Onofuna opurelamo ohudhera wawo wa vayeka? Kasugwa dhoxagiha ndha dhinukavihere wanda opurelamo ohudhera wawo vayeka:

• Osayele mburo wapama ni wofwanelela. Osayele mburo wapama, owegeredheya ni onna malampada wihina wandege woona pamadhene dhithu onileriwe.

• Osayele mburo womaleya onandiwe okalavo weka. Yesu owilibihedha olobela “mambesi” ni “mburo wahaali athu.” (Mar. 1:35) Akala kinandeya okala weka vaade vawo, we podi wawaddela amudhawo obe athu onaakaliwena vamodha vaade, mawora osakunliwe wi werena ohudhera wawo wavayeka.

• Orabele dhithu dhunyonye mudhidhi weragana ohudhera wawo. Akala onolabihedha tableti obe telefoni wihina werena ohudhera wawo wavayeka ovugule volume ya telefoniya. Wubuwela werana ethu-sithu mudhidhi weragana ohudhera wawo, olebele ethuya wihina werena wamala ohudhera. Akala enowurusa okala oopwaseyene wahudheraga we podi okumiha mwana mudhidhi wihina withuwe obe widhogole wamala ohogolowele ohudhera.