Akala iyovano nnofuna omuhagalasa Jeova, enofuneya omwiwelela muthu mmodha okweleya. Mudhidhi wawadda mundduli Adau ahinapaddusiwe, Jeova ampaddusa muthu mmodha akopolo oomuzimuni odhulu.

Vigavinre mudhidhi, Jeova amuruma muthu yola odha obaliwa OBelem odhela mwananamwali ithaniwa Mariya. Mwaana ola yamwinya ndina na Yesu. —João 6:38.

Ninga muthu mwilaboni yavati, Yesu ahoneyiha mologomana mikalelo dha Mulugu. Oliye ari apama, oodhivela ni owaddameleya. Moliba murima, ahahudhiha athu amodha ebaribari ya Jeova.

Anamaholela dhigereja yamwidda Yesu mwaha oliye anoneyiha mahudhiho ewa awota ni mikalelo dhabure.

Mowindo Yesu ahayiliha aredda ni ahavenyiha athu amodha yakwile.

Anamaholela dhigereja yahatuja akudda Roma wihina emuukuthe Yesu ni emwipe.