oviheyana mabasa. Nnafuna nimutajhihe Yehova okala namalaba apama, nerana ndo nnere omuhagalasa Yehova teto ni iyowa nnere ohagalala.

Mabasa boofuneya. Mbwenye kanenye wihina mabasa ekale mburo wobajha mwigumini mwehu ohiya omwebedha Yehova. (João 6:27) Yehova ononipaganya wi nasogoliha efunelo yaye, anere onivaha dhithu nnahowelihu wihina nikalewo.

2. Moonelo wapama wodhela korowa buuvi?

Bibliya onowoga wi ‘korowa enobarela.’ (Eclesiastes 7:12) Mbwenye Bibliya anowoga wi korowa kinadhana ohagalala. Bumwahaya Bibliya ononikongomedha ohudhiveliwesa korowa, mbwenye ‘ohagalala ni dhithu ninnihuna.’ (Omwileri Hebreus 13:5.) Nerana ndo kannakwerebeya nubuwelaga wi kaninna dhithu dhowadda. Teto nnere wathawa mangawu. (Provérbios 22:7) Nnere orabela wivolosiha jogu dha aposta ni dhithu dhimodha dhabure dhinamuthukulela muthu oreela mowaguva.

3. Nnaalabihere addi korowa wihina nakavihere athu amodha?

Yehova, Mulugu oovaha. Iyo nnomutajhiha oliye ‘nakala athu oovaha.’ (1 Timóteo 6:18) Podi werana eyo nikaviheraga mulogo ni naakaviheraga ale enahowela, thabwathabwa addibilihu amunroromeloni. Yehova kanapwatha muthengo nnavahihu mbwenye naavahaga nimurima waatene. Naavahaga ni murima waatene nnere ohagalala ni nnere omuhagalasa Yehova.— Omwileri Atos 20:35.

OHUDHERE DHITHU DHIMODHA

Woone mwahaya bwaddi sapama wapweha mabasa vamburoni vewa ni ohagalala ni dhithu ninnihuna.

4. Makalelo awo owapara mabasa podi omuthithimiha Yehova

Wandana wehu ni Yehova wiiwananege ni makalelo nnaparihu mabasa. Musugwe VIDIYU, mwamala muthapanyedhe makoho enaharela.

VIDIYU: Omparelege mabasa Yehova nimurima watene (4:39)

Nvidiyuni, yuthukule murima ddi wodhela ndhe Jonasi eriliye omabasani waye?
Ethu baani eriliyena wihina ahele mabasa vamburoni vewa?

Mmwileri Colossenses 3:23, 24, mwamala muthapanyedhe makoho enaharela:

Mwahaya bwaddi moonelo wehu wa mabasa okala wathima?

Mabasa boofuneya. Mbwenye kanenye wihina mabasa ekale athima mwigumini mwehu ohiya omwebedha Yehova.

5. Ohagalala ni dhithu ninnihuna winonihagalasa

Athu owinjhiva enothuwa-thuwa wi ekanne korowa dhowadda. Mbwenye Bibliya ononikongomedha ohufilela mento korowa. Mmwileri 1 Timóteo 6:6-8, mwamala muthapanyedhe nikoho nnaharela:

Bibliya ananikongomedha werana ddi?

Musugwe VIDIYU, mwamala muthapanyedhe nikoho nnaharela.

VIDIYU: “Ohagalale ni dhithu onniwena” (3:20)

Naarive yahinna korowa dhowadda, dhithu baani dhahagalasa murala ndha?

Ki akala nikanna dhithu dhowadda, mbwenye nigafuna dhimodha? Yesu ohusoriha nladdaniho wodhela yowopiha erivo yofunave dhithu dhimodha. Mmwileri Lucas 12:15-21, mwamala muthapanyedhe nikoho nnaharela:

Ohudhere ddi ni thalako ya Yesu? (Musugwe versu 15.)

Mmwileri ni mmuliganihe Provérbios 10:22 ni 1 Timóteo 6:10. Mwamala muthapanyedhe makoho enaharela:

Ethu baani ononiwe wi sathima: Wandana ni Yehova obe okanna korowa dhowadda? Mwahaya bwaddi?
Muthu afunagave okanna korowa dhowadda, makathamiho baani enanfwanya?

6. Yehova anere osamalela dhofuna dhehu

Othabwa othuwathuwela mabasa ni korowa podi weha nroromelo nehu. Musugwe VIDIYU wihina moone dhithu dhinahoweleya werana muthu aafwanyiwaga makathamiho ninga yala, mwamala muthapanyedhe makoho enaharela.