OHUDHERA 42
Bibliya anawoga ddi wodhela otela nuukala muddiye?
Dhilabo dhimodha athu enubuwela wihina yegi okale oohagalala onohowela otela. Mbwenye eyo kahi ebaribari, mwaha ehikalawo anamatelana ehinahagalala teto ehikalawo addiye enahagalala. Mbwenye Bibliya anihina otela nuukala muddiye nvaho wa Yehova.
1. Mareeliho baani enakanna addiye?
Bibliya onihina: ‘Ole anatela anowerana pama, mbwenye muddiye anoothabwa werana pama.’ (Omwileri 1 Coríntios 7:32, 33, 38.) Ole ahitenle anathabwa ‘werana ethu yapama’ nimakalelo baani? Makiristawu eri addiye kinathuwa-thuwa mwaha wa dhithu anafuna mamuniwa obe mwariwa. Ndo aliwa enothabwa okanna mudhidhi. Aliwa podi olabihedha mudhidhiwa wihina yawenjhedhedhe mabasiwa oolaleya, malabo mamodha otamela elabweyo wihina yakavihere mabasa oolaleya. Teto yinlubaleya enokanna mudhidhi wowinjhiva wowenjhedhedha wandana wewa ni Yehova.
2. Mareeliho baani enakanna anamatelana?
Anamatelana vamodha naaddiye enowawakela mareeliho. Bibliya onihina: ‘Okala athu abili sapama ompitha muthu yeka.’ (Eclesiastes 4:9) Eyo ebaribari, thabwathabwa waddibila enaparihedha mabasa dholaga dha mBibliyani vamateloni vewa. Mulobwana ni muhiyana yatelane obe yalebiha matelo ewa ni madhu mamodha enopangana odhivelana, orihana ni osamalelana mmodha ni mukwaye. Walebiha matelo winodhana oobareleya ohiyana naathu abili enakala vamodha yahalebinhe matelo ewa. Ndo matelo ewa enodhana mburo wobareleya ni wofwanelela walela ahima.
3. Moonelo wa Yehova wodhela matelo buuvi?
Yehova nuwawita matelo oobajha ahiwoga egi: ‘Mulobwana anere wahiya ababe vamodha naamaye wihina akalege ni mwariye.’ (Génesis 2:24) Yehova anafuna wihina mulobwana vamodha ni mwariye edhivelanege ni ekalege vamodha ofiyedha okwa wewa. Mulugu anenya baahi wihina anamatelana emwalane akala mulobwana obe muhiyana ohukuma mba. (Mateus 19:9) Naari dhigarive ndo Yehova anonvaha ofuru ole araruweliwe wosakula akala podi omwalana obe naari. a Yehova anowidda ovalanya obe okanna ahiyana owinjhiva. — 1 Timóteo 3:2.
OHUDHERE DHITHU DHIMODHA
Woone makalelo anamatelana ni addiye enandiwa okanna ohagalala ni omuhagalasa Yehova.
4. Makalelo addiye enalabihedhiwa pama egumiwa
Mwigumini mwa Yesu okala muddiye yaari ethu yapama. (Mateus 19:11, 12) Mmwileri Mateus 4:23, mwamala muthapanyedhe nikoho nnaharela:
-
Yesu alabihere aavi mudhidhi anniyena ninga muddiye wihina amulabele Babe ni aakavihere amodha?
Makiristawu eri addiye podi werana ethu emodhave erilena Yesu Musugwe VIDIYU, mwamala muthapanyedhe nikoho nnahanela.
-
Mukiristawu analabihedhe aavi mudhidhi waye ninga muddiye wihina amulabele Yehova nuviheya?
Wahinona?
Bibliya kanawoga yaka yofwanelela otela. Bibliya anomukongomedha muthu ojheha okanna yaka dhofwanelela otela obe oteliwa mbwenye ‘agakwaranye mudhidhi ole anunleliye vanlubale ogona ni muthu’ mwaha aaguvela otela obe oteliwa anere othoma dhithu dhinamudhelena makathamiho. — 1 Coríntios 7:36.
5. Omusayele pama muthu onafuniwe otelana
Omusakula muthu wihina mutelane mutholo munlubale wa mwigumini. Mmwileri Mateus 19:4-6, 9, mwamala muthapanyedhe nikoho nnaharela:
-
Mwahaya bwaddi ekala yapama mukiristawu ohithimagela otela?
Bibliya podi wukavihera onona dhikalele onasayeliwe wa muthu onafuniwe otelana. Mbwenye yinlubaleya sowi muthuya amudhivelege Yehova. b Mmwileri 1 Coríntios 7:39 ni 2 Coríntios 6:14, mwamala muthapanyedhe makoho enaharela:
-
Mwahaya bwaddi ekala yapama otelana ni muthu anamulabela Yehova?
-
Moonelo wawo Yehova aakale aavi nahatelane ni muthu ahinamudhivela oliye?
Mwanenyama mung’ono ni munlubale yamageleliwa vamodhave aabili enere woona goyi. Nimakalelo mamodhave, akala mukiristawu anatelana ni muthu ahinamudhivela Yehova anere okanna makathamiho
6. Okanne moonelo mmodhave ni Yehova wodhela matelo
Kale athu amodha a nlogo na Mulugu yomwalana namwariwa mwaha wa ethu-siithu. Mmwileri Malaquias 2:13, 14, 16, mwamala muthapanyedhe nikoho nnaharela:
-
Mwahaya bwaddi Yehova agiidda omwalana wula ehirivo ethu enaalupa malamulo?
Okuma mba ni omwalana onomudhelana makathamiho muthuya araruweliwe vamodha nahima
Musugwe VIDIYU, mwamala muthapanyedhe nikoho nnaharela:
-
Akala oteliwe obe omutele muthu ahinamulabela Yehova, enahoweleya were ddi wihina okanne matelo oohagalasa?
7. Oparihedhe mabasa dhithu Yehova anawogiye wodhela matelo
Malabo mamodha muthu anohowela wilibihera vanlubale wihina aparihedhe mabasa dholaga Yehova anavahiye wodhela matelo. c Mbwenye Yehova anowareeliha ale enilibihera. Musugwe VIDIYU.
Mmwileri Hebreus 13:4, mwamala muthapanyedhe makoho enaharela:
-
Moonelo wawo enowandeya oparihedha mabasa Yehova anawogiye wodhela matelo? Mwahaya bwaddi?
Dhilabo dhowinjhiva anamathonga enowoga wihina athu yalebihege matelo, teto yamwalanaga edhowe yamarihe matelwiwa. Yehova anajheha wihina makiristawu yawiwelelege malamulo ala. Mmwileri Tito 3:1, mwamala muthapanyedhe nikoho nnaharela:
-
Akala ohutela obe ohuteliwa, ohukanna ebaribari wihina matelo awo ehinoniwa ni anamathonga obe ohalebiha matelo awo?
MUTHU AKOHA EGI: “Ginalebelihe ddi matelo? Okala vamodha baahi kinakwana?”
-
Waakule aavi?
OVIRISEDHA
Otela ni okala muddiye nvaho wa Yehova. Addiye vamodha ni anamatelana yeragana efunelo ya Yehova podi okanna ohagalala.
Ogwaddela
-
Muddiye analabihere aavi pama egumaye?
-
Mwahaya bwaddi Bibliya agawoga wi nitelanege baahi ni muthu anamulabela Yehova?
-
Ethu baani anasoriha Bibliya enamwenya muthu omwalana?
WEGI ONONE DHITHU DHIMODHA
“Otelana mwa nabwiya” enatapulela ddi?
Osugwe vidiyu tharu dhinukavihere othoma dhithu dhapama wodhela ovevana ni matelo.
Woone mwahaya bwaddi ddibila dhala agoona wihina Yehova ohunvaha dhithu dhapama opitha dhithu ahiliye mundduli.
Akala muthu anubuwela omwalana obe omuhiya mwariye obe mamune, dhithu baani anafwaneleliye onona?
a Osugwe Wonelemo Pama 4 wihina wonelemo wodhela muhiyana obe mulobwana anamuhiya mwariye obe mamune vihiri mararuwo.
b Dhilabo dhimodha ababi binaasakulela aniwa muthu oofwanelela otelana. Yakala ndo, ababi oodhivela enarajhiha osayela onona akala muthuya anomudhivela Yehova ohiya akala ohukanna korowa obe akala ohukanna ohudhera wavadhulu.
c Akala onakala ni muthu wula mwahalebinhe mateloya we podi othoma akala onofuna omuhiya obe naari.
