OBAJHA OTHAPANYA
MUSOLO 3
Opama
Nlagano: ‘Odhivela . . . fwapama.’ — 1 Cor. 13:4.
Ethu erilena Yesu
1. Osugwe VIDIYU, obe omwileri Juwawu 9:1-7. Wamala wawakule makoho enaharela:
-
Ethu yobajha Yesu eriliyena ddi? Onvulumusa muliba ohoona obe omulaleya muthenga dhapama? Omusugwe Juwawu 9:35-38.
-
Mwahaya bwaddi ogoona wihina makalelo Yesu eriliyena dhithudha dhahimuthukulela mulobwana ole ovuruwana muthengaya?
Nnahudhera ddi ni Yesu?
2. Muthuya oonelamo wihina nnoonpwatha anere ofuna ovuruwana muthengaya.
Omutajhihe Yesu
3. Okale a nthebwa. Wipwehe vamburoni va muthu ole ni wubuwele makalelo oliye anooniye dhithudha.
-
Wikohe: ‘Dhithu baani dhinamuthuwathuwiha. Ethu baani yamuthukule murima?’ Wubuwela dhithu ndha dhinere wukavihera wooniha opama webaribari.
-
Muthu uwaaddela makalelo aliye obe makathamiho enanfwanya kusaddule museluya. Wampwasedha onvuruwana muthuya onowoniha wihina ononpwatha.
4. Owogege mwamakalelo apama ni ooriha. Makalelo awo owoga enere wooniha wihina ohukanna nthebwa ni muthuya teto onofuna omukavihera. Sapama wasakula pama madhuya ni makaleloya owoga. Teto pole-pole owoga dhithu dhinaamutakalele muthuya.
5. Onone okavihera. Yahoweleyaga, woone akala podi omukavihera muthu ni ethu anahoweliye. Omukavihera muthu podi onivaha ofuru wothapanya ni oliye.
OSUGWE DHIMODHA
Rom. 12:15, 16; Gál. 6:10; Heb. 13:16
