OHUDHERA 58
Okaleve ororomeleya wa Yehova
Makiristawu eebaribari ehithoma ohenya wihina ethu-sithu obe muthu aalapelihe wa Yehova. Mohanganyedha ni weya onoona ndo. Mwebaribarene Yehova anoothabwa ovaha thima ororomeleya wawo. (Omwileri 1 Crônicas 28:9.) Ki ethu baani yehe ororomeleya wehu, ni onaagonjhihe nimakalelo baani?
1. Athu amodha enaxixe onihiha omulabela Yehova ni makalelo baani?
Athu amodha enere oxixa onihiha omulabela Yehova. Ki erena ethu ninga yeyo baani? Ale esukume ebaribari, enawoga dhowoota wodhela nlogo na Mulugu wihina eridhihe nroromelo nehu. Aliwa enithaniwa apostata. Teto, ehikalawo anamasogolela gereja enaninkedha dhithu dhabure wihina yathukulele athu amodha osukuma ebaribari. Ethu yowoopiha osayela oothapanya naathu yayo, wawileri malivuru ewa ni dhovuwiha dhewa dha musayitini obe ovolowa musayitini mwewa ni woona vidiyu dhewa. Yesu ohuwoga wodhela ale enaxixa wahiha amodha omulabela Yehova egihina: ‘Kamupwathege enasorihiwa. Aliwa kinoona teto anamaholela aathu ohoona. Akala muliba ohoona anomweddiha muliba ohoona mukwaye enomorela muliddini.’ — Mateus 15:14.
2. Dhothoma dhehu dhinoniha aavi wi niri oororomeleya wa Yehova?
Omudhivela wehu Yehova onere onthukulela ohivolosiha mu gereja dhowoota. Eyo enatapulela wihina kannakosa epaddi ya nikuru di nikuru nniwanana ni gereja yowoota. Enovolowelavo mabasa nnaparihu ni ethu-sithu yamwigumini mwehu. Yehova anowoga egi: ‘Nlogo naaga, mukumemo mBabiloniya, Munddimuwa.’ — Apocalipse 18:2, 4.
OHUDHERE DHITHU DHIMODHA
Woone makalelo ohenya wi muthu di muthu aridhihe ororomeleya wawo wa Yehova. Teto woone makalelo ononihiwe wi ori ororomeleya mwaha okuma mBabiloniya, Munddimuwa.
3. Pole-pole ni dhohudhiha dhowoota
Niiwa muselu dhinawoga obure nlogo na Yehova nikalege aavi? Mmwileri Provérbios 14:15, mwamala muthapanyedhe nikoho nnaharela:
-
Ekalele ddi yapama ohuvuruwana dhithu dhatedhene dhinawogiwa?
Mmwileri 2 João 10, mwamala muthapanyedhe makoho enaharela:
-
Nawonege aavi apostata?
-
Nihinona wi kahi ethu yapama othapanya ni apostata. Vano ki mubuwelo wewa waanivolowene ni makalelo baani?
-
Ononamo aavi, Yehova akale aavi ahanone nivuruwanaga muselu dhabure wodhela oliye vamodha nnikuru naaye?
4. Naarive ddibila agatheegile okaleve ororomeleya
Nanona wihina ddibila oherana yothega yinlubale enahoweleya nere ddi? Woone ethu Yehova awongeye ni amwaana Ezarayeli. Mmwileri Levítico 5:1.
Ninga enawogela yolebela ela nanona wihina ohukala ddibila atheegile nawaddele anamaholela mulogo. Mbwenye yere owomela orajhiha omukongomedha oliye wi awaddele anamaholela mulogo. Vano oliye akoodda, ororomeleya wehu wa Yehova onere onithukulela wawaddela anamaholela mulogo ele eriliyena. Werana ndo ononiha addi wihina ohukanna odhivela ohunamala . . .
-
ni Yehova Mulugu?
-
ni muthu yole atheegile?
-
vamodha ni addibila amodha ammulogoni?
Ddibila akanna makathamiho epaddi yomuzimuni kuhiye omukavihera!
5. Omuthawe Babiloniya Munddimuwa
Mmwileri Lucas 4:8 e Apocalipse 18:4, 5, Mwamala muthapanyedhe makoho enaharela:
-
Miyo gihikumamo mmagerejani mwatemwene givirilimimo?
-
Giri epaddi ya nikuru eniwanana ni gereja yowoota?
-
Mabasa ginaparimi enokavihera gereja yowoota?
-
Ehikala ethu-sithu ya mwigumini mwaga ginahowelimi olapela eniwanana ni gereja yowoota?
-
Akala nihikala nikoho gakunlimi gegi hee, ethu baani ginahowelimi werana?
Othome ethu enoniha wihina onomuroromela Yehova ni ehinanyemelihe mubuwelo wawo.
Wahithaniwe wihina wakaviherege mabasa owakavihera athu a gereja yowoota were ddi?
ATHU AMODHA ENAWOGA YEGI: “Wihina gibarele ebaribari ginohowela onona dhithu enawoga apostata wodhela anamona a Yehova.”
-
Ononamo wi yere okala yapama werana ndo? Mwaha waddi?
OVIRISEDHA
Wihina nididele okala oororomeleya wa Yehova nnohowela ohandana naale enafuna oniholosa.
Ogwaddela
-
Mwahaya bwaddi kannafuna ovuruwana dhithu dhinawoga maapostata?
-
Nanona wihina ddibila oherana yothega enlubale, ethu baani nnahowelihu wera?
-
Nnande aavi wiwelela nlamulo nnawoga wodhela osukuma gereja dhowoota?
WEGI ONONE DHITHU DHIMODHA
Woone ethu yowera athu amodha yawinkedhaga Anamona a Yehova.
“We ohunona dhithu dhatedhene?” (A Sentinela, agosto de 2018)
Onanone aavi akala nikuru obe mabasa enokosa epaddi ya Babiloniya, Munddimuwa?
Dhithu baani yerilena ale enanidda wi eridhihe nroromelo nehu?
Wileri yopadduwa eni “Miyo gomusayela Mulugu okuma ehimaga” wi onone wodhela namakutha dhala a gereja yo xintoyista makalelo asukummiye gereja yowoota.
“Bibliya anosaddula egumi dhaathu” (A Sentinela, 1.º a Julho a 2011)
