Mudhidhi niwegeredhaga wihina nihudhere, iyo podi wikoha: “Ginafuna gihudhere ddi?” Iyo aatene nnohowela ohidduwala wi naarive nigahudhenre dhithu dhowinjhiva, eyo kinatapulela wi kawo dhithu dhixa nnahowelihu ohudhera, mwaha Yehova anafuna wi ndhowegeve nihudherega dhithu dhixa. Nnande aavi ovuruwana ndhe Yehova ananihudhihiye mBibiliyani?

Olobele olobaga thotho. Olobele wa Yehova omulobaga wihina ukavihere wonelamo dhithu dhixa onahudheriwe. (Tiya. 1:5) Kuhagalale baahi ni dhithu ohudheriwe kale. — Pro. 3:5, 6.

Ohiye wihina madhu a Mulugu esaddule egumi yawo. ‘Madhu a Mulugu ehikanna egumi.’ (Ebe. 4:12) ‘Madhu’ eegumi a Mulugu ehikanna kopolo yosaddula egumi yehu mwamakalelo ohiyanahiyana kadda mudhidhi nnawilerihu. Mbwenye nnande osaddula egumi yehu, naaparihedhaga mabasa mwigumini mwehu dhithu nnahudherihu.

Otamalelege dhithu dhatedhene Yehova analabihedhiye wihina uhudhihe. Dhoojha dhehu dhomuzimuni dhinakala ninga ‘mathanga a dhoojha dhoonuna.’ (Isa. 25:6) Kulupege ‘dhoojha’ dhomuzimuni onubuweliwe wihina kadhinudhivele obe kadhinukavihere mwigumini mwawo. Mwaha wihina dhoojha ndha, dhinere wukavihera mwigumini mwawo ni dhinere wuhagalasa!