OHUDHERA 38
Ovahe thima nvaho wegumi
Okanna egumi winonivaha ofuru wowerana dhithu dhotikiniha. Naarive nifwanyiwaga makathamiho iyo podi okanna ohagalala. Ki nnonihe aavi wi nnovaha thima nvaho ola wegumi? Ethu baani yathima enanithukulela ovaha thima nvaho oyo wegumi?
1. Mwahaya bwaddi egahoweleya ovaha thima egumi?
Nnohowela ovaha thima egumi mwaha nvaho wa Baabihu oodhivela, Yehova. Oliye ‘ntxela neegumi,’ obe, oliye ohupaddusa egumi. (Salmos 36:9) ‘Oliye onowavaha athu egumi, ovuma ni dhithu dhatedhene.’ (Atos 17:25, 28) Yolebela ela enowoniha wi Yehova ononivaha dhatedhene nnahowelihu wihina nikalegewove. Mbwenye ononivaha dhithu dhimodha. Yehova ononivaha nnahowelihu wihina nikanne ohagalala mwigumini mwehu. — Omwileri Atos 14:17.
2. Nnamoonihe aavi Yehova wihina nnovaha thima egumi?
Mudhaari a Mulugu akale anithaniwa Davidi ahilobela egi: ‘Mento enyu ehigoona gahinabaliwe.’ (Salmos 139:16) Eyo enoniha wi Yehova owupwatha naarive ogaari mbani mwa amawo. Egumawo sathima vamentoni va Yehova. Muthu ampa mukwaye obe iipa Yehova onothabwa wukuuwa, mwaha Yehova onothabwa ovaha thima egumi. (Êxodo 20:13) a Yehova ere wukuuwa vanlubale nahisamalela egumihu ni neeka vang’ovini egumi yaathu amodha. Naarihaga egumihu ni yaathu amodha, nnowoniha wi nnovaha thima nvaho ola.
OHUDHERE DHITHU DHIMODHA
Woone makalelo owoniha wi onovaha thima nvaho wegumi.
3. Osamalele egumawo
Ninga adhaari a Yehova, iyo nipaganya olabihera egumihu wihina nimulabele Yehova. Iyo nihinvaha Mulugu mwili wehu ninga mukutho. Mmwileri Romanos 12:1, 2, mwamala muthapanyedhe makoho enaharela:
-
Mowiwanana ni yolebela ela, ethu baani enuthukulele osamalela egumi yawo?
-
Makalelo osamalela egumi baavi?
4. Mukale pasope wihina muhitotele ng’ovi obe okwa
Musugwe VIDIYU wihina moone dhithu munahowelinyu werana nubareleya.
Mmwileri Provérbios 22:3, mwamala muthapanyedhe makalelo munakalenyu oobareleya . . .
-
vade
-
omabasani
-
mwajogarigi
-
mweddihaga jhinga, mota obe karo
5. Oriihe egumi ya mwaana ahinabaliwe
Davidi ohuwoga wi Yehova onothuwathuwela dhatedhene dhinapadduwa ni mwaana ahinabaliwe. Mmwileri Salmos 139:13-17, mwamala muthapanyedhe nikoho nnaharela:
-
Monelo wa Yehova egumi ya mwaana enabajha: maye akanna wari obe mwaanaya abaliwa?
Malamulo Yehova aavahiliye amwaana Ezarayeli yombarela maye vamodha ni mwana ahinabaliwe. Mmwileri Êxodo 21:22, 23, mwamala muthapanyedhe makoho enaharela:
-
Moonelo wa Yehova wodhela muthu ampa mwaana aari mbani mwa maye ahifunaga baavi?
-
Ki Yehova anawoona aavi ale enampa mwaana obe enarahila wari mwa pudhave? b
-
Ki we ononelamo aavi monelo ola wa Mulugu?
Naarive muhiyana anonne wihina egumi sathima podi wubuwela wi orahila wari yothoma yapama. Mmwileri Isaías 41:10, mwamala muthapanyedhe nikoho nnaharela:
-
Akala muhiyana anowaddihedhiwa wihina arahile wari amulobe nikavihero aani? Mwahaya bwaddi?
ATHU AMODHA ENAWOGA YEGI: “Muhiyana ohukanna ofuru worahila wari. Mwaha maningo baaye.”
-
Enuvaha ebaribari wihina Yehova onovaha thima egumi ya muhiyana vamodha ni ya mwaana ddi?
OVIRISEDHA
Bibliya ononihudhiha odhivela, oriha ni obarela egumi, nvaho ola wathima Yehova anivahiliye. Eyo enovolowela egumi yehu ni yaathu amodha.
Ogwaddela
-
Mwahaya bwaddi egumihu ekala yathima vamentoni va Yehova?
-
Yehova anonamo aavi muthu ampa mukwaye pudhave?
-
Mwahaya bwaddi ogavaha thima nvaho wegumi?
WEGI ONONE DHITHU DHIMODHA
Nnaamutamalele addi Yehova wodhela nvaho ola wegumi?
Mulugu podi omulevelela muhiyana arahile wari?
“Bibliya anawoga ddi wodhela orahila wari?” (Epadddi ya mu jw.org)
Woone makalelo mubuwelo wa Mulugu wodhela egumi onavoloweliwa yaredhelo yehu.
“‘Esportes radicais’ — Vale a pena correr o risco?” (Despertai!, 8 a Outubro a 2000)
Ki muthu akanna mubuwelo wowiipa? Woone makalelo Bibliya anamukaviheriye.
“Miyo ginafuna okwa — Bibliya podi ogikavihera gakanna mubuwelo wowiipa?” (Epaddi ya mu jw.org)
a Yehova onowoona goyi enamuthukulela muthu wiipa, ni onofuna omukavihera. Yehova onowapwatha ale enna murima wokwerebeyene. (Salmos 34:18) Wihina woone makalelo Yehova anakaviheriye ale enna mubuwelo wowiipa wileri va epaddi ‘Onone dhithu dhimodha’ ohudhera onihina: “Miyo ginafuna okwa — Bibliya podi ogikavihera gakanna mubuwelo wowiipa?”
b Akala muthu ohurahila wari ahinahudhere ebaribari kanahowela okala ookwerebeyene; Yehova podi omulevelela. Wihina woone dhithu dhimodha, wileri epaddi “Wegi onone dhithu dhimodha” ohudhera onihina: “Bibliya anawoga ddi wodhela orahila wari?”
