OHUDHERA 44
Festa dhatedhene dhinomuhagalasa Mulugu?
Yehova anafuna nihagalalege teto nikumihege mudhidhi wihina naredhege. Ki vano festa dhatedhene dhinomuhagalasa Mulugu? Nnonihe aavi wi nnomudhivela Mulugu wodhela muselu yoyo wa festa?
1. Mwahaya bwaddi festa dhowinjhiva kadhinamuhagalasa Mulugu?
Podi wera onere otikina wihina festa dhowinjhiva kadhiniwanana ndhohudhiha dha mBibliyani, mbwenye dhiniwanana ni gereja dhowoota. Festa dhimodha dhiniwanana ni masenga obe dhohudhiha dhowihina muzimu kunakwa. Feriyado dhimodha dhiniwanana ndhohudhiha dha anokwa ni ndhe dhinihina Mulugu dilebile dhithu dhatedhene dhinereya mwilaboni. (Isaías 65:11) Yehova anowawaddela adhaari aye egi: ‘Nvenyevo vaari vewa ni mwathawe . . . Muhiye werana dhithu dhonyakavala.’ — 2 Coríntios 6:17; a Osugwe nota.
2. Yehova anona aavi festa dhinathabwa wavuwiha athu?
Yehova anowoga egihina nihimorele mmurakoni ‘wothabwa waroromela athu’. (Omwileri Jeremias 17:5.) Festa dhimodha dhiriwo dhinaathithimiha athu ninga atoropa ni anamathonga. Dhimodha dhinathithimiha elabo obe bandera. (1 João 5:21) Festa dhimodha dhiniwanana ni pulitika obe dhilemelelo dha kadda elabo. Nahajhege festa dhinavuwiha athu obe nlogo dhinakongomedha athu werana dhithu aniidda Yehova, oliye oonelemo aavi?
3. Mulugu anopwatha dhithu enerana athu mmafestani?
Bibliya anowidda ‘olezela mathanga, ohupimelela ni othabwa ong’wa.’ (1 Pedro 4:3) Festa dhimodha athuya kinasugwera dhowera dhewa teto enowivolosiha mmararuwoni. Wihina nandane ni Mulugu nnohowela othawa festa ndho ni wathawa mararuwo.
OHUDHERE DHITHU DHIMODHA
Woone makalelo othoma dhithu dhapama ni omuhagalasa Yehova wodhela muselu dha festa.
4. Orabele festa dhinamukuula Yehova
Mmwileri Efésios 5:10, mwamala muthapanyedhe makoho enaharela:
-
Nafuna othoma akala nnere ojha festa obe naari, ethu baani nnahowelihu onona?
-
Murudda onakaliwe festa baani dhithanbwe ononiwa?
-
Ononamo wi festa dhatedhene dhinomuhagalasa Yehova?
Motajhiha, onowikohaga makalelo Mulugu anooniye festa dha aniversariyu? Bibliya kanamuwoga mudhaari a Yehova amujha aniversariyu. Aaniversariyu enawogiwa mBibliyani baathu yahamulabela Mulugu. Mmwileri Génesis 40:20-22 ni Mateus 14:6-10. Mwamala muthapanyedhe makoho enaharela:
-
Dhithu baani dhaapadduwe ni aniversariyu ala abili?
-
Mowiwanana ni dholebela ndha Yehova anawona aavi aniversariyu ala?
Podi wera onowikoha wegi ‘Yehova anowukuwa gamujhaga aniversariyu obe festa si festa ehiniwanana ni dhohudhiha dha mBibliyani?’ Omwileri Êxodo 32:1-8. Mwamala musugwe VIDIYU ni mwathapanyedhe makoho enaharela.
-
Mwahaya bwaddi ekala yapama onona dhithu dhinamuhagalasa Yehova?
-
Ki nnande aavi onona?
Nnaanone avi akala festa enomuhagalasa Mulugu obe naari?
-
Festa ndho dhinowiwanana ni ndhe Bibliya anahudhihiye? Orajhihe onona mwahaya bwaddi festaya edhe yitiwege.
-
Festa ndho dhinothabwa waariha athu makuru obe elabo? Iyo nnavuwiha Yehova opitha dhatedhene teto nnororomela wihina Yehova anere wamariha makathamiho amatene a mwilaboni.
-
Athu yakala nfestani mmo enakala aavi? Enerana dhithu Bibliya anawogiye wi sabure? Sapama wathawa mararuwo.
5. Wakavihere amodha wonelamo yothoma yawo
Malabo mamodha podi okala ethu yorusa ohujha festa dhinamukula Yehova nawaddihedhiwaga naathu amodha. Wawaddele yothoma yawo athu amodha ni nriho nuuvilela wihina, woone makalelo owerana, musugwe VIDIYU.
Mmwileri Mateus 7:12, mwamala muthapanyedhe makoho enaharela:
-
Mowiwanana ni yolebela ela yere okala yapama wawaddihedha amudhawo ohujhaga festa?
-
Onawonelihemo aavi amudhawo wi naarive ohujhaga festa kinatapulela wi kunaadhivela?
6. Yehova anafuna nihagalalege
Yehova anafuna nijhege mudhidhi naakwihu vamodha namudhihu. Mmwileri Eclesiastes 8:15, mwamala muthapanyedhe nikoho nnaharela:
-
Yolebela ela enoniha aavi wihina Yehova anafuna nihagalalege?
Yehova anafuna wi nlogo naaye naredhege teto nijhege mudhidhi vamodha. Musugwe VIDIYU wihina moone ndho makalelo dhinereyiwa vamusonkanoni.
Mmwileri Gálatas 6:10, mwamala muthapanyedhe makoho enaharela:
-
Wihina nawonihe wi ‘nnowawerela opama’ athu amodha sapama ojha festa enajhiwa?
-
Yuhagalase ddi? Owaddihedhiwa ovaha ethu sithu vafestani? Obe ovaha mwaha efunelo yawo?
-
Anamona a Yehova enojha festa ni enowavaha aniwa mukono ehijhehile labo abaliwe muthu yole. Akala ohukanna ahima dhithu baani wawereliwe?
ATHU AMODHA ENAWOGA YEGI: “Kaginapwatha winadhela festaya. Yinlubale fuujha mudhidhi naakwaga vamodha naamudhaga.”
-
Waakule aavi?
OVIRISEDHA
Yehova anafuna nijhege mudhidhi namudhihu vamodha naakwihu. Teto anafuna wihina nihijhege festa dhinamutakalela oliye.
Ogwaddela
-
Makoho baani enaanikavihere onona akala festa enomutakalela Mulugu obe naari?
-
Nnakavihere aavi amudhihu vamodha naakwihu wonelamo mwahaya bwaddi nihijhaga festa?
-
Nnonne aavi wihina Yehova anafuna nihagalalege ni naredhege?
WEGI ONONE DHITHU DHIMODHA
Woone festa ehinajha makiristawu.
“Mwahaya bwaddi Anamona a Yehova ehijhaga festa dhimodha?” (Epaddi ya mu jw.org)
Woone dhithu nayi dhinanthukulela orumedha wi ojha festa dha aniversariyu dhinomutakalela Mulugu.
“Mwahaya bwaddi Anamona a Yehova ehijhaga festa dha aniversariyu?” (Epaddi ya mu jw.org)
Woone makalelo anamwani enamudhivela Yehova enaamuhagalasiwa mudhidhi wa Natale.
We oli athima vamentoni va Yehova (11:35)
Makiristawu owinjhiva ehithoma ohumujha Natale. Ki enoonamo aavi yothoma yewa?
“Aliwa yahifwanya ethu yapama” (A Sentinela, 1.º a Dezembro a 2012)
a Nota: Osugwe Wonelemo Pama 5 wihina moone ethu munahowelinyu werana athu yajhaga festa.
