ANAMATONYIHEDHA Anamatonyihedha ethomiwe wihina yukavihere. Nnowuloba wi okale owiwanana ni aliwa wawiwelelaga matonyihedho ewa yutonyihedhaga mburo vohiya karo, moweddedda, okoya mburo ni muselu dhimodha.

DHORIMELA NI DHODDODDIWA Dhego dhatedhene dhiddoddiwe mwinyaya ahinoniwe, dhiveleliwe mburo winakala dhorimela ni dhoddoddiwa. Akala we ohurimeliwa yego, odhowe waje mburo yola Ahima ooddoddiwa eveleliwe mburo yola. Wihina eyo yahereye, abaabi enofwanela wawing’anela aniwa ni ekirati vamodha.

DHOVELELA Wihina musonkano ola okale woriya ni wonikavihera onfiyedha Jeova, dhihinongiwa korowa wihina dhegeredhiwe mpaddo dhowakwanela, maradiyu ovuwihana madhu, sinema dhowonela vidiyu ni mabasa mamodha. Dhovelela dhawo ni murima dhinere okavihera oliva korowa dhinongiwe ni wakavihera mabasa waapela elabo yatene yavati. Dhinofwanyeya kaxa dhili mburo dhohiyana hiyana dhilebiwe wihina dhikweyihe werana yovelelawo. Wafuna ovelela mu internetini ovolowe va donate.pr418.com. Dhovelela dhatedhene dhinnakeliwa pama. Nikuru Nolamulela nnowutamalelani wodhela okavihera wenyu wa mabasa Omwene.

MBURO Onolobiwa wihina wawubuwelege akwawo. Akala onofuna okoya mburo, nnowubusedha wi wakoyele bahi amudhawo, ale enathanana niwe, ni ale emmuhudhera Bibliya niwe. Nnowuloba wi onahiye ethu vampaddoni vihimukoyeliwe muthu.

MABASA OWIVELELA Akala we onohowela okavihera mabasa vamusonkanoni, owoge naale enaaholela Mabasa Owivelela.

OBADDIZIWA Mburo waaliba obaddiziwa onere opwehiwa osogolo wa tiribuna, dhahikalawo muselu dhimodha. Aliba obaddiziwa egirati mburo wewa mwaha wa obaddiza ohunambele, Sabadu mambesi. Kadda muthu adhegena tuwalya naye ni dhowara dhofwanelela obaddiziwana.

WAKAVIHERA AREDDA Nnafuna nuwubusedhe wi epaddi ela yegeredhiwe wihina yakavihere ale enafwanyiwe oredda morurumusa.

Eskola ya Anamalaleya Oomwene Mapiyonero enna yaka 23 ofiyedha 65 enahowela wawenjhedhedha mabasiwa oolaleya enowithaniwa wi yone mutugumano wa ale enfuna ohudhera Eskola ya Anamalaleya Omwene, Domingu, mutana. Mudhidhiya ni mburoya wa mutugumano ola onere ovuwihiwa.