Athu a mwilaboni yatene, ehikanna monelo wohiyana-iyana wodhela dhoong’wa. Amodha malabo mamodha enodhiveliwa ong’wa vamodha naakwiwa. Mbwenye amodha kinang’wa. Teto amodha enong’wa ofiyedha olezela. Ki Bibliya anawoga ddi wodhela muselu oyo wa dhoong’wa?

1. Ong’wa ethu yabure?

Bibliya kanawoga wi ong’wa ethu yabure. Mbwenye, anowoga wi ‘vinyu enohagalasa murima wa muthu,’ ni madhu yayo enowoneya wi ong’wa nvaho wa Mulugu. (Salmos 104:14, 15) MBibliyani munoofwanyeya alobwana ni ahiyana yang’wa. — 1 Timóteo 5:23.

2. Bibliya anaavaha dholaga baani ale enathoma ong’wa?

Yehova anihina ong’wa ofiyedha olezela yothega. (Gálatas 5:21) Bibliya onihina: ‘Kawitaganyihedhege naale enafilela mento vinyu.’ (Provérbios 23:20) Bumwahaya, akala nihithoma ong’wa sapama ong’wa mwamakalelo owezeya, naarive nigari yekihu. Muthu athabwa olezela kanubuwela pama ni kananda osugwera dhithu anawogiye obe aneriyena. Ohiya eyo, podi widhelana makathamiho mwigumini. Akala nang’waga kannanda wipimelela, yere owomela ohiyawene ong’wa.

3. Ki nnaarihe aavi dhothoma dhaathu amodha?

Ong’wa yothoma ya kadda muthu. Akala muthu ohuthoma ong’wa mowezeya kanimutorihege. Teto kanimuwaddihedhege muthu ong’wa. (Romanos 14:10) Akala athu amodha enootakaleliwa nang’wa yere okala yapama ohung’wa egari vevene. (Omwileri Romanos 14:21.) Iyo kannasayela ‘dhofuna dhehu baahi, mbwenye dhofuna dhaathu amodha.’ — Mmwileri 1 Coríntios 10:23, 24.

 OHUDHERE DHITHU DHIMODHA

4. Othome akala sapama ong’wa obe naari

Yesu oonelamo aavi wodhela muselu wong’wa? Matikiniho oobajha awerilena Yesu enonikavihera ofwanya yowakulaya. Mmwileri João 2:1-11, mwamala muthapanyedhe makoho enaharela:

• Matikiniho awerilena Yesu enanikavihera aavi onona moonelo waye wodhela (1) ong’wa ni (2) muthu anathoma ong’wa?

• Woona wihina Yesu kasorihile wihina ong’wa ethu yabure, makiristawu yawonege aavi ale enathoma ong’wa?

Naarive ehiri yabure mukiristawu ong’wa, eyo kinatapulela wihina ong’wa ethu yinlubale yamwigumini. Mmwileri Provérbios 22:3, mwamala muthapanyedhe makalelo ponto dhinaharela dhinavoloweliwa dhothoma dhinaharela:

• Wafunaga weddiha karo, mota, jhinga obe ethu-sithu enna mutori.

• Wakanna wari.

• Mediku awoga egi kung’we.

• Akala kunanda opima wang’waga.

• Akala malamulo enihina kung’we.

• Akala ori ni muthu ahiyile ong’wa mwaha kala kaanda opimelela.

Akala ori vamateloni obe mwaredhaga sapama wavaha athu dhoong’wa? Enukavihere ddi othoma dhithu dhapama? Musugwe VIDIYU.

Mmwileri Romanos 13:13 ni 1 Coríntios 10:31, 32, mwamala wileri kadda dholebela ndha, muthapanyedhe nikoho nnaharela:

• Wahara malagano ala enuukavihere aavi othoma ethu enamuhagalase Yehova?

 5. Othome muddidda wawo wong’wa

Akala ohuthoma ong’wa, kuddiwale: Yehova kanakoddiha ong’wa, mbwenye anakoddiha olezela. Mwahaya bwaddi? Mmwileri Oseias 4:11, 18, mwamala muthapanyedhe nikoho nnaharela:

• Muthu alezela ethu baani enampadduwele?

Enaanikavihere ddi ohuthabwiha ong’wa? Sapama okala owezeya obe onona manddile ehu. Mmwileri Provérbios 11:2, mwamala muthapanyedhe nikoho nnaharela:

• Mwahaya bwaddi ekala yapama okanna mpimo wawo wafunaga ong’wa?

6. Dhithu dhinaakavihere ale enathabwa ong’wa

 OVIRISEDHA

Ong’wa nvaho munlubale wa Yehova, mbwenye oliye anokoddiha othabwa ong’wa obe olezela.

Ogwaddela

• Bibliya anawoga ddi wodhela muselu wong’wa?

• Makathamiho baani enanfwanya muthu anathabwa ong’wa?

• Nnaarihe aavi yothoma yaathu amodha?