OHUDHRA 46
Mwahaya bwaddi egahoweleya wipeleka wa Yehova ni obaddiziwa?
Yothoma yinlubale mwigumini mwehu fuwipeleka wa Yehova. Nnipeleka wa Yehova nalobela wa oliye ninpaganyaga wihina nnamwebedhege oliye baahi ni wi nnerege osogoliha mwigumini mwehu efunelo yaye. (Salmos 40:8) Namala wipeleka iyo obaddiziwa. Naabaddiziwaga nnawooniha athu amodha wi iyo nihipeleka wa Yehova. Wipeleka wa Yehova onosaddula egumi yamuthu. Enamuthukulela muthu werana yothoma eyo yinlubale ddiniya?
1. Enamuthukulela muthu wipeleka wa Yehova ddi?
Wipeleka wehu wa Yehova onadha mwaha wa odhivela. (1 João 4:10, 19) Bibliya anowoga egi: ‘Omudhivele Yehova, Mulugu awo, ni murimawo watene, ni emuthu awo yatene ni mubuwelwawo watene ni kopolo dhawo dhatedhene.’ (Marcos 12:30) Nnowoniha wi nnomudhivela Mulugu ohiya ndhithu nnawogihu baahi, mbwenye ndhoweradha. Motajhiha, athu enavevana yadhivelanaga enofiyedha otelana. Ni makalelo mamodhave omudhivela wehu Yehova ononithukulela wipeleka ni obaddiziwa.
2. Mareeliho muthu anawakeliye abaddiziwa baavi?
Okuma labo muthu anabaddiziweye, anookala epaddi ya emudhi ya Yehova. Ndo onere woona makalelo Yehova anudhiveliye, teto munerege othabwa wandana. (Omwileri Malaquias 3:16-18.) Ohiya mareeliho okanna Yehova ninga babi, onere okanna addibila arogola a elabo yatene, athu enamudhivela Yehova ni enudhivela. (Omwileri Marcos 10:29, 30.) Ebaribari wihina ohunabaddiziwe dhihikala dhithu onahoweliwe werana. Motajhiha, enohoweleya ohudhera wodhela Yehova, omudhivela ni omuroromela Mwanaye Yesu. Windo opeleke egumawo wa Yehova. Werana dhithu dhendho, ofiyedha obaddiziwa onere okanna gaari yokanna egumi yohimala. Madhu a Mulugu enihina: ‘Obaddiziwa . . . onowuvulusani ovanene.’ — 1 Pedro 3:21.
OHUDHERE DHITHU DHIMODHA
Woone mwahaya bwaddi ekala yapama wipeleka wa Yehova ni obaddiziwa.
3. Atene iyo nnohowela othoma akala nnofuna omulabela Yehova obe naari
Kale amwana Ezarayeli yubuwela wihina yere wanda omulabela Yehova ni omulabela mulugu mmodha Bahale. Mbwenye Yehova omuruma namavuhulela aye Eliyaji wi awaddele wihina dhithu yeriwana dhaali dhabure. Mmwileri 1 Reis 18:21, mwamala muthapanyedhe nikoho nnaharela:
-
Amwana Ezarayeli yahowela othoma ddi?
Ninga amwana Ezarayeli, iyo nnohowela othoma akala nnere omulabela Yehova obe naari. Mmwileri Lucas 16:13, mwamala mwathapanyedhe makoho enaharela:
-
Amodha enubuwela wi enere wanda omwebedha Yehova wula yebedhaga dhithu dhimodhadhene. Ki mwahaya bwaddi kadhinandeya?
-
Nnamoonihe aavi Yehova wi nihithoma omulabela?
4. Opendde makalelo anuudhivela Yehova
Yehova ohunivaha nvaho dhowinjhiva dhohagalasa. Ki iyo nnanvahe ddi? Musugwe VIDIYU.
Yehova anoniha wi anowuudhivela nimakalelo baani? Mmwileri Salmos 104:14, 15 ni 1 João 4:9, 10, mwamala mwathapanyedhe makoho enaharela:
-
Nvaho baani wa Yehova onathabwa wudhivela?
-
Mwaha wakela nvaho ndha onamonamo aavi Yehova?
Onowakelaga nvaho wathambwe wuhagalasa? Mohanganyedha wahimutamalela vanlubale muthuya uvanhe nvahoya. Mmwileri Deuteronómio 16:17, mwamala muthapanyedhe nikoho nnaharela:
-
Wubuwela nvaho dhatedhene uvanhe Yehova ethu baani onunleliwe omwerela?
5. Wipeleka wa Yehova winodhana mareeliho
Athu owinjhiva enarumedha wi ovuwa, okanna ganyo yapama ni okanna korowa dhowinjhiva dhinodhana ohagalala. Monelo wawo eyo ebaribari? Musugwe VIDIYU, mwamala mwathapanyedhe makoho enaharela.
-
Naarive Andrey adhiveliwaga omulikitha bola ahiyele ddi?
-
Vano oliye ohiya omulikitha bola wipeleka wa Yehova. Ononamo wi ohuthoma ethu yapama? Mwaha waddi?
Murumiwi Pawulo ahinakale mukiristawu ahikanna dhatedhene dhinahoweleya wihina muthu akale ovuwa. Oliye ahudhere nlamulo na Ajudewu nnamahudhiha oovuwa. Mbwenye oliye ohiya dhatedhene wihina akale mukiristawu. Nuukala mukiristawu ahikirati sisee egi gahiyela ddi dhithu ndhe? Mmwileri Filipenses 3:8, mwamala mwathapanyedhe makoho enaharela:
-
Mwahaya bwaddi Pawulo adhe asorihege egi dhatedhene eriliyena ahinakale mukiristawu “dhari ninga lixu”?
-
Nuuhiya dhithu ndhe awakele mareeliho baani?
-
Onona wihina wathoma omulabela Yehova egumawo enowomela? Mwaha wa ddi?
Pawulo ahawakela mareeliho owinjhiva nuukala mukiristawu opitha ndhe ahiyiliye mundduli
ATHU AMODHA ENAWOGA YEGI: “Miyo gihinona wi eyo ebaribari mbwenye kaginafuna othukula mutholo oyo.”
-
Mwahaya bwaddi ogoona wi yere okala yapama wipeleka wa Yehova?
OVIRISEDHA
Odhivela ononithukulela opeleka egumihu wa Yehova ni obaddiziwa.
Ogwaddela
-
Mwahaya bwaddi Yehova agafwanelela odhivela wehu watene ni omwebedha?
-
Mareeliho baani Yehova anavahiye adharaaye obaddiziwa?
-
Onofuna wipeleka wa Yehova?
WEGI ONONE DHITHU DHIMODHA
Woone ethu yamuthukulele namwiba dhala nnamathamaga dhala opeleka egumiwa wa Yehova.
Azombwe enokoha — Geere ddi mwigumini mwaaga? — Yubuwelaga (6:54)
Woone dhithu dhimodha dhinamuthukulela muthu wipeleka wa Mulugu.
“Mwahaya bwaddi ngahowela wipeleka wa Yehova?” (A Sentinela, 15 a Janeiro a 2010)
Nvidiyuni muna mwa jhibo, woone ohagalala enakanna ale enipeleka wa Yehova.
Omwileri artigu: “Miyo gowikoha gegi ‘Nipadduseliwe ddi?’” wihina woone ethu emuthukulele mwihiyana dhala osayela onona dhithu dhinlubale dha mwigumini mwaaye.
“Bibliya anosaddula egumi dhaathu”(A Sentinela, 1.º a Novembro de 2012)
