Dholebela dhinowoniha wi Yesu ambele okala namakutha munddimuwa nubaddiziwa yaka ya 29. Mwahaya bwaddi nigawogaga ndala? Mwahaya bowi, labo nenne Yesu ahiipeleka ninga mukutho oli va altareni a ‘efunelo’ ya Mulugu. Ela enatapulela wi Yesu nuubadiziwa oliye woniha wi anafuna amulabele Mulugu, ni ovelela egumi yaye wihina aavuluse athu owinjhiva. (Gál. 1:4; Heb. 10:5-10) Altare ola a nladdaniho ambele okalawo Yesu nuubadiziwa. Mudhidhi wamundduli altare yaali ethu yathima mutempulu. Mwaha wa yeyo, Iyo podi owoga wi tempulu enlubale ya nladdaniho yambele okalawo labo nenne Yesu nubaddiziwa. Mwaha wa mukutho erilena Yesu, Yehova onalabihedha tempulu ela ya nladdaniho wihina erena dhithu dhatedhene wi athu emwebedhege ni makalelo apama. — Mat. 3:16, 17; Heb. 5:4-6.

Mudhidhi wa mundduli yohoweleya wi otempulu akalewo namakutha munddimuwa, ni makalelo mamodhave peeno tempulu enddimuwa ya nladdaniho enohoweleya okalawo namakutha munddimuwa. Yehova olabihedha ‘muzimu waaye wotxena ni kopolo dhaye’ omusakula Yesu wihina akale namakutha munddimuwa. (Atos 10:37, 38; Marcos 1:9-11) Ki vano, nnakanne addi ebaribari wi Yesu nuubadiziwa osakuliwa wihina akale namakutha munddimuwa? Yotajhiha ya Arawu ni anamakutha amodha anddimuwa enere onikavihera wakula makoho ala.

Malamulo avahiwe Moses, yawoga wi banamakutha anddimuwa baahi yanna oneti wovolowa mburo wotxenesesa wa tabernakulu, podive tempulu egamagiwe mudhidhi nuuvira, yanna oneti baahi wovolowa mburo wotxenesesa wa tempulu yaali aliwene. Yaahiyaniha mburo wotxenesena ni mburo wotxena naali kurtina. Namakutha munddimuwa avolowa mburo wotxenesesa labo noovaha mukutho wi oliye ni nlogo eleveleliwe dhoothega dhiwa. (Heb. 9:1-3, 6, 7)Arawu aali muthu ooroma osakuliwa avolowesa mburo wotxenesesa, vano agakwile alobwana amodha oororomeleya osakuliwa wi evolowege mburo wotxenesesa. Ni makalelo mamodhave, wi Yesu ande ovolowa odhulu oliye ohowela okwa, mbwenye ahinathi okwa yofuneya wi oliye athomiwe ninga namakutha munddimuwa, mwili wa Yesu yakala ninga yobarela obe kurtina. Wihina Yesu avolowe odhulu yohoweleya athomiwe ninga namakutha munddimuwa. (Heb. 10:20) Mwaha wa yeyo, murumiwi Pawulo ahiwoga wodhela Yesu eraga: ‘Ninga namakutha munddimuwa, oliye ohuvolowa muddammwani enlubale ni yowogowa ehisasanyiwe ni mada aathu’ obe ‘odhuluwene’. — Heb. 9:11, 24.

Kawivo ohiyana, mwahaya bwaddi? Mwahaya bowi, Yesu nuuhogolowela odhulu, oliye onvaha Mulugu egumi aye yathima ni yowogowa ninga mukutho wihina anivuluse wi nipangano nne Yehova arumedhe, Yesu aherana dhithu tharu. Dhithu ndha tharu dhihilabihedhiwa wihina nipangano nixa nambele olaba.

Dhithu ndha tharu eriliyena Yesu, sivi? — Gál. 3:15; Heb. 9:18 Ethu yoroma, Yesu ahidhowa mburo vaali Yehova.

Yanabili, Yesu onvahedhela Yehova mukuthwaye oliye eriliyena. Yanatharu, Yehova wakela ni malada menddi mukutho anvahile Yesu. Dhithu ndha tharu Yesu ahinerena, nipangano nna nixa naali nihinambele olaba.

Bibliya kanawoga labo baani Yehova akenliye mukutho erilena Yesu. Mwaha wa yeyo, kannanda owoga labo baani nipangano nixa nambeliwa olaba.Mbwenye ethu nnonilihu sowi Yesu ahogolowele odhulu ehalaga labo kumi wi pentekoste ereye. (Atos 1:3) Muwari mwa mudhidhi olene mug’nig’nive, Yesu onvahedha Yehova mukutho waaye erileyenna, vano Yehova wakela. (Heb. 9:12) Ethu enoniha wi Yehova ahakela mukutho wa Yesu, sile epadduwile yaka ya 33 mudhidhi wehu va pentekoste. (Atos 2:1-4, 32, 33) Kannanganyedha wi nipangano nixa nahiroma olaba.

Mogwaddela, nipangano nixa nithomiwe ni niromile olaba, labo Yehova akenliye mukutho erilena Yesu Nipangano nixa niromile olaba musogoleliya di Yesu namakutha munddimuwa. — Heb. 7:25; 8:1-3, 6; 9:13-15.