Yesu ahiwoga ni anamahara aye egi ‘ehikosege epaddi yelabo.’ (João 15:19) Ohukosa epaddi ya elabo enatapulela ohivolosiha mpulitikani ni mukoddoni dha elabo ela. Mbwenye owoga ebaribari kahi ethu yokweya ohukala epaddi yelabo. Malabo mamodha iyo podi oteyiwaga mwaha ohukosa epaddi yelabo. Nnande aavi ohukosa epaddi yelabo ni okala ororomeleya wa Yehova?

1. Makiristawu enawona aavi anamathonga?

Aliwa enowariha anamathonga. Ndo nnowerana ele anirumile Yesu, ‘onvaha Sezare dhithu dha Sezare’. Eyo enatapulela wawiwelela malamulo a kadda elabo ninga oliva musoko. (Marcos 12:17) Bibliya anahudhiha wihina anamathonga eri mwilaboni ekalelewo mwaha wihina Yehova deenyile. (Romanos 13:1) Bumwahaya iyo nnoriha othonga wewa. Teto nihinona wi onamathonga wewa kunapitha onamathonga wa Mulugu. Nihikanna ebaribari wihina Mulugu ni Omwene waye dinamarihe makathamiho mwilaboni.

2. Nnonile aavi wi kannakosa epaddi yelabo?

Ninga Yesu iyo kannivolosiha mpulitikani. Athu nuwawona matikiniho awerilena Yesu oxixa wi oliye akale mwene, mbwenye Yesu okoodda. (João 6:15) Mwaha waddi? Ethu aasoriheye vamentoni va Pilatu enonivaha yowakulaya, oliye wera: ‘Omwene waga kunakosa epaddi yelabo.’ (João 18:36) Mwaha okala anamahara a Yesu nnowoniha wihina kannakosa epaddi yelabo mwamakalelo ohiyana-iyana. Motajhiha, iyo kannadhowa okoddoni. (Omwileri Miqueias 4:3.) Iyo kannamusakula namathonga newene partidu, teto kannaakoddiha athu omusaku namathonga newene osakula partidu yewa. Iyo nnoriha elabo nnakalihu, mbwenye kannakokorela bandera newene kannerana dhithu dhiniwanana ni muselu yoyo dhinalupa malamulo a Mulugu. (1 João 5:21) Ayo makalelo owoniha wihina nnaroromela baahi Omwene wa Mulugu.

 OHUDHERE DHITHU DHIMODHA

3. Makiristawu ebaribari kinakosa epaddi yelabo

Yesu naanamahara aye kayakosa epaddi yelabo ni iyowa ntajhihe mweddelo wewa. Mmwileri Romanos 13:1, 5-7 ni 1 Pedro 2:13, 14. Mwamala musugwe VIDIYU, mwamala mwathapanyedhe makoho enaharela:

• Ekalele ddi yapama warihaga anamathonga?

• Makalelo apama owoniha wi nnowariiha anamathonga baavi?

Wakala koddo malogo enihina kinakosa epaddi yelabo enokavihera makuru amenddi enawana koddoya. Mwebaribarene ohukosa epaddi yelabo enatapulela ddi? Mmwileri João 17:16. Mwamala musugwe VIDIYU ni muthapanyedhe nikoho nnaharela:

• Ohukosa epaddi yelabo enatapulela ddi?

Ki anamathonga yaniloba werana ethu enaalupa malamulo a Mulugu nere ddi? Mmwileri Atos 5:28, 29. Mwamala musugwe VIDIYU ni mwathapanyedhe makoho enaharela.

• Anamathonga yaniruma werana ethu wula nlamulo na Mulugu niwogaga wi niherena nimwiwelele aani?

• Onowanda wubuwela dhithu enasoriha anamathonga mukiristawu ahinafwaneleliye wiwelela?

 4. Dhowera dhawo ni monelo wawo dhonihege wi kunakosa epaddi yelabo

Mmwileri 1 João 5:21. Mwamala musugwe VIDIYU ni mwathapanyedhe makoho enaharela:

• Nvidiyuni, mwahaya bwaddi Ayenge adhe athomege ohivolosiha mpulitikani newene ohukokorela bandera?

• Ononamo wi ohuthoma dhithu dhapama?

Dhithu dhimodha dhehe yothoma yehu yohivolosiha mpulitikani ddi? Musugwe VIDIYU, mwamala mwathapanyedhe makoho enaharela.

• Akala elabo yehu enna owana ni elabo emodha nnere ddi wihina ndideleve ohukosa epaddi yelabo?

• Nnande addi ohukosa epaddi yelabo akala muthu di muthu anakosa epaddi ya pulitika ohuthoma ethu enapatha egumi yehu?

• Dhithu nnavuruwanihu munotisiyani obe naakwihu dhinapatha aavi yothoma yehu yohukosa epaddi yelabo?

 OVIRISEDHA

Makiristawu enowilibihera vanlubale ohukosa epaddi yelabo wodhela mubuwelo wewa, madhu ewa ni dhowera dhewa.

Ogwaddela

• Dhithu baani nnafwanelelihu wavaha anamathonga?

• Mwahaya bwaddi egahoweleya ohukosa epaddi yelabo?

• Dhithu baani dhehe yothoma yehu yohukosa epaddi yelabo?