OHUDHERA 39
Moonelo wa Mulugu wodhela nikame
Nikame ethu yofuneya. Kuhukanna nikame, kanakanne egumi. Mwaha Mulugu okala mpaddusi, anofwanelela onaddela makalelo oofwanelela olabihedha nikame. Mulugu anawoga ddi wodhela nikame? Iyo podi ojha nikame obe olabihera ninga murombwe? Onande aavi othoma dhithu dhapama wodhela muselu yola?
1. Moonelo wa Mulugu wodhela nikame buuvi?
Yehova ahiwoga ni adharaaye akale egihina: ‘Egumi ya anenyama aatene thi nikame newa.’ (Levítico 17:14) Vamentoni va Yehova, nikame egumi. Akala egumi sootaleleya, emodhave nnikame.
2. Makalelo baani oolabihera nikame Yehova anakoddihiye?
Okuma kale nikame ethu yotaleleya vamentoni vaye. Bumwahaya adhe awaddele adharaaye yariwo mudhidhi Yesu ahinadhe wihina yahijhege nikame. (Omwileri Génesis 9:4 ni Levítico 17:10.) Oliye ahavaha nlamulo nne dila yanabili mudhidhi arumiwi ni anamaholela yawaddenliwa makiristawu wihina ‘edidele okoodda ojha nikame.’ — Omwileri Atos 15:28, 29.
Ohujha nikame, obe, okoodda nikame enatapulela ddi? Ahere mediku ukoddiha ong’wa, kuwamwiwelele? Were orumedha ojha dhithu dhinna vinyu obe olateliwana mmwilini vinyu ni enjhesawu? Mwebaribarene were okoodda. Emodhave, nlamulo na Mulugu wodhela ohujha nikame enatapulela wihina kaning’we newene kanijhe nyama ya mwanenyama ahisijhiwe. Teto kanijhe yoojha esasanyiwe nnikame.
Ki wodhela olabihera nikame ninga murombwe? Ehikalawo makalelo olabihedha nikame ehiniwanana ni malamulo a Mulugu, makalelo ayo fuvahiwa nikame obe dhipaddi dha nikame ninga: glóbulos vermelhos, glóbulos brancos, plaquetas ni plasma. Mbwenye makalelo mamodha Bibliya kanawoga akala sabure obe naari. Motajhiha, makalelo ayo mamodha sidhipaddi dhing’ono dhinakosa epaddi dha nikame; mamodha fulabihedha nikame na mureddaya. Ndha dhogomihera kadda muthu eeregena yothoma yaye. a — Gálatas 6:5.
OHUDHERE DHITHU DHIMODHA
Woone makalelo onandiwe othoma murombwe onarumedhiwe.
3. Osakule murombwe onamuhagalasa Yehova
Onande addi osakula murombwe dhiniwanana niile Mulugu anubuweliye wodhela nikame? Musugwe VIDIYU, mwamala muthapanyedhe mwahaya bwaddi ekala yapama ohara thalo dhinaharela.
-
Olobele wa Yehova olobaga thotho. — Tiago 1:5.
-
Osayele malagano a mBibliyani ni woone makalelo ooparihedha mabasa mwigumini mwawo. — Provérbios 13:16.
-
Woone murombwe dhinalabiheriwa murudda onakeliwe.
-
Othome murombwe ohunenyiwe olabihera.
-
Woone akala yothoma yawo kinanyemelihege yowubusedha ya murimawo. — Atos 24:16; b
-
Kuddiwale wi kaavo anafwanelela wuwaddela ethu onathomiwe — newene mamuno obe mwariyo, namaholela mulogo, newene namahudhiha Bibliya — wodhela dhithu dhinavolowela yowubusedha murima. — Romanos 14:12.
-
Olebe yothoma yawo.
4. Anamona a Yehova enofuna murombwe dhapama
Enowandeya wiwelela nlamulo na Mulugu wodhela nikame ni ofwanya murombwe wapama ohunavolowela nikame. Musugwe VIDIYU.
Mmwileri Tito 3:2, mwamala muthapanyedhe thomo dhinaharela:
-
Mwahaya bwaddi sapama okanna nriho ni okala oopwaseyene nawogaga ni amediku?
|
Makiristawu kinarumedha |
Yothoma ya kadda mukiristawu |
|---|---|
|
A. Plasma |
Dhipaddi dhing’ono dha plasma |
|
B. Glóbulos brancos |
Dhipaddi dhing’ono dha glóbulos brancos |
|
C. Plaquetas |
Dhipaddi dhing’ono dha plaquetas |
|
D. Glóbulos vermelhos |
Dhipaddi dhing’ono dha glóbulos vermelhos |
5. Onathome ddi wodhela dhipaddi dhing’ono dha nikame?
Nikame ninna dhipaddi nayi: glóbulos vermelhos, glóbulos brancos, plaquetas ni plasma. Dhipaddi ndha podi ogawiwa mmakuru mang’ono, enithaniwa dhipaddi dhimodha dha nikame. c Dhipaddi dhimodha dha nikame dhinolabiheriwa ninga murombwe wi dhivulumuse oredda obe omaaliha nikame muthu aporeya.
Wathomaga ethu wubuwele:
-
Ginaamwaddele aavi mediku mwahaya gidhe githome okoodda obe orumedha dhipaddi dhing’ono dha nikame?
MUTHU AKOHA EGI: “Gihirumedhele ddi wakela nikame?”
-
Waakule aavi?
OVIRISEDHA
Yehova kanafuna wihina nlabiherege nikame mwa makalelo abure.
Ogwaddela
-
Mwahaya bwaddi nikame nikala nootaleleya wa Yehova?
-
Nnone aavi wihina nlamulo na Mulugu wodhela okoodda ojha nikame dhinovolowela dhipaddi dhing’ono dha nikame?
-
Nnande aavi othoma dhithu dhapama wodhela olabihera nikame nafunaga ovulumusa egumihu?
WEGI ONONE DHITHU DHIMODHA
Dhithu baani onafwaneleliwe wubuwela wahinathome akala onorumedha olabihera nikame nawo?
Dhithu baani onafwaneleliwe wubuwela wahinathome akala onorumedha obe naari dhipaddi dhing’ono dha nikame?
Emuthukulele mediku orumedha wihina moonelo wa Mulugu wodhela nikame bwapama ddi?
“Gihirumedha moonelo wa Mulugu wodhela nikame” (Despertai!, 8 a Dezembro a 2003)
Woone makalelo addibila enalaba ni Comissões de Ligação com Hospitais enakaviheriwa addibila ni arogola.
a Osugwe ohudhera 35: “Makalelo oothoma dhithu dhapama.”
b Moone ddima 5 “Onathome ddi wodhela dhipaddi dhing’ono dha nikame?” Wonelamo Pama 3, “Murombwe dhinavolowela nikame.” Nosso Ministério do Reino a Março a 2007 epaddi 3-6.
c Amediku amodha enoona dhipaddi ndha dha nikame ninga dhipaddi dhing’ono dha nikame. Bumwahaya, okanne ebaribari wihina mediku awo anowonelamo wihina kunarumedha wakela nikame, newene wakela glóbulos vermelhos, glóbulos brancos, plaquetas obe plasma.
