Ethu yapama okanna akwihu wihina nijhege vamodha mudhidhi wohagalasa, teto wihina enikaviherege nakanna makathamiho. Mbwenye Bibliya kanakuwa, kahi wihina athu atene bapama wandanana. Ki vano onande aavi wasakula pama akwawo? Wawubuwele makoho ala.

1. Akwawo enavolowela aavi egumawo?

Najhaga mudhidhi ni muthu podi okala mwinternetini obe thootho, vang’ono vang’ono, iyo podi obajha omutajhiha. Eyo podi okala ethu yapama obe yabure. Bibliya anowoga egihina: ‘Muthu aneedda naathu athotho anere okala athotho, mbwenye ole anitaganyihedha ni ataduwa [obe ale ehinamulabela Yehova] dhaye dhinere omweddela bure.’ (Provérbios 13:20) Akwihu enamudhivela ni enamulabela Yehova podi onikavihera wandanagave nuliye ni othoma dhithu dhapama. Mbwenye ale ehinamudhivela Yehova podi onlapeliha ni Yehova. Bumwahaya, Bibliya aganikongomedha wasakula pama akwihu! Nandana naathu enamudhivela Mulugu, iyo vamodha naaliwa nnokavihereya. Ndo nnowanda ‘olibihana mmodha ni mukwaye.’ — 1 Tessalonicenses 5:11.

2. Akwawo onasakuliwe enapatha aavi emuthu ya Yehova?

Yehova anowasakula pama akwaye. Oliye ‘anoothabwa wandana naathu ororomeleya.’ (Provérbios 3:32) Yehova aakale aavi nahasakule akwihu ehinamudhivela oliye? Mwebaribarene ere othabwa wukuuwa! (Omwileri Tiago 4:4.) Mbwenye nasukuma wandana wabure, nasayela wandana naale enamudhivela Yehova oliye anere ohagalala ni anere onsakula wihina nikale akwaye. — Salmo 15:1-4.

 OHUDHERE DHITHU DHIMODHA

4. Akwihu kinahowela okanna yaka dhimodhave ni dhehu

Bibliya anowasoriha alobwana abili a nlogo na amwana Ezarayeli, mmodha ithaniwa Jonata mmodhaya Davidi. Jonata ari mwana amwene teto ari munlubale ompitha Davidi. Mbwenye naarive dhigari ndo aliwa yahithabwa wandana. Mmwileri 1 Samuel 18:1, mwamala muthapanyedhe nikoho nnaharela:

• Mwahaya bwaddi ehikala yohoweleya akwihu okanna yaka dhimodhave ninnihuna ni ehikala yohoweleya okanna dhithu dhimodhave ninnihuna?

Omwileri Romanos 1:11, 12, mwamala muthapanyedhe nikoho nnaharela:

• Makalelo baani akwihu enamudhivela Yehova enalibihaniwa mmodha ni mukwaye?

Musugwe VIDIYU, wihina woone makalelo muzombwe dhala agumeliye akwaye mwa makalelo ahaajheheriye, mwamala mwathapanyedhe makoho enaharela.

• Mvidiyuni muna, mwahaya bwaddi wandana anna Akil naakwaye oskola wathuwa-thuwihaga makolo aye?

• Yamuthukulele Akil wandana naazombwe ale oskola ddi?

• Ki oliye andile aavi ogonjhiha okala suthukumwee?

5. Makalelo okanna wandana wapama

 OVIRISEDHA

Ohandana naathu bure-bure winonikavihera ni winomuhagalasa Yehova.

Ogwaddela

• Mwahaya bwaddi wasakula akwihu ogapatha emuthu ya Yehova?

• Wandana baani nnahowelihu orabela?

• Onande aavi okanna wandana wapama naathu ofwanelela?