Adau ni Eva yahabala ahima, mowindo athu yahinjhivana mwilaboni yavati. Ogavirile mudhidhi, angero amodha yahithukulela enowitaganyihedha ni Sathana.

Aliwa yahidha mwilaboni yavati enothukula mwili wemuthu wihina yatele ahiyana. Ahiyana ala yahabala ahima alobwana anlubale, yari owopiha ni akopolo.

Elabo yavati yadhala athu yerana dhithu dhabure. Bibliya onihina: ‘Obure waathu wahidhala mwilaboni yavati vano dhaweradhiwa dhatedhene ndhowubuwela dha murimadhiwa dhali dhabureve mudhidhi ori mutene.’

Nowe ari muthu apama. Jeova aawoga ni Nowe igihina ginere watolosa athu abure ni manjhe a mutokora.

Mulugu ahimwaddela Nowe wi asasanye mwanddeya munlubale, avolosihe muralaye ni mulogo watene waanenyama.

Nowe ahaxagiha athu odha wa Mutokora, vano aliwa kiyanvuruwane. Amodha yanamuteya Nowe; amodha yanamwidda.

Mwanddeya ogamanle, Nowe ahavolosiha anenyama.