Kabiha omubuwela mayi anamwegeredha mwanaye wihina adhowe oskola. Oliye anosugwera akala anohaba teto akala dhowara dhaye dhiri dhapamene. Eyo enokavihera egumi ya mwaana ni enowoniha wihina makolwaye enomusamalela pama. Ninga ababi enafuniwa wihina aniwa yeeddege owegeredheyene, Babihu, Yehova anafuna wihina neddege oweela epaddi yomwilini ni ya mmubuweloni. Okala oweela winonikavihera mwigumini mwehu ni winonvuwiha Yehova.

1. Nnande aavi okala oweela epaddi yomwilini?

Yehova onihina ‘nikale oweela.’ (1 Pedro 1:16) Wihina nikale oweela, nnohowela okala ooyesa ni okanna mweddelo wapama. Iyo podi okala oweela wodhela ohaba malabo amatene ni ofula guwo dhehu, owomihedha nyumba yehu vamodha ni karo yehu wihina dhikale dhowegeredheyadhene. Teto podi okavihera wegeredha Nyumba Yomwene. Nakala owegeredheyene epaddi yomwilini nnonvuwiha Yehova.— 2 Coríntios 6:3, 4.

2. Dhilemelelo baani dhanyakavalihe mwili wehu?

Bibliya onihina ‘nikale oweela, nisukumaga dhithu dhatedhene dhonyakavala dhinanonga mwiili ni murima wehu’. (2 Coríntios 7:1) Eyo enatapulela wihina nnowilibihera orabela ethu-sithu yatakalihe mwili wehu ni mweddelo wehu. Nnafuna wihina mubuwelo wehu omuhagalasege Yehova. Bumwahaya nigilibiheraga orabela mubuwelo dhabure. (Salmos 104:34) Iyo nnafuna wihina madhu ehu ekale apama ni ofwanelela. — Omwileri Colossenses 3:8.

Dhilemelelo baani dhanithukulele okala ootakala epaddi yomwilini ni mweddelo wehu? Dhikalawo dhithu dhinatakaliha mwili wehu. Bumwahaya kannamujha soola newene murombwe dhinaviriganiha ogogo. Mwaha wa yeyo nnokanna egumi yapama ni nnowoniha wi nnovaha thima nvaho wa egumi. Nnande aavi okanna mweddelo woweela? Mwaha orabela dhithu dhabure, omoona pornografiya ni wikeha. (Salmos 119:37; Efésios 5:5) Kinakweya owanana dhilemelelo ndha, mbwenye Yehova podi onikavihera. — Omwileri Isaías 41:13.

 OHUDHERE DHITHU DHIMODHA

3. Osamalela epaddi yomwilini winomuthithimiha Yehova

Nileri malamulo Yehova avahiliye amwaana Ezarayeli, nnohudhera wihina vamentoni va Yehova sapama nlogo naaye okala noweela. Mmwileri Êxodo 19:10 ni 30:17-19, mwamala muthapanyedhe makoho enaharela:

• Dholebela ndha dhinoniha aavi monelo wa Yehova wodhela osamalela epaddi yomwilini?

• Dhithu baani dhinukavihere okala oweela epaddi yomwilini?

Sapama wilibihera ni waaja mudhidhi wihina okale ooyesa. Naarive nigaari athu ohawa, ooreela obe nikalaga elabo si elabo enowandeya okala athu ooyesa. Musugwe VIDIYU, mwamala muthapanyedhe nikoho nnaharela.

• Mwahaya bwaddi okala ooyesa oganvuwiha Yehova nakala mmabasani oolaleya?

4. Ogonjhihe dhilemelelo dhonyakavala

Akala onomujha soola obe murombwe dhoviriganiha ogoogo, kahi yokweya ohiya ojha dhithu ndho. Enuukavihere ddi? Wubuwele makalelo dhilemelelo ndho dhinanongiwa emuthu yawo. Mmwileri Mateus 22:37-39, mwamala muthapanyedhe makoho ala: Omujha soola ni murombwe dhinaviriganiha ogoogo dhinanonga aavi . . . 

• wandana wawo ni Yehova?

• muralawo vamodha naakwawo?

Werena ethu-siithu wihina ogonjhihe elemelelo yonyakavala. a (Musugwe nota.) Musugwe VIDIYU.

Mmwileri Filipenses 4:13, mwamala muthapanyedhe nikoho nnaharela:

• Olobela, omwileri Bibliya ni woona mutugumano, onaamukavihere aavi muthu ogonjhiha elemelelo yonyakavala?

 5. Owanena mubuwelo ni dhilemelelo dhonyakavala

Mmwileri Colossenses 3:5, mwamala muthapanyedhe makoho enaharela:

• Nnonne aavi wi Yehova anamona pornografiya, sexting ni wikeha ninga dhilemelelo dhonyakavala? b — Musugwe nota 1.

• Onoona wi nnowanda okala oweela ninga anafuna Yehova? Mwahaya bwaddi?

Woone makalelo owanana mubuwelo wonyakavala. Musugwe VIDIYU.

Yesu ohulabihedha nladdaniho wihina oonihe wi nnohowela werana ethu-siithu wi nikale oweela. Mmwileri Mateus 5:29, 30, mwamala muthapanyedhe nikoho nnaharela:

• Yesu kasoriha wihina niporose, mbwenye wi nerena ethu-siithu. Dhithu baani muthu anafwaneleliye werana wi arabele mubuwelo wonyakavala? c — Musugwe nota 2.

Akala onowilibihera wihina ogonjhihe mubuwelo wabure, Yehova anohagalala ni wilibihera wawo. Mmwileri Salmos 103:13, 14, mwamala muthapanyedhe nikoho nnaharela:

• Akala enowurusa ogonjhiha elemelelo yonyakavala, yolebela ela enukavihere aavi odidelave owana?

 OVIRISEDHA

Nakala ooyesa, narabelega mubuwelo dhabure ni dhowera dhehu dhakala dhapamadhene, nnomuhagalasa Yehova.

Ogwaddela

• Mwahaya bwaddi ekala yapama okala oweela emuthu yehu yatene?

• Onande aavi okala ooyesa?

• Onande aavi wihina dhowera dhawo ni mubuwelo wawo okale woweela?