OBAJHA OTHAPANYA
MUSOLO 5
Warihege athuya
Nlagano: ‘Madhu enyu ekalege oowomave.’ — Col. 4:6.
Ethu erilena Pawulo
1. Osugwe VIDIYU, obe wileri Dhowera Dhaarumiwi 17:22, 23. Wamala wawakule makoho enaharela:
-
Pawulo nuwona dhilemelelo dha gereja dhakudda Atena aali aavi? — Osugwe Dhowera Dhaarumiwi 17:16.
-
Ohiya watoriha akudda Atena, Pawulo oonihe aavi nriho ni alabihedhe aavi dhithu yarumedhiwa wihina aalaleye muthenga dhapama?
Nnahudhera ddi ni Pawulo?
2. Nasakula pama ethu nnafunihu owoga, makalelo oowoga ni mudhidhiya wowoga athu enere onivuruwana.
Omutajhihe Pawulo
3. Wasakule pama madhuya. Motajhiha, wawogaga ni muthu ahili mukiristawu enohoweleya osaddula makalelo onamuromoliwe Bibiliya ni Yesu.
4. Kunvanyihege muthuya aawogaga. Omuhiye muthuya awoge otapuwene dhithu anubuweliye. Awoga ethu ehiniwanana ni dhohudhiha dha mBibiliyani, kuthamagelege onvanyiha. (Tia. 1:19) Wampwasedha onvuruwana muthuya onowanda wonelamo mubuwelo waye. — Pro. 20:5.
5. Dhenyeyaga orumedhe dhithu muthuya anawogiye ni omutamalelege. Oliye podi orumedhaga wihina dhohudhiha dha gerejaye sebaribari. Vobajha, oxixe owoga ethu aabilene munarumedhinyu. Vano vang’ono vang’ono omonelihemo dhithu dhinahudhiha Bibiliya.
OSUGWE DHIMODHA
Pro. 25:15; 2 Tim. 2:23-26; 1 Ped. 3:15
