Wahapwasedha wawileri a Namasugwera a yaka ela? Kabe noone akala onowanda wawakula makoho enaharela:

Makalelo onaweddihiwe ahiyana enomuhagalasa Yehova?

Yehova kanna nsakulo ni ahiyana, teto kanathabwa wavaha thima alobwana wapitha ahiyana. Teto Yehova anodhiveliwa onoona makalelo eli ahiyana ni dhithu dhinathuwathuwiha. Ohiya eyo, Yehova ohukanna ebaribari wihina arogola podi wanda wakwanihedha mutholo bu mutholo enakeliwa munikuruni naye. — Namasugwera 01/24 epaddi 15-16.

Nnaparihedhe aavi mabasa yolaga enafwanyeya va Efeziyu 5:7 enihina “kamwandane ni aliwa?”

Murumiwi Pawulo anna onixagiha wihina nihandane ni athu yanithukulele ohimwiwelela Yehova. Mwaha peeno nnojha mudhidhi wowinjhiva ni athu a mwilaboni, ohiya tho-tho baahi, mbwenye namulabihedhaga redes sociais. — Namasugwera 03/24 epaddi 22-23.

Ddiniyani onahoweliwe wera wiwa muselu dhowoota dhinavuwihiwa wodhela nikuru na Yehova?

Nnohowela okala pasope wihina nahipwasedhe ovuruwana muselu bu muselu enavuwiha akwihu ni addibila, ehirajhihile osanyiha. Muselu ndho podi okala mensaje enamadariwe ni athu nihanonnihu obe mapostata enisijhedha ekalaga ninga enofuna ohudhera ebaribari. — Namasugwera 04/24 epaddi 12.

Dhithu baani nihinonnihu ni nnonnihu wodhela makalelo Yehova anafuniye omutoriha mwene Salowawu ni athu ekwile mudhidhi wa mutokora ni ogujhuliwa wa Sodoma ni Gomora?

Iyo kaninonne akala Yehova atorihile athu ala wi yahikanne ejhehedhelo yowakela egumi, mbwenye ethu nnonnihu sowihina Yehova ahanona athu aatene ale, teto oliye Mulugu athagaraga. — Namasugwera 05/24 epaddi 3-4.

Ethu baani nahinaganyedhihu mwaha Mulugu okala “nibwe?” (Deut. 32:4)

Iyo podi othawela onikunguni wa Yehova. Teto oliye doororomeleya ni anowakwanihedha mpaganyo dhaye. Ohiya eyo, oliye ali txithi, bumwahaya kanasaddula dhikalelo dhaye ni mpaganyo dhaye. — Namasugwera 06/24 epaddi 26-28.

Onande aavi olemela mulogo muxa otameliwe?

Omuroromele Yehova, oliye anere wukavihera ndala ninga aakaviheriye adhaari aye akale. Kuliganihege mulogo onadheliwe ni mulogo muxa otameliwe. Okale ooviheya ni mabasa oomuzimuni ni okanne akwawo axa mulogo otameliwe. — Namasugwera 07/24 epaddi 26-28.

Nihudhenre ddi ni dholaddaniha 3 dhinafwanyeya va Matewuji kapitulu 25?

Dholaddaniha dha mbuzi ni mambila, enowoniha thima yokala ororomeleya. Teto yoladdaniha ya anamwali kumi oolodhowa ni ooxaga, enowoniha thima yokala mento ni owegeredheyene. Vano yoladdaniha ya talentu, enowoniha thima enna wapara mabasa nuviheya ni werana ele nnandihu. — Namasugwera 09/24 epaddi 20-24.

Mulago waali otempulu asasanye mwene Salomawu wanna malapelo a meturu mangasi?

ABibiliya amodhaya enawoga wodhela 2 Crónicas 3:4 enihina mulago wakannesa “guguno 120” obe neere, yakanna malapelo owakwana 53 mameturu! Mbwenye aBibiliya amodha oororomeleya enihina malapeloya yaali “guguno 20.” Podi wera malapelo yowaddamela 9 meturu. Ela enowohina pamadhene wi yowiwanana ni siri ya tempuluya. — Namasugwera 10/24 epaddi 31.

Okala ‘mudhaari ookavihera a muhiyana mmodha baahi,’ enatapulela ddi? (1 Tim. 3:12)

Eyo enatapulela wi onohowela wawoona matelo ndala ninga Yehova anawoniye ni kanafwanelela wawerana mararuwo. Bumwahaya, onohowela okala oororomeleya ni mwadhiye ni ohisayela omugayela muhiyana mmodhaya. — Namasugwera 11/24 epaddi 19.

Mwahaya bwaddi nigawoga wi Juwawu 6:53 kanawoga wodhela muthupo wowubuwela okwa wa Yesu?

Juwawu 6:53 anawoga wihina nnohowela ojha mwiili ni og’wa nikame na Yesu. Oliye asorihile madhu ala agaali oGalileya yaka ya 32 M.W. Awoga ni maJudewu yanna nroromelo. Mbwenye muthupo wowubuwela okwa wa Yesu weriwena nuuvira yaka oJeruzale. Mudhidhi yoole, Yesu awoga ni ale afuniye wihina edhowe odhulu wi yathongege nuliye. — Namasugwera 12/24 epaddi 10-11.