OHUDHERA 59
We podi ogonjhiha oharahariwa nuuliba murima!
Vilegele vihilegele, makiristawu aamatene enere widdiwa, ni enere ofiyera oharahariwa. Muselu oyo onofwanelela onithuusa?
1. Mwahaya bwaddi nigajhehera oharahariwa?
Bibliya onihina: ‘Mohanganyedha, atene ale enaafunege omuhagalaliha Mulugu, emuharaga Yesu, enerege oharahariwa.’ (2 Timóteo 3:12) Yesu ahiharahariwa mwaha kakosa epaddi ya elabo ela ya Saddana. Ni iyowa kannakosa epaddi ya elabo ela. Bumwahaya, kannatikina naharahariwaga nanamathonga obe ni gereja dha elabo ela. — João 15:18, 19.
2. Woona wi nnojhehera oharahariwa nniwegeredhe aavi?
Sapama olibiha ororomeleya wehu wa Yehova ovanene. Kadda labo ovede mudhidhi wihina olobele ni omwilerigi Bibliya. Teto woonege mutugumano dhatedhene. Dhithu ndho dhinere wuvaha kopolo dhowana nuuliba murima waharahariwaga, podive namudhawo. Murumiwi Pawulo ohuthabwa oharahariwa ofiyera osoriha egi: ‘Yehova dinamakavihera aaga; kagidha goova ethu.’ — Hebreus 13:6.
Makalelo mamodha owenjhedhedha oliba wehu murima fuwapara mabasa oolaleya. Olaleya onolibiha nroromelo ninnihuna ni Yehova ni ononikavihera ogonjhiha wawoova athu. (Provérbios 29:25) Nakanna oliba murima wihina nlaleye ovanene, nnakale owegeredheyene wihina osogolo anamathonga yanikoddiha olaleya nidhowegeve nlaleyaga. — 1 Tessalonicenses 2:2.
3. Mwahaya bwaddi ovilela mudhidhi woharahariwa onanikavihera?
Kaavo anadhiveliwa oharahariwa. Mbwenye naharahariwaga nroromelo nehu nnakala nolibanene. Nnothabwa wandana ni Yehova mwaha nnowoona Yehova anikaviheraga ogonjhiha dhithu nahandihu ogonjhiha ni kopolo dhehu. (Omwileri Tiago 1:2-4.) Yehova kanahagalala aanoonaga noonaga goyi. Mbwenye anoothabwa ohagalala oonaga wihina ninna ovilela. Bibliya anosoriha egihina: ‘Akala munna wavilelana makathamiho mwaha werana dhithu dhapama eyo enomuhagalasa vanlubale Mulugu.’ (1 Pedro 2:20) Yehova anopaganya wavaha egumi yohimala aatene yaale enaavilele ofiyera omakuthulo ni wavaha elabo muhunakale oharahariwa. — Mateus 24:13.
OHUDHERE DHITHU DHIMODHA
Woone wihina enowandeya okalave oororomeleya wa Yehova naarive oharahariwaga. Teto wawone mareeliho onawakeliwe mwaha ovilela.
4. We podi ogonjhiha wiiddiwaga vamuralani
Yesu ohuwoga wihina kahi wi athu aatene avamuralani enerege ofuna wi nimulabelege Yehova. Mmwileri Mateus 10:34-36, mwamala muthapanyedhe nikoho nnaharela:
-
Akala muthu vamuralani ohuthoma omulabela Yehova enaapadduwe ddi?
Wegi woone yopadduwa, musugwe VIDIYU, mwamala muthapanyedhe nikoho nnaharela.
-
Were ddi ahakale wi mmudhaawo obe mukwawo kanafuna wi omulabelege Yehova?
Mmwileri Salmo 27:10 ni Marcos 10:29, 30, mwamala wileri kadda yolebela, muthapanyedhe nikoho nnaharela:
-
Mpaganyo ola wa mBibliyani onuukavihere aavi wiiddiwaga namudhawo obe nakwawo?
5. Odideleve omulabela Yehova naarive oharahariwaga
Amodha yanithihaga omulabela Yehova enohoweleya oliba murima wihina nididelege omulabela oliye. Musugwe VIDIYU, mwamala muthapanyedhe nikoho nnaharela.
-
Dhopadduwa dha nvidiyuni muna dhinalibiha aavi nroromelo nawo?
Mmwileri Atos 5:27-29 ni Hebreus 10:24, 25, mwamala wileri kadda yolebela, muthapanyedhe nikoho nnaharela:
-
Mwahaya bwaddi ekala yapama odidelave omulabela Yehova naarive mabasa ehu oolaleya ni mutugumano dhehu dhikoddihiwaga?
6. Yehova anere wukavihera ovilela
Anamona a Yehova amwilaboni yatene enoodidelave omulabela Yehova nuroromeleya naarive eharahariwaga. Wihina woone dhakavihere addibila ayo, musugwe VIDIYU, mwamala muthapanyedhe nikoho nnaharela:
-
Nvidiyuni muna, yakavihere addibila ale okalave oovilela ddi?
Mmwileri Romanos 8:35, 37-39 ni Filipenses 4:13, mwamala wileri kadda yolebela, muthapanyedhe nikoho nnaharela:
-
Dholebela ndha dhinalibiha aavi nroromelo nawo yowihina enowenyeya ogonjhiha dhoweha?
Mmwileri Mateus 5:10-12, mwamala muthapanyedhe nikoho nnaharela:
-
Mwahaya bwaddi egandeya okalave oohagalala naarive oharahariwaga?
Matxikwi ni matxikwi adhaari a Yehova ehanda ogonjhiha widdiwa. Ni weya onere wanda!
ATHU AMODHA ENAWOGA YEGI: “Miyo kaginande ogonjhiha oharahariwa.”
-
Dholebela baani dha mBibliyani dhamukavihere muthu yoyo okanna oliba murima anahoweliye?
OVIRISEDHA
Yehova anoothabwa ovaha thima wilibihera wehu wihina nimulabele naarive niharahariwaga. Nnikavihero naaye, nnere wanda ovilela!
Ogwaddela
-
Mwahaya bwaddi makiristawu egajheha oharahariwa?
-
Ethu baani onafwaneleliwe werana mudhidhi yola wihina wiwegeredhe oharahariwa wafiya?
-
Enuvaha ebaribari ddi wihina naarive niharahariwaga podi omulabela Yehova?
WEGI ONONE DHITHU DHIMODHA
Woone makalelo mulobwana dhala avileliye nuvokedhiwa mukambura mwaha ohukosa epaddi yelabo.
Woone ethu yakavihere anamatelana dhaala okalave oororomeleya mwari mwa yakadhene naarive eharahariwaga.
Nnomulabela Yehova naarive nifwanyiwaga mudhidhi woorusa (7:11)
Woone makalelo ooliba murima nuharahariwa.
“Wiwegeredhe ovanene mwaha oharahariwa onadha” (A Sentinela, Julho a 2019)
Woone mwahaya bwaddi kannahowela otikina naharahariwaga ni amudhihu. Teto woone makalelo okannave murenddele ni ororomeleya wa Yehova naarive oharahariwaga.
“Ebaribari ‘kinadhana murenddele, mbwenye supadda’” (A Sentinela, Outubro a 2017)
