Yehova ohunivaha nvaho wathima: owoga. Makalelo nnalabihedhihu nvaho ola ononpatha oliye? Hee! (Omwileri Tiago 1:26.) Ki vano nnande aavi olabihera nvaho ola wihina nimuhagalase Yehova?

1. Nnaalabihedhe aavi madhu ehu?

Bibliya onihina ‘mudidele olibihana ni ovenyihana ninga munerinyuna.’ (1 Tessalonicenses 5:11) Onowanda omubuwela muthu anahowela olibihiwa? Ethu baani oneriwena wihina woonihe wihina wi onomudhivela? Omoonihe wihina onoompwatha. Podi werana eyo mwaha omwaddela dhikalelo dhapama onniyena. Onoonamo aavi olabihedha yolebela ya mBibliyani wihina omukavihere? Dhihikalawo dholebela dhowinjhiva wihina omulibihena. Wubuwele wihina makalelo awo owoga podi waddiginya murima athu amodha. Bumwahaya, owogege mwamakalelo apama ni odhivela. — Provérbios 15:1.

2. Dhithu baani nihinafwanelelihu owoga?

Bibliya onihina: ‘Vanlumini veenyu kavikumege madhu opiha mbani.’ (Omwileri Efésios 4:29, nota.) Eyo enatapulela wi kanawogege madhu ootakala newene kanithapanyedhege muselu dhinatakalela athu amodha. Ohiya eyo, orabele waaba ni woota. — Omwileri Provérbios 16:28.

3. Enaanikavihere ddi olabihedha ekalelo yehu yowoga?

Malabo mamodha dhithu nnawogihu dhinowoniha dhithu nnubuwelihu ni dhiri mmurimani mwehu. (Lucas 6:45) Bumwahaya, nnohowela wilibihera wubuwela dhithu dhebaribari ‘dhowogowa, dhoweela, dhodhivela, dhinawogiwa pama ni dhatedhene dhiri dhothithimiheya.’ (Filipenses 4:8) Wihina nande werana, nnohowela osakula pama yaredhelo yehu vamodha naakwihu. (Provérbios 13:20) Teto sapama wubuwela wahinathi owoga. Wubuwele makalelo madhu awo enapathiwa athu amodha. Bibliya onihina: ‘Wawoga madhu muthu ahubuwele enaligana ni wiiva wa supadda, mbwenye madhu a muthu a thotho enowavoliha makwadda.’ — Provérbios 12:18.

 OHUDHERE DHITHU DHIMODHA

4. Pole-pole ndhithu onawogiwe

Malabo mamodha nnowoga dhithu nindo iyo wera, gawogela ddi? (Tiago 3:2) Mmwileri Gálatas 5:22, 23, mwamala muthapanyedhe makoho enaharela:

• Yolebela ela enowoniha dhikalelo dhowinjhiva dhinanikavihera osugwera dhithu nnawogihu. Ekalelo baani waamulobiwe Yehova? Dhikalelo ndha dhinukavihere aavi?

Mmwileri 1 Coríntios 15:33, mwamala muthapanyedhe nikoho nnaharela:

• Yaredhelo yehu vamodha ni akwihu enavolowela aavi makalelo ehu owoga?

Mmwileri Eclesiastes 3:1, 7, mwamala muthapanyedhe nikoho nnaharela:

• Mudhidhi baani wofwanelela omala ni mudhidhi baani wofwanelela owoga?

 5. Wawogege opama athu amodha

6. Wawogaga namudhawo owogege mwamakalelo apama

 OVIRISEDHA

Madhu ehikanna kopolo. Sapama orajhiha wubuwela dhithu, mudhidhi ni makalelo nnawogihu.

Ogwaddela

• Onalabihedhe aavi ekalelo yawo yowoga wihina wakavihere amodha?

• Makalelo baani owoga onafuniwe orabela?

• Ethu baani enaanikavihere owoga mwamakalelo apama ni wakavihera athu amodha ndhithu nnawogihu?